دى الحكايه مش محتاجه شرح .. انت مجرد كارت ف لعبه جرح

لا تقلى شايب ولا كن كان ولا تقولى فلان غلب علان
دة نظام عدى وكان تعالى احكيلك حكاية جنان
لها صيت وصدى رنان حكاية لعبة الفها زمان
ياعالم هتخلص على اية كمان
كان فية ولد فى الجرح شاطر شايف نفسة لعيب مغامر
قال ياللا اروح واقامر بقلوب ما تعرفش تعافر
وكانت دى مصيبيتهم وجت هزيمتهم فى محبتهم
فيهم اللى تعب واستسلم ومنهم اللى راح يلطم
وفضل صاحبنا يقول عفارم انا طلعت واد ذكى وفاهم
وهافضل فى اللعبة اقوى
طالما بيتى مش من ازاز وبقيت فى اللعب استاذ
وهافضل فى اللعبة اقوى ماشى على القلوب استقوى
مانا فاهم اصول اللعبة دة الغالب فيها بيبقى
وفى يوم اغبر ملهوش ملامح كان ماشى فى دنيتة وطايح
لقى بنت جميلة شعرها سايح وبسرعة راح فيها سارح
ولقى قلبة فى لحظة طب ووقع على بوزة وحب
وقرر يصرح انة بيحب
ماهو فاهم اصول اللعبة دة الغالب فيها بيبقى
وكانت خيبتة تنحس فى الرد واللى بناة فى احلامة اتهد
لما قناعهاانشال وانشد وقالت لة كلام يوجع بجد
وراحت تقولة صحصح دة انا اللى عرفت فيك افرح
وقدرت بخيالك اسرح
ماتيجى تتعلم وتبص ولا انت فاكر انك لوحدك البص
ده انا اللى فاهمة اصول اللعبة وان الغالب فيها بيبقى
كان سلاحك هو قلبك والنهاردة خدعك وانقلب ضدك
واتسبب كمان فى المك
دى الحكاية مش محتاجة شرح دة انت مجرد كارت فى لعبة جرح
وانا عرفتك مقامك صح
سيبنى يالا اجرح غيرك وروح يمكن تلاقى نصيبك


منقول