عندما يكون الحب دواء وعندما يكون داء

( عندما يكون الحب دواء وعندما يكون الحب داء )

البعض ممنا بيبقى محتاج انه يلاقى حد يحبه او يحس بيه ويقدر يبقى ليه الصورة والمثال والقدوة والدافع ليه فى الحياة

حد تقدر تعيش ليه وتكمل معاه حياتك وتحس معاه بالامان والحنان اللى ممكن متكونش عشته او اللى انت محتاج تفعله

ويبقى أكتر وأكتر احيانا بنبقى محتاجين حد يسمعنا ويحس بمشاعرنا سواء كانت حزينه او فرحانه

وأحيانا برضه بتلاقى نفسك بتتشد وتروح لحد متعرفوش لمجرد بس ان قلبك محتاج يبقى مع ده لشعورك بالسعاده وبالنشوة

وانت بتبقى قريب منه بتبقى محتاج تعرف حاجات عن شخص غامض بالنسبة ليك بتلاقى جواك فضول انك تعرف مين ده

محتاج دايما انك تقرب منه وتحس بيه وتشاركه حياته وتاخد بايده

وساعات الظروف بتخلينا نقرب لحد مكناش بنحبه وفجاءة كل حاجه جوانا بتتحول للشخص ده

وأحيانا بنلقى نفسنا تايهين ضايعين ملناش هدف ومنبقاش عارفين الصح فين بتلاقى فجاءة حد مد ليك ايديه وبيقولك انا معاك

ساعتها بتتحول حياتك وبتتغير وبتبقى حد تانى بتبقى الحد اللى كان لازم يبقى كده من زمان

ده كل كلامى او اللى انت ممكن تقدر تقوله وتعبر عنه لما تقول عن بعض أسباب الحب لأن أسباب الحب مالهاش حصر

لأن كل واحد حياته بتختلف من حيث كل شىء وكل واحد ليه أسبابه المهم عشان منطولش

كل اللى عايز اقوله ان ده فعلا بيبقى حب وحب قوى لما بتلاقى دايما قلبك اتقابل مع اللى بتحبه على شىء كنت مفتقده

بيعوضك عن حاجات كتير لما بتحب بتحس انك كنت فى بحر ولقيت حاجه تتعلق بيها تنقذك من الغرق لما بتحب بتحس انك

كنت ماشى فى طريق كله ضلمه وحسيت انك طلعت للنور بقى فى دافع وفى أمل وفى حقيقه وفى شمس وفى قمر فى مشاعر

فى أحساس فى حياة فى حب من قلبك لكل الناس فى عندك رغبة حقيقه انك تبقى بجد حاجه وان العلاقة دى تستمر عشان

تثبت كيانها ووجودها فى المجمتمع والكل يسعد بهذه العلاقة كل ده الحب فعلا بيعمله وأصحاب الحب ده فعلا مبيتعوضوش

ويوجد العكس عندما تقابل شخص وتتعلق بيه يكون ذلك الشخص هو سر تعبك وأجهادك وسر ارهاقك وسبب عذابك

ممكن تكون حبيته من قلبك وهو محبكش او مقدرش يحسك وممكن يكون حبك بس مقدرتوش تفهموا بعض

ممكن يكون حصل كل اللى اتكلمنا عنه فى الأول وفجاءة حسيت ان اللى بيحبك بيتغير وبيهرب من حياتك لأسباب انت

متعرفهاش المهم بعد البعد عن اللى بتحبه بنحس فعلا اننا خسرنا كل حاجه وكل شىء كان ملكنا وبين أيدينا

بنحس ان الدنيا انتهت وان اللى كان هو سر الحياة بقى هو سر العذاب والقسى

ده اللى اقصده فى الحب لما أحيانا بنلاقيه دواء لقلوبنا ومشاعرنا وأحيانا بيكون داء يصيب قلوبنا ومشاعرنا

