قصه حبيبين

موضوع: قصه حبيبين الأربعاء أكتوبر 06, 2010 7:02 am

تذكير بمساهمة فاتح الموضوع :

دى قصة عجبتنى جدا

يا ريت تعجبكوا زى ماعجبتنى

يوميات عمرو وياسمين

أبطال القصة :-

1- عمرو

2- ياسمين

وفيه اشخاص فرعية ذى

1- حودة (صاحب عمرو)

2- الخطيب (صاحب عمرو)

3- مروة (صاحبة ياسمين الانتيم )

مش ها اطول عليكم اكتر من كدة

(_هااااااااااا ندخل فى القصة على طول_)

القصة ديه بتبدأ لما عمرو وحودة كانوا بيتمشواااا وحودة بيحكى لعمرو على واحدة شفها امبارح ....

حودة : - ده انا شوفت حتة دين بنت يا نهار ابيض جامدة اوى اوى , جسم ايه

جامدة جامدة يعنى

عمرو :- ههههههههههههههههه

يا بنى انت مش ها تبطل بقى قلة ادبك ديه انت عمرك ما تبص على الجمال وتفكك من الحاجات اللى انت بتقولها ديه نفسى تبص لوش البت مش على جسمها !!!

حودة :- ايون خليك انت كدة عايش فى الوهم يا بنى خليك عملى وانا ها استفاد ايه لما ابص لوشها مش لازم اعاينها الاول

((معلش بقى تقولوا ايه شخصية زبالة ))

عمرو :- انت حر يا عم بس لما واحدة تهزقك ولا تمرمط بيك الارض ما تبقاش تعيط وانا مش ها احوش

حودة :- يا بنى تمرمط مين ده انا حودة الجامد اوى ..,,..

((وف نفس اللحظة ))

حودة :- انت تنحت كدة ليه ؟؟

عمرو:- يا نهار ابيض على الجمال مين البت ديه يا حودة ((بم إن حودة خبرة فى الحاجات ديه ))

حودة :- ما هى ديه يا عم البت اللى انا بحكيلك عليها ايه رايك جامدة صح ؟؟

عمرو:- جامدة مين يا عم ديه صاروخ انت شايف عنيها عاملة ازاى

حودة :- عنيها تانى وانا اللى قلت انك فوقت من الوهم اللى انت فيه جاتكداك داهية شايف ال ......................... ((شوفوا انتم بقى عشان مش ها اقدر اتكلم ))

عمرو :- استنا بس يا حودة ايه يابنى البت ديه

((وفلحظة اختفت من قدام عيون عمرو ))

حس عمرو ان روحى اتسحبت منه وان قلبه بيجرى يسابق الزمن , وما تمناش اد ما تمنى فى حياته انه يعرف اسمها او حتى يعرف اى حاجة عنها

حودة :- ايه ياعم السهتان رحت لفين

عمرو:- ((مافيش رد))

حودة :- انت يابنى

عمرو :- ايييييييه (( كان سرحان صاحبنا))

انت بتقول حاجة يا حودة ؟؟

حودة:- لا ولا حاجة يا حبيبى يلا بينا انت شكلك دخت

عمرو:- البت ديه جميلة اوى يا حودة اوى اوى

انت ما تعرفش ديه مين ؟؟

حودة :- يا ريت كنت اعرف !!!!

ااااااااااااااااااااااااااااااااااة

هههههههههه

ما تيلا بينا بقى يا عمور إحنا اتأخرنا

((وبعد مرور ايام اتعمد عمرو انه يروح نفس المكان ونفس التوقيت اللى شافها فيها اول مرة))

(( وكان على امل انه يشوفها تانى ))

بس المرة ديه قابل الخطيب ((صاحبهم التالت))

الخطيب :- ايه يا بنى مين اللى موقفكم هنا

حودة :- شوفلك حل فى عم الرومانسى اللى لاطعنا هنا بقاله نص ساعة

الخطيب :- وعلى ايه كل ده ؟؟

((وصحبتنا كانت طالعة فى اللحظة ديه))

حودة :- الصلاه ع النبى فرس ....... فرس يعنى مش اى كلام

عمرو :- اتلم بدل ما لمك ديه خلاص بقت تبعى

الخطيب :- فيه ايه يا جدعان ؟؟!!

الحوار على ايه ؟؟!!

حودة :- شوفلك صرفة فى عم الرومانسى ده

ده بيحب على روحه

عمرو:- احترم نفسك ياض

حودة :- شايف الغزال اللى هناك ده الكبير اوى ده

الخطيب :- اممممممممممممم !!!!

انت عارف ديه مين ؟؟

عمرو :- ايه ده انت تعرفها ((بلهفة ))

الخطيب :- ديه اخت باسم صحبنا ال فى الكلية

عمرو :- باسم مين ؟؟

الخطيب :- باسم المدخوم

حودة :- يااااااااااا راجل باسم الموميا

قول كلام غير ده

الخطيب :- انت معجب بيها ولا ايه ؟؟

حودة :- معجب ايه ياعم ده ميت ((بتريقة))

عمرو :- انا مش عارف يا خطيب انا والله حصلى ايه من ساعة ما شفتها

حودة :- حصلك نفس اللى حصلى

ااااااااااااااااااااااااااااه

الخطيب :- انت لسة ذى ما انت

حودة :- امال عايزنى ابقى ذى عمك الرومانسى ده

عمرو :- يا جدعان سيبوكم من اللى انتم فيه ده دلوقتى

وقولولى اعمل ايه دلوقتى ؟؟

الخطيب :- تعمل ايه فى ايه انت عبيبط يا بنى !!

