البنات و الزوجات......استر يا رب.....

" يا حماعه محدش يفتكرنى انى عنصرى ولا حاجه ده موضوع هزااااااااااااار يعنى مش عايز
بنات تزعل و مش عايز ولاد يكتبوا ردود زى "و الله عندك حق ... تسلم ايديك" انا بس عايز كل
اللى يرد يقول بس رائيه ف الموضوع ميفرحش ف حد يعنى..."
ونبدأ بسم الله....

ونبدأ بنشره الاخبار الزوجيه يقرأها عليكم ....
استاذ مضروب بالشبشب...


السلام عليكم ورحمه الله وبركاته ونبدأ باهم الاخبار
إستؤنفـت اليوم الاشتباكات بين قوّات الزوجة المـفـتـرية النظاميّة وقوّات الزوج الانفصاليّة المطالبة بالحكم الذاتي على طول الخط الأخضر الفاصل بين شطري المنزل فى محاولة من قوات الزوج للوصول الى حدود الخط الأزرق الذى رسمته لجنة مبعوثي السلام المشكّـلة من قبل مجلس عائلتي الزوجين وذلك بعد رفض الزوجة المـفـتـريـة قرارات الشرعـيّة العائلية والقاضية بأعـتبار المنطقة الواقعة بين الخطـين الأخضر والأزرق منطقة عازلة خالية من أسلحة الدمار الشامل بعد ازالة جميع الألغام الشبشبية الأرضيّــة منها وترسيمها منطقـة محايدة بين شطري المنزل لأهمـيّـــتها الاستراتيجية نظرا لوقوع الحمّام والمطبخ بها .

وتأتي هذه الاشتباكات العنيفة بعد سلسلة من التراشقات المتقطّعة خلال الثمانى والأربعين ساعه الماضيّــــة والتى شهدت قيام الأحبال الصوتيّـة للزوجة بانتهاك الأجواء الاقليميـة لغرفة نوم الزوج وكسر حاجز الصوت فوقها مما أدّى الى تحطّم زجاج نافذة الغرفة ومرآة دولاب ملابس الزوج فى حين هرع الزوج وأطفاله المواليين له الى المخابئ تحت السرير.

وتأتى هذه الانتهاكات من قوّات الزوجة المـفـتـريـة ردّاً على محاولة الزوج والقوّات المواليـة لـه ايجاد ممر آمن للحمّام .

وكانت المتحدّثــة الرسميّـة باسم الزوجـة (والدتهــا) قد اتّهمت عم حسين الخضري وعم عطوه الفرّان بالتآمر مع عبده صاحب محل الفول المتمركز بمدخل الشارع فى سبيل امداد قوّات الزوج المتحصّنه بغرفة النوم بمساعدات خارجية عن طريق السّبت المتدلّى من شبّاك غرفة النوم لكسر الحصار الخانق وسياسة التجويع التى تمارسها قوات الزوجـة المـفـتـريـة لإجبار قوّات الزوج على الإذعان لمطالبها الرامية الى تجريده من مصروف سجائره فى سياق حملة تجفـيف منابع الارهاب المزاجى الّذى يمارسه الزوج ولكن غرفة عمليّات الزوج لم ترد على هذه الاتّهامات مما ينبئ بصحّتها وينذر بعقوبات اقتصاديّـة صارمـة على المتواطـئين معه عن طريق مقاطعة منتجاتهم والتوجّه الى السوبر ماركت واعلان المعلّبات والمجمّدات والعيش الصامولي خياراً استراتيجيا للزوجـة المـفـتـريـة مع ارسال رسالة تحذير شديدة اللهجــة لهؤلاء المارقين بضمّهم الى لائحة محور الشر .

ويأتى هذا التصعيد الخطـير بعد أن قام أحد الاستشهاديين من الأبناء المواليين للزوج بتفجير عبوة ناسفـة من مادّة المصقّعــة شديدة الانفجار و المطعّمـة بأصابع محشى الكرنب والتى تم تـثـبـيتها فى جادون عجلتــه أثناء اقتحامه غرفة نوم الزوجـة المـفـتـريـة بالعجلـة بعد تخطّــيه نقاط التفتيش وقفزه فوق أحد الحواجز المنصوبة فى غرفة المسافرين مما أسفر عن تدمير وتلطيخ الكنبة الاسطمبولي وانبعاث رائحه نفّاذة فى غرفة نوم الزوجة المـفـتريـة التّى اتّهمت الزوج بشن حرب كيماويّــة تعهّـدت بالرد عليها وهو ما تم فى غضون خمس دقائق عند قيامها باطلاق مدفعيّتها الثقيلــة من طراز - ردح - فضح - والتى كانت قد تلقّـت دورة تدريبيّــة عليها بمساعـدة أم ابراهيم زوجـة البوّاب .