الفرق بين الداء والدواء كبير والموضوع محتاج كلام كتير

محتاج منكم انتم تتكلموا أكتر ونوضح ونسأل ونجاوب بعضنا

أزاى الحب بيبقى دواء فعلا وأزاى بيتحول لداء وياترى ايه العلاج المناسب بعد كل الكلام اللى قولناه فى مقدمة الموضوع

وياترى فعلا لو بقى الحب داء ازاى ؟ نخلق منه من جديد دواء يكون صالح للأستخدام ؟

الموضوع مهم جدا جدا ! ومحتاجين اننا نشارك بعض ونتكلم بحرية وبصدق

أتمنى أن الموضوع يكون فى صالح الجميع

يا ريت يا جماعة اعرف الرد

ممكن يكون حصل كل اللى اتكلمنا عنه فى الأول وفجاءة حسيت ان اللى بيحبك بيتغير وبيهرب من حياتك لأسباب انت
متعرفهاش المهم بعد البعد عن اللى بتحبه بنحس فعلا اننا خسرنا كل حاجه وكل شىء كان ملكنا وبين أيدينا
بنحس ان الدنيا انتهت وان اللى كان هو سر الحياة بقى هو سر العذاب والقسى

كلامك كله صح وتمام التمام
وفعلا ده بيحصل
القرب والفراق دول بيكونوا حاجة قدرية مش بادينا

ميرسى ع التوبيك يا باشا

أزاى الحب بيبقى دواء فعلا وأزاى بيتحول لداء وياترى ايه العلاج المناسب بعد كل الكلام اللى قولناه فى مقدمة الموضوع؟
من وجهه نظرى يبقى دواء ويتحول لداء لما نبقى من جوانا خلاص رافضين كل شىء او حد من الاطراف بقى مش شايف التانى جواه
زى كده لما تحب حد مش ليك وتفضل تحلم بيه وتنسى حقيقه انه مش ليك لغايه ما تحب بجد بكل ما فيك وتعر كل شىء عن حياته رغم انه مش يبقى ف تواصل بينكم وفجاءه تصحى ع حقيقه انه مش ليك ولا هيبقى ليك ابدا مهما اتغيرت الظروف بيتحول لداء لما تقف كل العقبات ف سبيل الحب ده ووقتها الحل الوحيد للموضوع ده ببقى الهرووووب وساعتها بيهيقلى الهروب يبقى مبرر
بس اكيييييييد لو بقى ف حاله حد من الاطاف مبقاش حاسس بالتانى او يعنى مش حاسس بيه من البدايه وقتها يسيب كل حاجه للظروف والنصيب والقدر وزى ما مكتوبلك هتلاقى

وياترى فعلا لو بقى الحب داء ازاى ؟ نخلق منه من جديد دواء يكون صالح للأستخدام ؟
انت نفسك قولت داء لو داء مؤقت مش خبيث اكيد مع مرور الوقت التسامح هيعالجه لكن لو خبيبث اظن تبقى الحكايه نهت نفسها ومش محتاجه لمحاوله ايدااااااااااااا
بس ف النهايه الانسان لما بيحب عمره ما بيشوف حبيبه ده وحش ابدااااااا حتى لو خانه ببقى من جواه حاسس انه هيموت ويبقى جنبه بس
ربنا ما يكتب ع حد داء الحب ابداااااااا
ثااااااااااااااااااااااانكس كتير ع التوبيك الرائع

الكلام زى الفل يا باشا كله مظبوط تسلم

الحب داء
لما تحب شخص بجنون وهو كمان وانتو عارفين انكو مش لبعض يبقى داء
ولما تحب شخص بجنون وهو جرحك وسابك ولسه بتحبه يبقى داء
الحب دواء
لما يمجى من قلبك جرح من حب قديم يبقى دواء
لما تكون حياتك فاضيه وهو يملى عليك حياتك يبقى دواء
لما يغيرك للاحسن يبقى دواء

الحب داء ودواءة الحب ايضا
تقبل وجهه نظرى المتواضعه جدا عن الحب