عمرو :- انا نفسى اكلمها بس مش عارف ازاى ؟؟

الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع الموضوع ده من دماغك

عمرو :- اممممم (( وبيهز راسه ))

انت تعرف اسمها يا خطيب ؟؟

الخطيب :- ااااااه

عمرو :- اسمها ايه ؟؟

الخطيب :- اسمها ياسمين

عمرو :- يــــاسمين

الخطيب :- وآنت عارف انت ممكن تجيب رقم تليفون البيت كمان بسهولة

عمرو:- ازاى ؟؟!! (( باستغراب ))

حودة :- يا عم من اخوها يا عم

الخطيب :- اتلهى على عين امك يا اهبل

ما يروح احسن يقول لاخوها

عمرو :- امال ازاى ؟؟

الخطيب:- ماهى تبقى صحبة سلمى اخت صباحو كدب

حودة :- الكداااااااااااااااب ((بضحكة))

(( وده صاحبهم الرابع واسمه كدة لانه ماشى بيكدب على روحه

كدااااااااااااااااااااااااااااااااااااب اوىىىىىى ))

الخطيب :- بس اوعك يا عمرو تعمل كدة

ما تنساش يا جدع انه صحبك

حودة :- فكك يا عم من الولة المعقد ده ما تسمعش كلامه

وفيها ايه لما يكلمها هو يعنى ها يقلها كلام ............

وبعدين هو اولى من الغريب بس هو يقدر عليها وما يكسفناش

عمرو .... الخطيب .... حودة

هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه )) ؟؟؟؟؟؟؟!!!!!!!!!

يا ترى عمرو هيكلمها ولا لا ؟؟

ويا ترى عمرو ها يسمع كلام الخطيب ولا حودة

هنعرف الحلقه القادمه

منتظر ردودكم علشان الحلقه اللي جايه

فين باقي الحلقات يا استاذ
هنقعد نتحايل علي سيادتك كتير يعني؟؟
انا مش بحب اقول الكلمه غير مرة واحده بس
وانت عارفني كويس
وقد اعذر من انذر

عدد المساهمات : 480 تاريخ التسجيل : 22/09/2010

ايوه كده يا ايمان
وريله العين الحمرا
كلنا وراكى يا ايمان
هههههههههههههههههههه

واوووووووووووو
ايه ده لأ مين اللى بيهددنى
الكبيرة
هههههههههههههههههههههههههههه
وانجى بتشجها
طيييييييييييييييييييييييييييييييييب
مش هحطالباقى دلوقتى
هههههههههههههههههههههههه

الحلقه العاشره

كنا انتهينا عند الفراق وازاى الفراق بيبقى صعب اوى اوى
وخصوصا للعشاق اللى بيحبه بجد وبيخلصوا لحبهم بجد من كل قلبهم

بس يا ترى عمرو
خاين
وكداب
وانانى
وضحك عليها وماحبهاش بعد كل ده !!
طب ليه عمل كل ده من الاول ؟؟
وليه سابها من غير حتى وداع ويقولها على سبب ؟؟!!
يا ترى ياسمين عملت حاجة غلط ؟؟
ياترى كان بيضحك عليها طول الفترة ديه ؟؟
.....

كل ديه اسئلة كانت بتدور فى عقل ياسمين بس بدون اى اجابة
ومش لاقية اللى يرد عليها

عمرو وقافل موبايله وكل اللى تسألهم عنه يحزروها منه
طب بعد ايه ؟؟؟؟؟؟
... بعد ما حبته من كل قلبها...

يلا نكــــــــمل

ها نسيب ياسمين واللى هى فيه
ونروح لعمرو
ونرجع لليوم اللى عمرو اتصل بيها وقالها انه خلاص مش ها ينفع يستمروا مع بعض
اى اللى خلاه يعمل كدا ها نعرف دلوقتى
....................

والد عمرو :- بنت عمك جاية النهاردة ولازم تروح تجيبها من المطار

عمرو :- اشمعنا

والد عمرو :- ياعمرو انت عارف اشمعنا انت ؟؟!!
(( وده موضوع قديم اوى ومعروف فى المجتمع المصرى ومنتشر جدااااا ...ان لازم ابن العم يجوز بنت العم عشان بنات العيلة ما تخرجش بره ))

وهما متربين من صغرهم مع بعض ... لكن عمرو ما بيحسش قدامها غير انها اخته وبس ............وهى كمان زى اخوها

بس والد عمرها ووالدها مش شايفين كداااا

عمرو :- يا بابا احنا ها نتكلم فى الموضع ده تانى مش كان انتهى من زمان

والد عمرو :- يعنى ايه انتهى ديه بنت عمك وخطيبتك من وانت فى اللفة

عمرو :- طب وانا ذنبى ايه ؟ هى بالنسبة ليا مجرد اختى وبس
وبعدين انا فيه واحدة فى حياتى وبحبها وما اقدرش احب غيرها وعاوز اتقدملها

والد عمرو اول ما سمع الكلام ده اتجن اكتر واكتر

والد عمرو :- وديه بنت مين البرنسيسة ديه كمان اكيد واحدة ......... من الشارع

والدة عمرو :- براحة الكلام ما يبقاش كدا عمرو مش صغير

والد عمرو :- افهم مين؟؟؟ ابنك عاوز يجننى

عمرو :- يا بابا انا حر وده مستقبلى وانا بحبها وهى بتحبنى ومتفقين على كل حاجة

والد عمرو :- يعنى ايه متفقين .... ها تكسر كلمتى .... انا ابوك واعرف اكتر منك
انت لسة صغير وما تعرفش حاجة

عمرو :- لا انا مش صغير وعارف مصلحتى كويس وبعدين ان حر فى انى اختار شريكة حياتى

(( وفى جزء اقل من الثانية ))

ينزل الم على خد عمرو

والد عمرو :- ها تعمل اللى انا عاوزه وها تنفذه

(( عمرو بيدخل اوضته ويقفل الباب ))

وعشان ما حدش عارف اى حاجة فى اى حاجة ........... ودايما الاب والام بيحسوا ان ابنهم ده لعبة فى ايديهم يشكلوها ذى ما هما عايزين ..........وما لهمش حق حتى فى اختيار شريكة حياتهم ولا مستقبلهم

ويستمر النقاش قصدى العراك بين عمرو ووالده وكانت مامته بتقنع عمرو انه يسمع كلام والده اختصار للمشاكل .......

