هل مهر الفتاه دليل على قيمتها ؟؟؟

موضوع للنقاش الهادف امل من الجميع المشاركة باراءهم الفتاة في نظر اهلها جوهره غاليه لاتقدر
بثمن ولكن هل هذا عذر او سبب في غلاء المهور

ظاهرة تفشت في مجتمعنا وتحتاج لمناقشة الأسباب التي جعلت هذه الظاهره تزداد يوماً بعد يوم

احببت ان اطرحها في منتدانا ونناقشها سوياً للبحث عن الأسباب وماهي الحلول من وجهة نظركم ؟؟

لا شك ان المهر له حكمة إلهيه وهي تعبير خاص عن مكانة الحياة الزوجيه ورفعة شأن الفتاة

وإيماء برغبة الشاب الزواج منها قال الرسول صلى الله عليه وسلم (خير الصداق ايسره)

ولكن مانلاحظه في هذا الزمان يصل مهر الفتاة لأرقام خيالية وخارجه عن المألوف وتكاد لاتصدق !!

فـ هل مهر الفتاة دليل على قيمتها او على قيمة غلاوتها عند اهلها او لمن يتزوجها ؟؟

او انها مجرد تقاليد لا معنى لها وجدت في زمن يطغى عليه المظاهر والبذخ والمفاخره بين الناس ؟؟

سؤال يبحث معظم الشباب عن اجابه له دوماً

ما الذي يحدد قيمة المهر ؟

هل هو مستوى جمال الفتاة او اصلها او المستوى التعليمي او المادي ... الخ

ومن المسؤول عن هذا الأمر هل هو ظلم الأب وجشعه وطمعه لبناته كسلع للمتاجرة بها او بيعها

او عدم بيعها ابداً في حالة ان تكون موظفه لأنه يراها كبنك متنقل !!

او ان هذا الموضوع يرجع الى الفتاة نفسها لانه يصبح مصدراً للمفاخرة بين بنات جنسها

واعتقاد بانها ستتميز عنهن كلما زاد قيمة مهرها !!

....

قال الرسول عليه الصلاة والسلام (اكثرهن بركة ايسرهن مؤونه)

قضية غلاء المهور جزء بسيط من عدة قضايا تعرقل الزواج وتصعب الأمر على الشباب

اسئله محيره تراود الشباب وتختلف اسبابها لدى الفتيات احببت طرحها ومناقشتها معكم

اتمنى اجوبه صادقه من البنات ومن الشباب للوصول الى نتيجه او حل

ملطووش لللإفاده

او انها مجرد تقاليد لا معنى لها وجدت في زمن يطغى عليه المظاهر والبذخ والمفاخره بين الناس ؟؟

انا رايي ان المهر حاجه تقليديه ومش بيدل على غلاوه الفتاه عند
اهلها والشاب اللى بيحبها ومش لازم يكون رقم خيالى
انا افتكر ان مهر والدتى كان ربع جنيه
تقبل مرورى

اه يا فور ايفر
ومهر والدتى وأمهاتنا كلنا كان حاجه ماديه بسيطهجدا
بس انا بتكلم على دلوقتى
والد أى بنت بيستغل ان واحد رايح يتقدملها ويقوم قايل المهر كزا
طبعا يعنى هو العريس هيجيب شقه وشبكه ولا مهر
بس برده انا عاوز راى باقى الأعضاء

والله انا شايف ان المهر مش دليل على القيمة ولكن الحب والتفاهم بيكون هو اللى بيسهل الحياة لان الملا بيجى مع الوقت لكن الحب مش ممكن نصنعه ولكن المال ممكن يجى مع الوقت

هو اكيييييييد مش دليل بس بيقولك اللى بيجى بالساهل بيروح بالساهل يعنى لازم يعمل كل جهده انه يوصل للانسانه دى وكده بس يعنى مش معنى الكلام ده ان احنا ندفعه كتييييييييييير اوووى زى ما بيحصل مفيش احلى من البساطه لو الاتنين شارينين بعض اكيد كل حاجه هبقى سهله ف النهايه بس برضه مع عدم التنازل عن الحاجات الاساسيه يعنى مش لالازم تتنازل عن كل شىء ونقول انها بتساعده وان الرحمه حلوه
يااااريت يكون رايى وصلك
تقبل مررورى
تسلم ع التوبيك الهام جداا

