اخبار الفرقه التانيه تمريض

تذكير بمساهمة فاتح الموضوع :

ازيكوا يا جماعه يارب تكون سنه سعيده علينا كده وربنا يوفقنا كلنا ان شاء الله فيها
بالنسبه لجدول النظري استاذ عاطف قال ان الجدول لسه بيعتمد من وكيله الكليه وانه هيكون متعلق بكره او بعده بالكتير
وانهارده احنا روحنا الكليه واخدنا محاضره باطنه اتشرحت ومحاضره جراحه كانت تعارف كده
وفي بكره ان شاء الله محاضره الساعه 9 باطنه و10او11 جراحه
اما بالنسبه للعملي فده هنبداه ان شاء الله يوم التلاتاء والجدول متعلق في الكليه الدور التاني

ان شاء الله نتابع الاخبار اول باول
اخبار الفرقه التانيه تمريض - صفحة 4 Icon_study

مشكور يا سبايدر&هيرو
وانتى يا ست لولو
اتريقى كمان وانى عايزة اللى يتريق عليكى
يا ماما التوبيك فيه الأسئلة والاجابات
روحى ياختى شوفى انتى كاتبة ايه

يا جماعة الاسئلة موجودة هى والاجابة معايا كتابة كمبيوتر لو محتاجينها ممكن انزلها وانا عرف ان لولو عاملها فى توبيك مثبت بس فيه حاجة انا فيه ناس مش عندها نت ودى مسئوليه عندنا لازم نوصل ليهم الكلام ولا ايه رايكم ارجو منكم الرد للافادة للجميع

مشكور يا اسبيدر على المجهود
والتفكير الرائع ده
بالتوفبق انشاء الله

ههههههههههههههههههههههههههههههههههههه انا بس برخم عليكى يا سوسو مش اكتر ما انتى عارفه ههههههههههههههه
مرسى ليك يا هيرو وانت واسبيدر

امتحان الشفوى النهارده الدكتور كان بيسال ف الكتاب كله والاسئله كانت من بين السطور نصيحتى ليكم ركزوا ع بين السطور جامد اووى لان شكل سؤال الاكمل هيجى فيها هى والنسب وبالتوفيق

ربنا يستر

يعنى مسالش فى الشيت يا لولو خالص ولا ايه؟؟

نسب ايه يا لولو؟

بصى يا مرمر اللى بيقوله حضرتك قولت ع الشيت بيساله ف الشيت بس طبعا ببقا واخد درجه اقل من اللى بيسال ف الكتاب وكده وكده المفروض ان انتى جايه مزاكره حتى المتحدد بس يعنى ليه مليون الحق انه يسالك ف الكتاب

والنسب دى يا هيرو زى مثلا الهيموجلوبين كام نقص كرارت الدم الحمراء اسمها ايه مركز اوى ع الحاجات دى
انا بقولك نركز بس ع الكلام اللى ف الكتاب وناخد بالنا من كل كلمه مش اكتر لانه كده واضح ان الاكمل هيبقى رزل

ربنا يستر

ألف شكر يا لولو
فعلا ربنا يستر

ها يا جماعه
ايه أخبار امتحان البعبع النهارده (( المسالك والعظام ))
أظن كان كويسين
ها
عملتوا ايه؟؟؟

ازيك يا هيرووو اولا الامتحان مفيش تعليق عليه لانه رخم اوى المسالك كويس بس العظام حسبى الله ونعم الوكيل فيه ونفسى اعرف مين اللى قال على التحديد علشان ادعى عليه ...يوووووه قصدى ادعيله ميدوووو

يا جماعه امتحان الباطنه الشفوى زى الفل بازن الله كده الحمد لله الدكتور سال ف المتحدد
وف ناس اسالت اسئله بره المتحدد بس مش كتير ابقوا خلوه يسالكم ف المتحدد هو دكتور مش جالنا خالص قبل كده
انا قولت اطمنكم بالتووووووووووووووووفيق

alla ytamenk ya lolo

ماشى يا قمر ربنا يطمنك وشكرا ليكى وبلتوفيق والنجاح

بس اللى سالتهم قالوا ان دكتور ايمن سال فى بره المتحدد
ومعرفوش يجاوبوا

ربنا يستر بقى

دكتور ايمن مين دكتور ايمن جه اينعم بس مش سال حد يجوز انه يكون سالهم بعد ما مشيت بس انا اللى امتحنى دكتور تانى خالص ع العموم التانى ده بيروح بدرى روحوا بدرى وانتوا تمتحنوا معاه

يا جماعه محدش عرف اخبار عن النتيجه وهتبان امتا؟؟؟؟؟؟

ايه يا سوسو ده
نتيجة ايه فى الظروف اللى احنا فيها دى بس
هى ناقصة نكد كمان

نتيجه؟؟؟
سلام قول من رب رحيم
ايه النتيجه دى
كل الناس عاوزةنتيجه المظاهرات
وانتى عاوزة نتيجه الامتحانات
دا احنا المفروض نعتقلك يا سوسو

هههههههههههههههههههههههههههه
اهه بشوف حاجه تانيه حايز نتيجتها تظهر ولا حاجه
ده اسبوع صمود شكل الموضوع هيطول
والنتيجه بتاعته هتبان متأخر

لا فوكيرة كويسه
بس اكيدهتبقى زى السنه اللى فاتت
كانت بعد م دخلنا الترم التانى بأسبوعين تقريبا

بس احنا السنه اللي فاتت كنا ممتحنين متأخر وملحقناش خدنا اجازه
السنه احنا خدنا 3 اسابيع

اه تصدقى برده
ممكن كده بقى بعد الدخول بأسبوع بقى
عشان المظاهرات دى عطلت الناس اساسا

نتيجه ايه هو دا وقته
يارب متبان خالص ....انا عن نفسي مش عوزاها
بلدي اهم هههههههههههههههههه

ازيكم يا حلوين
اولا تقررعقد امتحان ميد ترم التمريض يوم11/4/2011
ثانيا كتاب التمريض الترم الثانى يتم حجزه من الدكتوره ريهام
بالتوفيق للجميع

» منهج الفرقه التانيه
» جدول امتحانات الفرقه التانيه
» جدول الفرقه التانيه: ترم تانى
» يا جماعه نتيجه الفرقه التانيه ظهرت الوقتى
» جدول الفرقه الرابعه :مجموعه تمريض صحه مجتمع ومسنين( ترم تانى)