اخد والد عمرو الموبايل من عمرو ........ واجبره على الاتصال وانه ينهى كل حاجة ..........ولما عمرو رفض شاط الاب اكتر واكتر

ووالدة عمرو ما بقتش عارفة تعمل ايه ؟؟؟
خايفة على عمرو وما ينفعش تكسر كلمة والده .......... اقنعت عمرو انه يتصل ويقول الكلام اللى عمرو قاله ......... ووعدته انها تقف جمبه ........ وتساعده بس لما الامور تهدى

وتحت الحاح الجميع
اضطر عمرو انه يتصل ويقول الكلام اللى عمره ما اتخيل انه ممكن ينطقه وكانت كل كلمة بتطلع منه ...... وكأن روحه بتتسحب بيموت كل مرة بينطق فيها كلمة وداع

اخد والد عمرو من عمرو موبايله
واتصل بالخطيب صحبه عشان ييجى ياخد عمرو ويروح المطار يجيب بنت عمه
وانه يحاول يقنعه انه يدور على مستقبله وانه لسة صغير ..... ولسة ها يقابل كتير

راح عمرو وهو شايل هموم الدنيا وعمال يفكر فى ياسمين
وياترى بتقول عليه ايه دلوقتى .. ؟؟؟؟

اقنعه الخطيب انه يهدى ويستنى يمكن مامته تعرف تعمل حاجة وبلاش انه يسابق الامور

عدى يومين ولسة المشكلة ما اتحلتش
اتصل عمرو ب ياسمين من موبايل صحبه
وكانت النتيجة متوقعة
.....

عمرو :- الو

والدة ياسمين :- ايوة مين

عمرو :- انا عمرو يا طنط

والدة ياسمين :- عمرو .............. انت لسة ليك وش تتصل هنا

عمرو :- طب ممكن افهم حضرتك اللى حصل

والدة ياسمين :- لا مش عاوزة افهم اى حاجة
وياريت تنسانا وتنسى ياسمين وما تحاولش تتصل هنا تانى ابدا
وسيبها فى حالها وكفاية اللى شافته منك

عمرو :- طب .....

والدة ياسمين :- خلاص يا عمرو ما ينفعش الكلام
ياسمين خطوبتها كمان اسبوع
( ياااااااااااااااااااااااااااااااا لهوى )

عمرو :- نعم

والدة ياسمين :- زى ما سمعت وما تحاولش تتصل هنا تانى من فضلك

والدة ياسمين :- سلام

اتجن عمرو وكره دنيته وحياته بعد ما سمع الكلام ده ...... عاوز يروح يرمى نفسه فى اى حتة ويختفى من الدنيا ...... ما خلاص اللى حبته فى الدنيا راحت وضاعت من ايده
وبسبب ايه ...... ؟؟
حاجة مش بايده

كان هاين على عمرو انه يولع فى الدنيا ها يموت من حزنه عليها قلبه بيتقطع على حبيبة قلبه
ولولا انه كان معاه صحبه هدوه....... الله اعلم كان اى اللى ها يحصل

الخطيب :- يا عم انت اهدى بس اهدى شوية

عمرو :- اهدى ايه انت مش شايف مامتها قالت ايه ؟؟

الخطيب :- يا عمر وانت ايه اللى يخليك تصدق....... ما يمكن بتقول كدا عشان تبعدك وتخليك ما تتصلش تانى

عمرو :- لا لا لا لا لا

عمرو :- عاوز اشوفها عاوز اكلمها
مش قادر ها اتجنن

معقول ها يبعد عنها معقول مش ها يشوفها تانى !!
معقول ها تبقى لحد غيره !!
معقول تنساه بالشكل ده !!
معقول بعد ما القدر يخليه يشوف سعادة الدنيا وما فيها !!
يخليه اتعس انسان فى الدنيا !!
معقول القدر يلعب معاه ويدمر حياته !!

يا ترى ها اعيش لمين من بعدك يا ياسمين !!
بيقولها عمرو بكل حسرة والم وشوق وجراح

الخطيب :- يا جدع اهدى بقى حرام عليك مش كدا

الخطيب :- طب استنا انا ها اعرفلك كل حاجة

(( الخطيب بيتصل باخوها على موبايله ))

الخطيب :- الو باسم

باسم :- ايوة

الخطيب :- انا الخطيب ............ازيك يا باسم

باسم :- الحمد لله

الخطيب :- انا كنت عاوز اقابلك دلوقتى ضرورى

باسم :- ليه ؟؟

الخطيب :- عاوزك بس فى حاجة ضرورية

باسم :- عشان عمرو صح ؟؟

الخطيب :- ايه ده انت عرفت

باسم :- اه عرفت كل حاجة وعيب اللى عمرو عمله ده على فكرة

الخطيب :- يا عم طب انا عاوز اشوفك دلوقتى وها افهمك كل حاجة

باسم :- تفهمنى ايه ؟؟

(( ويخطف عمرو الموبايل من الخطيب ))

عمرو :- ايوة يا باسم انا عمرو وعاوز اشوفك دلوقتى

باسم :- اهلا يا عمرو ماكنش العشم يا عمرو ده احنا اصحاب

عمرو :- ماهو عشان اصحاب يبقى لازم اشوفك دلوقتى

باسم :- انتم فين ؟؟

عمرو :- انت فين واحنا نجيلك

اتقابلو هما التلاتة

وكان رد فعل باسم غريب جداااااااا
بس .....