فى هذه الغضون ناشد الزوج المجتمع العائلى إقناع الزوجة بإيقاف ممارساتها القمعـيّـة ضدّه واتّهم حماته بالتحريض وامداد الزوجـة بأسلحـة متقـدّمـة كانت آخرها شحنة ( اتفـــو - 16 ) القادرة على حمل أسلحـة جرثوميّــة.

وقد أفادت إذاعة قعر مجلسكوالتى تبث من بيـر السلّم نقلاً عن وكالة أم على أسوشياتيد برس التى يوجد مقرّها فى الشقّـة المقابلة لشقّة الزوجيّــة فى نبأ عاجل وصلنا الآن أن الزوج قام بمهاجمة الزوجـة عن طريق التسلل عبر البلكونـة مفاجئاً أيّاها أثناء موعـد تغـيير ورديّة ملابسها فى محاولـة منه لتحرير بعض الرهائن من الأبناء المواليين له والذين تحتجزهم الزوجـة فى دولابها وتقوم بمحاولة الحصول على معلومات استخباراتـيـة منهم حول الأوضاع فى معسكر الزوج مستخدمة فى ذلك أبشع وسائل التصفيـة الجسديّه (القرص) و ( الـعـض ) والـذي مـنـه ولكن الزوجه ردّت عليه بمجموعـة من اللطمات على ساحل قفاه مما أدى لتراجعه لمواقعه بعد نجاحه فى الاضرار بكراسى خدودها.

وفى هذه الأثناء أعرب الزوج عن قلقه من الأنباء المتواتره عن قرب وصول شحنه من الأكياس البلاستيكيّــة الى غرفة عمليّات الزوجــة محذراً من حمّام دم قد تغرق فيه رجولته .

هذا ولا يزال القتال مستمرّا على جميع المحاور .

وننتقل الآن لنقل وقائع المؤتمر الصحفى الذى تقيمه الزوجـة المـفـتـريـة فى أوضة المسافرين للرد على اسئلة واستفسارات جاراتها عن الوضع الراهن بينما يظل الزوج ممتنعاً عن الادلاء بأى تعليق رسمى مكتفياً بالرسائل القصيره ( لتقـليص قيمة الفاتوره وقطع الطريق على إدّعاءات الزوجـة بتخريب إقتصاديّات المنزل) عبر الموبايل للتشاور مع أصدقائه حول كيفـية الخروج من مأزقه ومحاولة الوصول لتسويـة سلميّــة دون اللجوء للأكياس البلاستيكيّه بالمجموعة .


هـــذا وسـنوافـيـكم أولا بـأول بكـل جـديـد حـول هـذه الـتـغـطـيـة الـشـامـلـة لأعـمـال الإرهـاب الزوجـيـة الدامـيـة

شكــرا لكـم ولـحـسـن مـتابـعـتـكـم لـنـا ... نـتـرككـم في رعـايـة الله والسـلام عـلـيـكم ورحـمـة اللـه وبركـاتـه .

استر يا رب....

نكته كده عالخفيف...
نصيحه حلوه اوى عالشان تقتل مراتك والبوليس ميعرفش...

قرأ صعيدي في إحدى الصحف أن مجرما أمريكيا قتل زوجته ودفنها تحت السرير ولم يتمكن البوليس من اكتشاف الجريمة إلا بعد مرور 25 عاما فكر الصعيدي في الجريمة وهو يتخيل زوجته التي تنغص عليه حياته وقال لنفسه : يبقى لو أن قتلت مرآتي وعملت زي الراجل الأمريكاني ده محدش حيكتشف حاجة إلا بعد ما أكون مت وبالفعل عاد الصعيدي إلى شقته فاستقبلته زوجته بوصلة من الشتائم فذهب فورا واحضر سكينا من المطبخ وذبحها بها وحفرتحت السرير ودفنها هناك ويا دوب بعد نصف ساعة كبست الشرطة على الشقة
واعتقلت الزوج الذى تعجب من السرعة الكبيرة في اكتشاف الجريمة وقال للضابط:-

أناعملت كده لأني اعتقدت أن البوليس عندنا مش حيكتشف الجريمة ابدا زي الراجل الأمريكاني اللي في الجريدة دي ,, دول في أمريكا ماكتشفوش الجريمة إلا بعد 25 سنة أجاب الضابط بعد أن تصفح الجريدة :-أصل الراجل الأمريكاني كان ساكن في الدور الأرضي ,, وأنت ساكن في الدور الخامس والجثة لما دفنتها نزلت عالجيران يا غبي



طبعا كلنا عارفين موضوع المعاكسات ده فطبعاً لو اى ولد راح عاكس مصيره حاجه من اتنين...
1/ لو عاكس واحده تعرف تتصرف ممكن تصوت وتلم عليه خلق ربنا.......

