احكم يا قاضى ...جميله ياريت تقراها

حكمت المحكمة حضوريا على ـــــــــــــ

يا قاضي اسمعني قبل الحكم ولو مرة
...
أنا المتهم الوحيد في القضية ولأول مرة

بادخل قفص الاتهام في حاجة حلوة مش مرة

دي قصتي يا قاضي اسمعها بالمرة

شفت الرزيلة بتقتل الفضيلة في شارع كله نور وزحمة

شفت الحياء والغيرة بيسيل دماءهم بلا رحمة

دمي فار يا سعادة القاضي ومسكت المسدس وقلت :-

̿' ̿'\̵͇̿̿\з=(•̪●)=ε/̵͇̿̿/'̿' محدش يقرب

مالكم يا ناس فين النخوة ؟؟

لقيت صدى صوتي راجعلي حزين وبدمعة

قالي مستني ايه ياعم فوق

لقيت اللي جيبتها فوق الركبة واللي مبينة السرة

واللي حتى حجابها عامل زي السنمة

ضربت كف بكف وقلت لنفسي فوقي

وحلفت مية يمين لاقتلهم كلهم ولو موتوني

قتلوا الحياء باسم التقدم

وبقت المحجبة ماشية تتلطم

قتلوا الفضيلة وقالوا مدنية

مدنية ايه يا أمة قال ايه اسلامية

الحجاب فيكي اصبح ذنب

واللي يقول الحق يتعامل زي الكلب

فين العدل؟؟

ايوة العدل اللي اتنفى من ساعة ــــــــ

والله ما فاكر أصلي مشفتوش من زمن

زمن كانوا بيحكولنا عنه في الكتب

زمن قامت فيه الحروب علشان الشرف

ودلوقتي أصبح لعبة بتتلعب

زمن قالت فيه المسلمة وااااااااااسلاماه

ودلوقتي في مسلمة بتصرخ واااااااااااعشيقاه

اااااااااااااااااااااااه

اه فعلا مش تمثيل

بيننا وبين الحرية ألف ميل

الحرية بمعناها اللي جه في ديننا الجميل

قالك انتي " ولا تبرجن " علشان خايف عليكي من التضليل

قمتي عملتي العكس علشان توقعي عريس تقيل

يا ماما مش بالتلطيخ عالوشوش بييجي الجدع

لكن اللي بيتبني عالغش دايما بيقع
====================
أنا قلت الكلمتين دول من هنا يا قاضي

لقيتلك شباشب وقباقيب نازلة على دماغي

قلتلهم :-

اااااااه يا أمة عاوزة عمر وصلاح

عمر ما هينصلح الحال الا بيهم وهتلاقوا الفلاح

غلطت لما قلت كدة يا قاضي ؟؟؟؟؟؟؟؟؟؟؟؟؟؟

غلطت لما خفت عليهم من النار وعذابها ؟؟؟؟

أيوة غلطت

غلطت اني اسكت من زمان

بس خلاص راح الزمان وجيّ زمان

جيّ زمان فيه جيل صلاح هيرفعوه

هيرفعوا الدين على صدورهم ويعزّوه

هتلاقي الحجاب فيه فرض مش فضيلة

وتلاقي كمان أدوية ضد الرزيلة

خلاص يا قاضي احكم وسمعنى

لو مت أنا في الف واحد هيتبعني

مش خايف على صوتي ليروح

لانه هيطلع الف غيره ويعوضوه

بس الاول اعرف انا مين يا قاضي

انا الحق اللي خلاص نسيتوه

لبستوا ثوبه للضلال وعينتوه

قلتم الحجاب دخيل والاسلام جميل

الاسلام جميل يا قاضي لكن الحجاب مش دخيل

والدليل نبيك , وزوجاته اكبر دليل

احكم يا قاضي ..

الله عليك يا ميدو
بجد خاطره رائعه
تسلم ايدك

ميرسى على مروركم نورتو التوبيك
نورتى يا لف دريم انتى وبسكوته

تسلم ايدك يا باشا
بجد تحفه
ميرسي ليك

ميرسى لمروروك يايويو
نورتى

ميرسى لمروركم نورتو التوبيك بجد