_________________
ها نعرف فى الحلقه ال 11
كل حاجة
واشوفكم على خير
فى الحلقه ال 11 ومع عمرو وياسمين

الحلقه ال 11 من عمرو وياسمين

وندخل بسرعة وبدون مقدمات عشان المفأجات..؟؟

وصل عمرو والخطيب وباسم وتقابلواا هما التلاتة
اتكلموا كتير اوى

اقنع عمرو باسم انه فعلااا نيته كويسة وانه عاوز يتقدم لاخته وانه عمل كل ده عشان بيحبها وكان عاوز يتاكد الاول من مشاعرها........ ويصارحه بعديها وان كل اللى حصل ده مش بايده
طب بعد اييييييييييه ....... قالها باسم وهو قاصد كل حرف فيها
بعد ايه .... يا ريتك كنت فهمتنى من الاول ويا ريت اللى حصل ده ما كنش حصل

عمرو :- ليه فى ايه اللى حصل ؟؟ وبدأت نبضات قلب عمرو تتزايد .... قلبه بيدق فى الثانية الف مرة .. حاسس ان حبيبته ها تضيع بجد المرة ديه

اكد باسم لعمرو ان والده بعد ما عرف الحقيقة ان ياسمين بتكلم واحد من وراه ....... غصب عليها انها لازم توافق على العريس ( ابن صاحبه ) وانها لو رفضت يبقى تاخد امها وتسيب البيت !!!!

ماكنش فيه حاجة فى ايد ياسمين غير انها توافق وخلال يومين كل حاجة كانت اتحددت المهر .. الشبكة .. الخطوبة ... حتى ميعاد الفرح اتحدد
كل ده حصل بين يوم وليلة
كل ده حصل ازاى
وامتى وفين ؟؟

كل ده بسبب حاجة هما الاتنين ما لهمش ذنب فيها غير انهم حبوا بعض من قلبهم
بس ما يعرفوش ان نهاية حبهم ها تبقى على ايد القدر اللى ذى ما جمعهم صدفة .... صمم انه لازم يفرقهم برده صدفة

اتجنن عمرو اكتر واكتر ... وما عرفش يعمل ايه غير انه جرى على البيت زى المجنون

عمرو :- مش انت قولتيلى انك ها تقفى جمبى وها تساعدينى فين كلامك دلوقتى ياسمين خلاص ها تتخطب وانتم السبب
ولو حصل والله لموت نفسى وانتم بقى عيشوا بقية حياتكم ندمانين ...... ولا ليه تندموا وانتم اساسا مش حاسين بحاجة ... مش عارفين يعنى اى حب .... مفكرينى لسة صغير....... لا انا مش صغير واخترت شريكة حياتى وانتم اللى ها تضيعوها من ايدي وعمرى ما هاسامحكم على اللى عملتوه فيا.....

قالها عمرو وهو مش حاسس بحاجة غير دموعه على خده ومامته بتحضنه ومش حاسة بنفسها ومش مصدقة اللى بتسمعه .........

اخدت رقم بيت ياسمين من عمرو
واتصلت بوالدة ياسمين وصممت انها لازم تقابلها

وقابلتها وفهمتها كل حاجة حصلت وانها على استعداد انها تروح لوالد ياسمين وتشرحلوا كل حاجة ...... وتفهمه ان والد عمرو على استعداد انه يقابله ...... لانه استحالة يقدر يشوف عمرو بالحالة ديه ... ووصفتلها اد ايه عمرو حزين وليل ونهار ماعندهوش سيرة غير ياسمين وقافل اوضته عليه وعامل ذى الاطفال وانها عمرها ما شفته بالمنظر ده قبل كدا ... بس للاسف .........

شرحتلها والدة ياسمين اد ايه والدها صعب جدااااااا ... وانه استحالة يخسر صحبه بعد ما اتفقوا تقريبا عل كل حاجة ........ وان ديه قسمة ونصيب ... وانها سعيدة بمعرفة عمرو ووالدة عمرو وان اللى فيه خير يقدمه ربنا ... وان كان ليه نصيب فيها ماحدش يقدر ياخدها منه وانها ها تعمل اللى عليها وربنا معاها.......

والدة عمرو كانت بتسمع الكلام ده ومش عارفة هى ها توصله ازاى لعمرو .... وياترى عمرو ها يعمل اى لما يسمع كلام زى ده.....

وما قدرتش والدة عمرو تقول الكلام ده لابنها بس هو فهم كل حاجة من غير ما تقوله بمجرد انه بص فى عنيها وشاف دموعها

فهم عمرو انه خلاص ما لوش نصيب فى ياسمين .... بس من جواه رفض الاستسلام
اتصل بياسمين وكان من جواه نفسه يسمع صوتها لاخر مرة ...... نفسه يكلمها لاخر مرة بس مش نفسه يقول وداع .... كان من جواه متاكد ان ياسمين عمرها ما ها تبعد عنه وان استحالة الحب ده كله يضيع فى الهوا
كل جزء من جسمه ها يفضل فاكر ياسمين ..... لان مش قلبه بس اللى حبها .

اتصل عمرو بياسمين
وسمع صوتها وكانه اول مرة يسمعه سامع نبض قلبها .. سامع دمع عنيها ... وبيرد قلبه عليها وبيقولها ما تخفيش يا ياسمين ... عمرنا ما ها نبعد عن بعض .. حتى لوافترقنا ها يفضل قلبى فاكرك

ياسمين :- بحبك يا عمرو وخايفة ابعد عنك .... خايفة يبعدونا عن بعض واحنا ما صدقنا نلاقى بعض .... خايفة ابقى لانسان تانى غيرك

عمرو :- ما تخافيش يا ياسمين واوعى تقولى كدا تانى انا ها افضل معاكى لاخر لحظة فى عمرى
وعمرى ما ها سيبك تضيعنى منى ابداااا ولو وقفت قدام الدنيا كلها

بكى عمرو وبكت ياسمين وكانت دموعهم هى ضحية هواهم ... بس اكيد القدر مش ها يبعدهم عن بعض ابدااااااا .....وتمر الايام وتفوت وقلب عمرو مجروح ومش عارف يكلمها ومش فى ايده اى حاجة يعملها.... وبعد ايااااام بسيطة جدااااااا

بيسمع عمرو ان خطوبة ياسمين النهاردة ...... معقول اكيد ده بيحلم اكيد ده حلم مش علم .....