2/ لو عاكس واحده ......... هيحرم يعاكس تانى وده السبب..

[size=9][size=16]مش قدي يا ابني هدي

خلي نهارك يعدي

اوعى يغرك جسمك

دا انا ممكن انسيك اسمك

ولا فانكي ولا دولسي

ولا اصرخ اعلي حسي

دا احنا جامدين مش كسر

لو كنت ابن مين في مصر


دا الحق حق ياابا

فاكرنا ايه غلابه

دا انا صعبه ولحمي مر

مش عجبك انت حر

ومقطعه البطاقه وفي منتهي الجرائه

دا انت وقعت برجليك

وماحدش سمي عليك

مش قدي ياابني هدي

خلي نهارك يعدي

شكلك عايز تتخانق

وانا شكلي كده هضايق

وانا ياابني لما اضايق

معرفش انا بعمل ايه



لو بقالي علي عمرك قصر

اصلك ممكن تتكسر

بقي جاي عندي وتتشطر

هتجيبه لنفسك ليه

مش قدي ياابني هدي

خلي نهارك يعدي


وطبعا صاحبا اخد الدش البارد ده وطلع يجرى[/size][/size]

معظم بنات مصر
فى الاجازه
انا بقول معظم
((مش كلهم))



اما تيجي الاجازه تلاقيهم
ماسكين التليفون وهات يا رغي
ود ود ود ود ود
ويك ويك ويك ويك


شفتي الواد حمص كان لابس ايه النهارده


التيشرت كان جميل بس الشوز كان مقطوع


بيقولوا البت حماره اتقدملها عريس كويس
اه فعلا ..بس رفسته ؟؟


شفتي فستان اليسا الجديد


هيا صحيح البت زعبله اتخطبت
لا.. اصل عريسها مكنش شبه تامر حسني


اما شفت حته واد النهارده
زي القمر وقعد يبصلي كتيــر
وهو تلقيه معبرهاش اساسا


وبعد اما تقفل التليفون مع صحبتها او بعد ما تسبها
تقول البت دي كدابه كدب ؟؟
دي اكيد بتفشر عليا في اللي قالتله


وهيا في وشها ازيك يا قمر .. ازيك يا روحي .. .ازيك يا حبيبتي
ويا دوبك تديها ضهرها
البت دي انا مبقبلهاش بس هيا اللي مصممه تكلمني



ويقولوا لك علاقه البنات ببعض اقوي من علاقه الشباب مع بعض



والواحده من دول اما تتعارك مع صحبتها
يادهووووووووووووووووووووو وي
تلاقي الملايه اتفرشت واللسان الجميل تحول اللي بندقيهak 47


علي راي عادل امام
فجاه لقيت النسر طار يا خال
والنور اللي في وشه انطفي
وقالي ملكـش فلـوش عنـدي


تخلص مع اصحابها تخش علي الام الغلبانه
ومفيش غير كلمه ((لا)) علي لسانها
و((اشمعني انا..))
متخلي فوزيه اختي هيا اللي تعمل



وياليله سودا لو اخوها قالها اعمليلي حاجه
يا الليله السودا اللي هيشوفها
واما تكون عايزه حاجه منه
اخويا حبيبي ..
فاكر لما قلتلي اعملك شاي من سنتين وعملتهولك
ويا سلام لو ماسكه عليه حاجه
اول ما يزعقلها ..تقوله مش فاكر لما خلتني
روحت كلمتلك البت اياها
هتنفز الامر ولا اقول لبابا ولماما اخليهم يطينوا عيشتك
ونظرا للضغط الرهيب من الاخت يرضخ الاخ البري
.. الوديع..الحالم.. المطيع..الركيك.
.لطلبات الاخت المفتريه




خلاص خلصت علي ماما واخوها واصحابها
تخش علي بابا عشان تنكد عليه
عايزه اجيب شنطه جديده
عايزه اغير الموبايل
عايزه واحد كشري بالكبده
المهم انها تقرفه وتقوله هات فلوس بأي طريقه
ويقولك البنات حنينين علي اباهتهم