بس مش كل حاجه يا لولو بتيجى بالساهل بتروح بالساهل
أصل ده جواز يا لولو
مش لعبه
ف طبعا قبل م أتقدم لبنت لازم هفكر مليون مرة
صح؟

لا انا مع اللي بيجي بالساهل سهل جداااااااااااااااااااااا انه يروح بالساهل
والمهر لايدل اطلاقا علي غلاوه الفتاه ا قيمتها
والمهر لا بيدل علي طمع الاب ولا جشعه ولا اي حاجه من دي اطلاقا

ودى وجهة نظر
عاوز باقى الأعضاء

بس علي فكرة لو الزوج لو عايز يطلق مش بيهمه ولا مهر ولا اي الفلوس
كل هدفه انه يخرج من الجوازة دي باي شكل

لأ مهو خلى بالك برده يا ميروووو
الطلاق مش حاجه سهله
دى مش لعبه
وأنا عن نفسى أه بسمع ان فيه حالات طلاق وكده
بس قليله جدا
وكل الناس بتمشى أمورها
أصل مهو مش أى مشكله يبقى حلها الطلاق
نووووووووووووووو
ده يبقى كده كل البنات هتتطلق
ههههههههههههههههههه

انا من رأى ان هدف الارتباط الاسمى هو الحب والموده والسعاده الزوجيه
اماالمهر فالمفترض انه يكون مجرد شئ رمزى ..الكلام ده زمان
مش يبقى المهرهو الاساس واختيار الزوج بأخلاقه وتربيته هو الحاجة الفرعيه..زى ما بيحصل دلوقتى
ومعظم ابائنا ابتدو حياتهم من الصفر والحمد لله دلوقتى مستواهم المعيشى كويس
وانا شايفه برده ان البنت ممكن تتفاهم مع باباها ف المسأله لو حست ان المهر المطلوب من العريس غالى جدااا
عشان متبقاش فعلا زى السلعه واكننا ف مزاد علنى للى يدفع اكتر
تقبلو مرورى

بص يا هيرو موضوع جميل اوى
هو اكيد المهر مش رمز ولا بيدل ع قيمة البنت
بس انا هتناقش معاك بالعقل
كل اب عاوز لبنتة تبقى احسن واحدة وعايشة احلى عيشة واحلى بيت
فالابهات بيطلبو المهر وقايمة وشبكة كل دا عشان يضمن حق بنتة لان ف ناس بصراحة وبقى الاغلبية كدا والله
وبدون اى حد ما يعترض لان دى الحقيقة بقو بيخدعو وبيبقو كدابين وداخلين استغلالين
هو فى فعلا ابهات بتستغل حقيقى بس معظم الابهات بيبقو بدون قصد يعنى ضمانا لحق بنتهم مش اكتر وكلة مكتوب ف القايمة بقى
شكرا ليك يا هيرو مرة تانية ع الموضوع

والله انا رايي ان المهر دا هبل
لان اللي عايز يطلق واحده متهيالي انه مش هيفكر هيدفع كام لا بالعكس دا بيبقي عنده استعداد يدفع فلوس الدنيا كلها بس يخلص من وشها ههههههههههههههههههههههههههههههههههه سوري يعني في كلامي بس هي دي الحقيقه وبرده البنت لما تبقي عايزه تطلق من واحد بتكون مستعده تدفع فلوس فوق مهرها بس تخلص من قرفه هههههههههههههههههههههههههه صح
فمش دي الحاجه اللي هتضمن الحق متهيالي
عموما دي مجرد وجهت نظر
وبعدين ان رايي ان الحجات دي اصلا بتكون مجرد حاجه من العريس لعروسته محدش يقدر يتشرط ع حد عاطيله حاجه
وبرده دي وجهت نظر
ميرسي ع فتح الموضوع دا