اصحاب عمرو حاولوا انهم يخففوا الصدمة عليه شوية بس كانه كان عارف من جواه ان ده ها يحصل وكان مستنيه وكأنه مستنى الموووووت
حاولوا انهم يمنعوا بس عمرو صمم انه لازم يروح الخطوبة ويعمل اى حاجة ...

صحابوا خافوا عليه ...

الخطيب :- اكيد انت مجنون

عمرو :- انا ابقى مجنون لو سبتها تضيع من ايدى ... لازم اعمل اى حاجة

وبعد طول نقاش بينهم قرر عمرو انه لازم يروح بس اكيد صحابو مش ها يسيبوا فى يوم ذى ده

وفعلاااااااااااااااااااااا راح عمرو الخطوبة ودخل القاعة بس كانت فيه مفأجاه

وفجأأأأأأأأأأأأأأأأأأأأأأأأأه !!!!!!!!

____________________________________________
نكمل الحلقه ال 12 مع يوميات عمرو وياسمين

استنونا واوعوا تغيبوا عننااااااااااااا
فى الحلقه المفاجاه بكل المقاييس

الحلقه 12 والاخيره

المفااااااااااااااااااااااجأة

كلنا طبعااا عاوزين نعرف اى هى المفأحاة وايه هو اللى حصل بعد ما عمرو دخل القاعة
نخوش على طول
وبدون مقدمات

..
دخل عمرو القاعة واول ما دخل وقعت عينه على ياسمين نبض قلبه واللى ما اتمناش حد فى الدنيا غيرها ... لابسة فستان الفرح
كانت ذى البدر ليلة 14
مافيش اتنين يختلفوا على جمالها
كل الناس قاعدة وفرحانة
الا قلبين

عمرو ....... وياسمين

دخل عمرو وكانت فى نيته يعمل حاجات كتير اوى
بس ما كنش متصور انه اول ما هيخش عينه ها تقع عليها
خاف انها تشوفه ... استخبى وفى عينه الف دمعة والف سؤال ؟؟

طول عمره بيحلم بيوم زى ده
يوم ما يقعد جمب ياسمين فى الكوشة
والناس فرحانة

كان دايما شايف نفسه جمبها فى بدلة الفرح
وهى بفستانها الابيض
اتكلموا مع بعض عن اليوم ده كتير
وقد ايه هما الاتنين استنوه
بس اللى عمرهم ما اتوقعوا ان
عمرو ما يبقاش جمب ياسمين
......

افتكر عمرو كل كلمة قالتهاله ياسمين
افتكر كل لحظة كانت معاه فيها
افتكر اول يوم شافها.......افتكر يوم ما خطفت قلبه
افتكر يوم ما قالتله بحبك

يااااااااااااا
حاجات كتير اوى كانت جواه
وجواه حاجات كتير نفسه يعملها
عاوز يهد الدنيا عاوز يخطف وياسمين
ويطير بيها على فرسه الابيض ذى ما كان بيقرا فى الرويات
بس مش دايما الحقيقة بتنتهى بالنهايات السعيدة
زى روياته ....

بس ما اقدرش يعمل غير حاجة واحدة وبس
ان عنيه تدمع على فراق حبيبته
وعلى امله فى انها ترجعله

بكى عمرو كتير اوى وهو واقف مكانه
من غير ما يقدر يتحرك
وكأن رجله اتسمرت فى الارض

صحابوه شافوه ما صدقوش ان هو ده عمرو صاحبهم
اللى الضحكة ما كنتش بتفارق شفايفه
معقول الحب يعمل فيه كدااا!!!

ااااه
لانه بيحب بجد
لان قلبه فى يوم زى ده كان بيتخلع من جواه
ما اقدرش عمرو انه يكمل
اخدوه صحابوه وطلعوا بره

حصلتله حالة ذى الهيستريا
انتهت بانه فتح عينه لقى نفسه على سريره
ودموعه لسة فى عنيه
ومش هو لوحده
ديه دموع كل اللى حوليه
فى اللحظة ديه عرف عمرو ان حياته خلاص انتهت وما بقاش ليها لزمة
ها يعيش ازاى وهو كان عايش ليها
بيتنفس ليها
بيحلم بيها
عاشق كل مافيها

قرر عمرو انه يبعد
وذى ما بيقولو لو ليه نصيب فيها
هتكون له مهما حصل

قعد عمرو طول الليل
حزين ... بيفكر فيها
طب هى اى شعورها دلوقتى
حاسه ب ايه ؟؟

زعلانة قد ما انا زعلان
ولا خلاص استسلمت للدنيا
وسلمت امرها وقلبها لواحد تانى
خلاص نست كل اللى ما بينهم
نسيت كلمة بحبك اللى قالتهاله وهو حس بيها
نسيت كل الكلام اللى اتقال
نسيت هو عمل قد ايه عشان يوصلها
وكل ده
راااااااااااح

ولا هى كمان اتظلمت فى الدنيا ذى ما انا اتظلمت
يمكن تكون هى كمان اتظلمت اكتر منى
يعنى مش كفاية انها تسيب حبيبها
لا وكمان ها تكمل حياتها مع واحد مش بتحبه ...

عاش عمرو وما عندهوش غير املين
انها تكون مكتوباله وترجعله تانى
او انه يحاول ينساها..........

عرف عمرو انها خلاص اتجوزت
ما اقدرش عمرو انه يعمل حاجة غير انه يسلم امره لربه
ويدعلها من كل قلبه
يااااااا رب
اسعدها فى حياتها ...
ويارب الانسان ده يحبها ويخاف عليها ويسعدها اكتر منى

وتفوووووووت الايام على عمرو
وتعدى سنين من عمره
وهو لسة ذى ما هو
يمكن يكون قدر ينساها
بس لسة الذكريات جواه فى قلبه
كمل حياته بدون حب
مستنى يلاقى حب جديد يكمل بيه عمره اللى فاضل
من غير ما يشوف ياسمين
...