ومن المطبخ للنت للسرير لmelody
واما تلاقي نفسها اتخنقت من اللي عملته
تخش علي المطبخ وهات يا .....؟
كأنه اسد بيفترس وليمه
وهيا تلاقيها قدامك في الجامعه
منتهي الركه والطيبه والحلم
وتقولها متاكلي تقولك انا ساندويتش واحد يشبعني
اكل اكل اكل :




مش مهم تاكل ايه
وتقولك انا بطلع زهقي في الاكل
حتي تلاقي الواحده من دول في سنك
وقدك 9 مرات


وبرده فيه مشكله خطيره لو واحد فضل ماشى ورا واحده بعربيته ممكن تفتكره بيعاكس ...
وممكن يكون غرضه شريف زى كده


1- يمكن خايف عليها تضيع بالشارع . <<يا حـنين

2- يمكن خايف عليها من الشباب الصايعين.( يعنى هو مؤدب)

3- يمكن بيشبه عليها هههههههههههههههههه.

4- يمكن عااايز يعرف فين بيتهم علشان يشتريه (اصله شغال سمسار)

5- يمكن تتعب البنت بالشارع فلازم يكون موجود عشان يساعدها

6- يمكن تخبطها عربية فلازم يكون موجود عشان يتصل بالإسعاف أو انه يسعفهاا أو يكون شاهد عيان ( ده لو مش هوا اللى خبطها )

و كمان البنت من دول ف الخطوبه تبقى حنينه و رومانسيه
وبتحب الورد وكل لما تكلم خطيبها تكلمه بصوت حونين ركيك .....

وبعد الجواز....

تصحى الصبح على رزع وتخبيط وتكسير تفتكر ان الحرب العالميه السادسه بدأت
و لسه يا دوبك تسأل عن السبب ...

تلاقى وحش مفترس داخل من الباب وماسك ف ايديه جردل و مساحه وبتقولك
بصوت يفكرك ب جورج وسوف مش باين له اى معالم...
قوم يلا النهارده الجمعه و انا بنفض البيت <<<< مع ان ممكن يكون النهارده التلات..

تقوم وامرك لله تعمل ايه بقى مفيش حل تانى...
تخش تاخد دش <<< وطول ما انتا بتستحمه هى شغاله نفس الاسطوانه كل يوم
" الميه الشهر اللى فات اجت 25.5 يا مفترى خلص يلا "
" كل يوم بيستحمى وكل يوم ميه بضيع عالفاضى خلص يا محتتتترم"

وطبعا هو لازم يرد مش كل يوم كده تهزيق وهو ساكت فيرد
" بس طبعا بصوت واطى عالشان ميقدرش يعلى صوته"
" طب انا على الاقل بستحمى كل يوم مش شبهك كل عيد مره...
يلا ياللى شبه سيد قشطه...
سيد قشطه مين على الاقل سيد قشطه بيبحب الميه مش شبهك.."

وهى تكون قاعده ف اخر البيت وبرده تسمعه
" اصل ودانها شبه ودان افاتار حد شاف الفيلم ؟؟
هى بالظبط ودانها شبهم...."

وتقوله سيد قشطه مين على الاقل سيد قشطه ده كل يوم بيعملك...
1/ اكل احسن من احسن مطعم فيكى يا شبرا " وهى اصلا اكلها كله شبه بعضه مفيش فرق ف اللون ولا الطعم ولا الريحه..."
2/ بصيحك كل يوم الصبح فى المعاد اللى انتا عايزه " يا سلام اذا كان لو هو عايز يقوم الساعه 6 بتصحيه الساعه 9 وتقوله معلش اصل راحت عليا نومه...."
3/ اولاد بذاكرلهم ومخلياهم يطلعوا من الاوائل " فعلا من الاوائل بس من تحت..."

وبعد كل ده مش عاجيك طب تعالى بقى لما اوريك...
طخ بوم بوم طخ...
وينتهى اليوم باحدى المصيرين

1/ هو فى متشفى القصر العينى فى قسم الكسووووووووووور
2/ هو برده فى القسم "قسم شبرا" والتهمه قدم خدمه كبيييره للبشريه..
قتل مراته.....

وكفايه كده واتمنى ان الموضوع يعجبكم...
ومره تانيه بقول ده هزااااااااااااااااااااااااااااااااااااااااااااااار .....
يعنى اوعى حد ياخد الكلام ده يجد .....
يلا مستنى ردودكم
ومستنى موضوع البنات....