وفى يوم كان ماشى عمرو
وحس ان الدنيا كلها وقفت فى لحظة ومش قادرة تمر
الزمن من حواليه كله واقف فى مكانه
افتكر كل سنين حياته فى لحظة واحدة
لحظة ما وقعت عينه على ياسمين

يااااااااااا
بعد السنين دي كلها يرجع يشوف ياسمين
وكأن القدر مش سايبه فى حاله
بعد ما داوى جراحه
يرجع القدر من تانى يجرحه

شايف ياسمين قدامه
ذى ما هى لسة ما اتغيرتش
ما اتغيرش فيها غير حاجة واحدة بس ....
انها بقت أم...

يااااااا
كانت صعبة اوى على عمرو انه يشوف ياسمين فى موقف زى ده
شايله بنتها على ايديها
معقول ديه ياسمين اللى كنت بحلم انا وهى
ورسمنا حياتنا
ومستقبلنا سوا
وما فكرناش ابدااااا ان يوم زى ده ممكن يمر علينا
انى اشوفها هى وبنتها

شافته ياسمين وعنيها بتقوله كلام كتير اوى
ما فهمهوش عمرو لان عنيه كانت مشغولة
ازاى تدارى دمعتها...

جرى عمرو على بيته
دخل اوضته ومش مصدق اللى شافه
...

طفى عمرو النور وولع شمعة واحدة بس
وكانها عمره اللى بيتحرق لفراق حبيبته
ومر شريط حياته كله قدام عنيه
عنيه اللى مش قادرة تنسى ياسمين
مسك عمرو قلم وحاول يكتب اللى جوه قلبه
بس مش هو اللى بيكتب
قلمه حاسس كل تنهيدة بطلع من عمرو
وبيترجمها لحروف وكلمات
ولما انتهى عمرو وهو مش عارف هو كتب ايه

حاول يكتب اسمه واسمها
بس اكتشف انه خلاص مش مسمحوله انه
حتى يفكر فيها
او انه يكتب اسمها على قصته

وكتب

يوميـــــات عمرو وياسمـــــــين

.....
واخر كلامه كان
....

كنت معاها بحلم بهواها
مستنى اشوفها ..... او المح طيفها
اجرى عليها وامسك ايدها
ما أنا أصلى فى يوم كان اسمى حبيبها

وتفوت سنين وانا قلبى حزين ...... والحلم يروح و أفضل مجروح
وحبيبى فى قلبى منين ما ارووح

واتمنى اشوفها ولو لثوانى
وافتكر ايامى معاها من تانى
اضحك على نفسى واقول
انسااها
ديه ايام فاتت وياها
ولو تدور تلاقيها
نسيانى
يمر شريط حياتى قدامى
حياتى ال ما عشتش غيرها
ومع غيرها ما عشتش انا
فين الحب فين العشق فين الغنا فين الهنا
كله راح كله اتبخر واللى اتبقى حبى
أنااااااااااااااا

وف لحظة
عينى تيجى عليها
تبتسم والدموع مالية عنيها
ماهى مش لوحدها
دى معاها....... بنتها
فى عنيها كلام وسلام
ذكرى وشوق وغرام
شايلاه جواها من زمان
من أيام نفس المكان بس عدى عليه كام سنة
لحبيبها

ده اللى هو اناااااا
ليه يا زمن تعمل كدا
وتضيع حبنا بالشكل ده
خلاص بقت ام
وعندها بنتها
طب ليه ما ابقاش انا الاب
والبنت ديه بنتى
اناااااااااااا

________________________
وبكدة تنتهى يوميات عمرو وياسمين ...

يا ريت تكون عجبتكم
وميرسى ليكوا جدااااااااا
وعلى ردودكم الجميلة ....

إستنونا ف الجزء التانى - إن شاء الله - مع تحياتى !

طبعا انا حطيت باقى اخر 3 حلقات عشان شخص واحد بس
هى انجى العسوله
ههههههههههههههههههههههههههههه
ها يا جميل
مبسوطه؟؟؟؟
أنا نفذت طلبك اهوة زى م وعدتك
أووووووووووووووووووووك

عدد المساهمات : 480 تاريخ التسجيل : 22/09/2010

تسلم يا هيرو يارب
ايوه كده جدع
اقراهم بقا ونشوف الواد عمر واطى ولا لا
ههههههههههههههههههههههههههه

براحتك ياانجى
أنا معاكى للنهايه
أوووووووووووووووووووك

منك لله يا هيرو
خلتنى اعيط بجد
مش عارف تحذف النهايه دى وتحط نهايه حلوه كده
يلا اللى حصل حصل بقا وعيطنا
بس تسلم يا قمر على القصه الجميله دىآ

أنا بجد لو كنت عارف ان القمر هيعيط مكنتش خليت النهايه محزنه
بس مهو ده اللى بيحصل
ف خلينا واقعيين
ومعلش
والله دموعك غاليه
ف لما أعيط بقى شويه

طيب عيط بقا شويه انت كمان
ههههههههههههههههههههههه
تسلم يارب انت الاغلىآ

ههههههههههههههه
خسارة يا انجى دموعك
بجد والله خسارة
اه والله
والله
والله
ههههههههههههههههههههههههه

هههههههههههههههههههههههههههههههههههههههه

ماشى يا هيرو يسلم زوقك يا قمر
ههههههههههههههههههههههههههههه

بس انا عاوز أقولك حاجه
لسه فيه جزء تانى للقصه
بس لما ألاقيها بس
أخد الفكرة وبعدها هكمل

ماشى وانا مستنيه بقا
كلنا وراك يا ريس ههههههههههههه
واللى الامام يا كبير هههههههههه
انا بحب الحكومه بقا ههههههههههههههه

ههههههههههههههههه
دلوقتىكلنا وراك والصبح انتى وايمى بتولعوها
طاااااااااااااااااااااااااايب
أنا هعمل دراسه جدوى للموضوع ده
ههههههههههههههههههههه

هههههههههههههههههههههههههه
انت تصدق فينا كده يعنى يا هيرو
دا انت فهمت غلط
دا احنا كنا بنقلك انت ازاى تسكت
مش لايمان
ههههههههههههههههههههههه

هههههههههههههههههههههههه
طاااااااااااااااااااايب يا انجى
وانتى عارفه يعنى اامقدرش ازعل منك
هههههههههههههههه

بتحب تنكد عليا من يومك
ربنا يسامحك يا هيرو
والله انا كمان عيطت يا انجى
بجد بجد حرام ليه دايما ده اللى بيحصل

يلا ربنا يستر بقى

انا ناااااااااااااااااااو قدرت اكتب كومنت بعد ماقدرت وربنا حرااااااااااااااااااام

انا عايزاها فيديو عشان اعيط اكتر

بس ريلى ياهيرو تحفة

وعلى فكرة عندى احساس عايزة اقوله

انا حاسة ان القصة دى حقيقية وان انت البطل اللى فيها

احساس ومتأكدة منه مش عارفة ليه بجد

اى ان كان كفاية تعاطفنا بس مع القصة احنا وحالنا كان ازاى

الله يكون فى عون الابطال ربنا يصبرهم

ويعوض البطل يااااااااااااااااااااااارب

والنعمه انت حرااااااااااااااااااااااااااااااااااااااام عليك يعنى كل البنات اللى عيطت دى ذنبهم ايه
بس بجد بجد قصه مؤثره جدا جدا جدا وتسلم الاياااااااااااااااااااااااااااااااااادى وعاوزين قصص دايما

في ايه ياعم الامووور
ماتهدي شويه
وبعدين في ايه يا انوش
هو هيقلبنا علي بعض ولا ايه؟؟
مش كفايه انه مزعلني ومفكرش حتي يتصل يصالحني
علي فكرة انا بجد لسه زعلانه منك
وكمان كتبت نهاية للقصه خليتني اعيط
ومش هقولك ميرسي ولا اي حاجه
بس الجزء التاني ينزل بسرعه بقي

ههههههههههههههههه
أعمل ايه يا بارادايس
هى القصه نهايتها كده
يعنى اقول مندماغى
وايه يا ايمى اللى خلاكى حاسه ان 100% انا البطل بتاعها؟؟؟؟

انا كمان حاسه نفس الاحساس ده

يلا قر واعترف بسرعه

طب ايه اللى خلاكوا تحسوا الاحساس ده
أنا عاوز دليل واحد يا جماعه

حدش يقدر يقلبنا على بعض يا ايمى

دا انا بجامله بس هههههههههههه

وبعدين هو نفس الاحساس عندكوو انها قصته بردو ؟
تصدقو مكنش عندى الجراه اقول الاحساس ده
كويس انكو قلتو ههههههههههههههههههههههههه
اعترف يا هيرو متخفش مش هنضربك ههههههههههه

حدش يقدر يقلبنا على بعض يا ايمى

دا انا بجامله بس هههههههههههه

وبعدين هو نفس الاحساس عندكوو انها قصته بردو ؟
تصدقو مكنش عندى الجراه اقول الاحساس ده
كويس انكو قلتو ههههههههههههههههههههههههه
اعترف يا هيرو متخفش مش هنضربك ههههههههههه

ايوة شووووووور انك البطل بتاعها ممكن يكون فيه حاجات بسيطة مختلفة من وحى الخيال

بس احساسى بيأكدلى انك البطل وانا عمرى احساسى مايتزل الارض ابداااااااااااااااااا

بس اعترف ايزى الاعتراف بالحق فضيلة وبعدين انت تطول تكون البطل عمرو هههههههههه

دة كفاية كلنا تعاطفنا معاه وعيطنا عشانه

يعنى ايه اللى خلاكوا يا انجى انتىوايمى تحسوا بكده؟؟؟
مع انك يا انجى مش كلمتينى الا مرة واحده بس

مجرد احساس وبعدين الكبيره اوى عندها نفس الاحساس
وى بقا كلمتك كتير
طبعا عارف الكبيره اوى مين البيج استاريت بوس بتاعتنا هههههههههههههههه
اى خدمه يا ايمان بحترمك ادام الاجانب اهو ههههههههههههههههه

طب بصى يا انجى
أنا بجد مش هقدر أرد
بسانا قلت أقولكم القصه دى
بصى
مش عشان انا قولتها يبقى ممكن تبقى بتاعتى
دى ممكن تبقى من خيالى
اوووووووووووووووووووك
وهدى النفوس شويه
الأعضاء م بيصدقوا يمسكوا حاجه ع الكبير

كبييييييييييييير ايه هو انا قلت حقيقية والبطل انت يبقى خلاص الاجابة معروفة مش مهم تجاوب

ودونت وورى كله يكتم ع الخبر المهم الجزء التانى يكون فيه تفاؤل والحياة تبقى لونها بمبى بقى

ولا يهمك يا هيرو
سرك فى غطا حله
مش هنقول لحد برا الكليه ههههههههههههههه
لكن الكليه موعدكش هههههههههههههههههههههه

يبقى مش هقولك يا انجى
بس لحد دلوقتى
يا ايمى أنا لايص ف الجزء التانى
ف مش هعرف أكمله ولا أبدأ فيه دلوقتى

love dream كتب:: مجرد احساس وبعدين الكبيره اوى عندها نفس الاحساس
ودى بقا كلمتك كتير
طبعا عارف الكبيره اوى مين البيج استاريت بوس بتاعتنا هههههههههههههههه
اى خدمه يا ايمان بحترمك ادام الاجانب اهو ههههههههههههههههه

ميرسي ياحبيبتي
نجاملك في الافراح ان شاء الله
ربنا يكرمك يا قمرتي
وتتجوزي قريب ان شاء الله عشان افرح فيكي
اقصد بيكي يعني

هههههههههههههههههههههههههههه
تفرح فيكى
ههههههههههه

HERO_ELMASRY كتب:: يبقى مش هقولك يا انجى
بس لحد دلوقتى
يا ايمى أنا لايص ف الجزء التانى
ف مش هعرف أكمله ولا أبدأ فيه دلوقتى

انت تقصد ايمي مين بالظبط؟
حدد موقفك
لو عليا انا ممكن اساعدك
انا عندي خبرة في مجال الكتابه يعني
وممكن نظبط الافكار وانت تكتبها مع نفسك بقي
اوك ولا مش اوك؟

تفرحى فيا ماسى ماسى
اهئ اهئ اهئ
ولا عشان انا غلوبه بتتشطرى عليا
طيب ربنا يسامحيكو ويقلعيكو عنيكو بقا
الله بقا بس بقا
هههههههههههههههههههههههههه

حرااااااااام عليكي يا انجي
هي عنيا ناقصه؟؟
وبعدين مانا قلتلتك قصدي افرح بيكي
ده يوم المني عندي
وهنعمل فرحك انتي وامي مع بعضيكو في يوم واحد
ايه رايك بقي في الفوكيرة دي
جامده صح اوعي تنكري باين في عنيكي

انت تقصد ايمي مين بالظبط؟
حدد موقفك
لو عليا انا ممكن اساعدك
انا عندي خبرة في مجال الكتابه يعني
وممكن نظبط الافكار وانت تكتبها مع نفسك بقي
اوك ولا مش اوك؟

لأ مش أوك
دى فكرتنى انا
وانا عارف هى المفروض تمشى ازاى
كل واحد وتجربته بقى
ولا ايه يا انجى؟؟؟

هى من ناحيه جامده هى جامده اخر حاجه
مهى دماغ الكبيره بقا لازم تجيب فوكيرات جامده
اقولك يا بيبك زى هيرو ولا لا ؟هههههههههههههههههه

يا هيرو متخلنيش فى خناقاتك مع الكبيره
انتو الاتنين كبار مع بعض
وانا اللى هتشاط فى النص
هههههههههههههههههههههههههههههههه

HERO_ELMASRY كتب:: انت تقصد ايمي مين بالظبط؟
حدد موقفك
لو عليا انا ممكن اساعدك
انا عندي خبرة في مجال الكتابه يعني
وممكن نظبط الافكار وانت تكتبها مع نفسك بقي
اوك ولا مش اوك؟

لأ مش أوك
دى فكرتنى انا
وانا عارف هى المفروض تمشى ازاى
كل واحد وتجربته بقى
ولا ايه يا انجى؟؟؟

تصدق بالله انا اللي غلطانه
ماشي ياعم براحتك
ماهي غلطتي انا

اقتباس :: هى من ناحيه جامده هى جامده اخر حاجه
مهى دماغ الكبيره بقا لازم تجيب فوكيرات جامده
اقولك يا بيبك زى هيرو ولا لا ؟هههههههههههههههههه

يا هيرو متخلنيش فى خناقاتك مع الكبيره
انتو الاتنين كبار مع بعض
وانا اللى هتشاط فى النص
هههههههههههههههههههههههههههههههه

لالالالا مليش انا في جو بيبك دي يا حبيبتي
وبعدين بلاش قر بقي احنا عندنا امتحان بكرة
وبعدين ياحبيبتي متقلقيش
محدش يقدر يشوطك وانا موجوده
ده انا كنت ولعت فيه

الله الله الله
انتوا اتصالحتوا وشكلكوا كده هتبقوا عليا
ربنا يستر

ايوه حاجه زي كده
احذر بقي
واتقي شر الحليم اذا غضب
انت لسه مشفتنيش بالوش التاني

كله عليا
أه
كله عليا
اممممممممممممممم
كله عليا
بس ولا يهمنى
ههههههههههههههههههه

شكلك كده مش هتجاوب النهارده
اقوم انام بقا لانى خلاص هنجت
لو هتجاوب زمر عشان ادخل اشوف
هههههههههههههههههههههههههههههههههه

ههههههههههههههههههههه
بصى لما هشوفك ف الكليه هقولك
بلاش احراج
هههههههههههههههههههههه
أوووووووووووك

لا انا بموت بقا فى الفضايح والاحراج
بدال م قد الكرسى قعدت ليه هههههههههههه
يلا قول منتا كده كده لو قلتلى هقولهم
وبعدين انا بكره رايحه مدرسه مش هاجى الكليه

خلاص يبقى اقولك يوم الأحد أو الاتنين
بس بلاش بليز دلوقتى يا عسوله
عشان خاطرى
ده انا بشكر فيكى وانتى عارفه

طيب نا متنازله عن حقى بس الباى مش هيتنازلو خصوصا ايمان
ههههههههههههههههههههههههههههههههه
الكبيره هتشوطك يا كبير جوليلى يا بيبك
ههههههههههههههههههههههههههههههههههههههه

طيب ينفع أجاوبك ع الخاص
بس توعدينى انكمش هتقولىلحد انا قلتلك ايه
بس أنا ف الأخر هقولهم
بس مش دلوقتى
أووووووووووووووووك
بس اوعدى الأول
عشان انتى مكارة

ههههههههههههههههههههههههههههههههههه

وعد بس مش هقول لحد غير ايمى بس عشان
هتنفخ لو مقلتلهاش
هههههههههههههههههههههههههههههه

ها يا ستى
عرفتى واستريحتى

اها زى مكون عطشان وشربت
هههههههههههههههههههههههههههه
هههههههههههههههههههههههههههه

ana lsa m3rftsh
bs 7ta lw enta m2oltsh h3rf brdo
gwasesy f kol 7ta
w bygeny kol ela5bar
d ana elkbera brdo

ماشى يا انجى
اكتمى بقى ع الخبر
أوك

هههههههههههههههههه
لو عملتى ايه حتى
مش هتعرفى
يلا بقى

» حوار بين حبيبين