حواء تسال وادم يجيب

حواء تسأل وآدم يجيب

آدم يسال وحواء تجيب

نصفي هذه الحياة ينقسمان ويلتقيان وبجعبتي كلاً منهم سؤال للاخر

فرغم انهما يعيشان معاً الا انهما مازالا يجهلان اشياء كثيرة عن بعضهما

تدور في فلك كل واحد منهما عدة أسالة واستفسارات عن الطرف الآخر

قد تكون هناك خفايا لانعلمها في شخصية الرجل والعكس صحيح
/
\
/
\
وهنا أخترت لكم هذه المساحة الشاسعة

ليجلس هنا آدم وتجلس هناك حواء

ويتبادلان الاسئلة

0
0
0
آدم

أعلم ان حواء هي قرارك واستقرارك في هذه الحياة

فلاتتردد بان تسأل حواء عن أي شيء تجهله و تحب معرفته حواء
0
0
0
أعلمى ان آدم أهتمامك الاول ومصدر الأمان لكِ

فلا تتراجعي ابداً في ان تسأليه عن أي شيء

/
\
/

هنا فقط لكم الحرية في طرح السؤال لطرف الاخر وهو يجيب

؛
؛
وسـ أبدأ باول سؤال لآدم

0
0
ماهو أقصى ماتتمناه من حواء؟؟؟؟

_________________

فكرة التوبيك جميله اوووي ياندي
تسلمي ياقمر
ومستنيين حد من الشباب يرد

اتمنى منها انها تكون محافظة على دينها اول حاجة وتكون انسانة قلبها طيب
سؤال .ليه حواء لما واحد يقولها كلمة حلوة بتتغر فى نفسها وتعتبر نفسها ملكة؟؟؟؟؟؟؟؟؟؟؟؟؟!!!!!!!!!!!!!!!!

مين قال كده
هى مش بتتغر بس بتفرح بالكلمة وبتحاول تكون مثالية عشان تستحق الكلام الحلو وما تحسش انه مجاملة

سؤالى لادم
ليه الولاد بتتسلى بالبنات

منورين التوبيك والله
وادينا مستنين ادم يرد علينا

برضوه مش كل الولاد بيعولو كده واللى بيعمل كده انا بعتبره انسان هايف جدااا ومش محترم وفيه ناس لما تكون بتحب بجد اكيد مش بيتسلو وبيخافو على البنت اكتر من نفسهم
سؤالى متى تفقد حواء حبها لآدم؟

اقولك حاجه
اللى بيحب بجد مش بيعرف يكره
بس ممكن تفقد حبها لما تكتشف ان كان ف خيانه

سؤالى لادم
ليه ادم بيعتبر ان رايه هو الاهم ودايما لازم رايه هو اللى يمشى؟؟؟؟؟؟

سؤالك جميل جدا يا ندى
وياريت حد يجاوب

هو مش كده بالظبط يا ندا وبعدين مى عجبها السؤال اوى ماشى ارد بقى هو مش بيعتبر رايه الصح فى كل الاوقات بس لو فيه حد بيعمل كده يبقى اكيد غلطان لان احسن حاجة الانسان بيوصلها لما يكون اتفاق بين اكتر من شخص والامر شورى
سؤالى
حواء مالذي يعجبك بادم ومالذي تكرهيه فيه

يعجبنى ف ادم قوه ايمانه ومعرفته القويه بربنا
واحترامه

اكره فيه غروره وانانيته

سؤالى لادم
لو حواء غلطت واعتذرت رد فعلك هيكون ايه؟؟؟؟

الاعتراف بالغلط شىء كويس والاعتزار اجمل لانه فعلا بيحس بغلطه واكيد هسامح لان انا عن نفسى مش بحب اكون زعلان من اى حد
سؤالى ليه حواءبعض الاوقات بتكون متكبرة ؟؟!!!

مش كلهم من تواضع لله رفعه التكبر شئ مكروووووووووه

وسؤالي لادم
ماهو الخطا الي ماتقدرش تسامح فيه ؟

الكذب هوه ده الشئ اللي مش ممكن أسامح فيه لما حد يكذب عليا
وسؤالي لحواء انتوا ليه ش بتأجبوا علي أسئله أدم وبتتهربوا بالاجابه عن طريق
مش كلهم؟؟؟؟؟؟؟؟؟؟؟؟؟

لان هى دى الحقيقه
من الاخر صوابعك مش زى بعضيها

وسؤالى لادم
انت لو حبيت بجد ممكن تخسر حد من اصحابك عشان الحب دة يعنى بتطبق حكايه من لقى احبابه نسى اصحابه؟؟؟؟؟؟؟

لا ده مبدا مرفوض تماما لان ده شىء وده شىء تانى خالص وحتى لو اللى انا حبيتها طلبت كده لازم اعرف السبب واكون مقتنع مليون فى المية انه صح
سؤالى
ماذا يعني ادم بالنسبة لحواء؟؟؟

بصراحه مش فاهمه السؤال

يعنى مااهمية وجود ادم من وجهة نظر حواء فى حياتها

ادم بيمثل
الاب -الاخ- الصديق-الحبيب-الزوج
وطبعا منقدرش نستغنى عن اى حد منهم

سؤالى لادم
هل ياترى ممكن ادم يرتبط بواحده كانت بتحب حد قبليه؟؟؟؟

ليه لا بس بشرط انها تصاريحنى بده من اول مرة ومش تخبى عنى حاجة زى دى وكمان عادى ممكن الواحد يحب حد ومش يتوفق معه ومفيش حد معصوم من الخطأ
سؤالى من هو ادم الذي تحبيه ؟ اقصد كيف يجب ان يكون ؟

انه يكون بيعرف ربنا كويس اووى ويكون تفكيره ف مستقبله كويس
وكمان يكون بيحبنى زىي واكتر كمان وعنده استعداد يعمل اى حاجه
عشان يحافظ ع الحب دوة

وانا هسال ادم نفس السؤال

انها تكون انسانة قريبة من ربنا وتكون محترمة ولبسها كويس ومش بتهتم بالمظهر الخارجى فقط زى ما معظم البنات بيعملو اهم حاجة القلب الطيب
سؤالى ايه اللى حواء طلبته من ادم او اتمنت انه يكون عندها ومش حققه ليها؟

سؤالك رخم شويه
ممكن مجاوبش؟؟؟؟؟

اوك ازيو لايك بس فين سؤلك

انا قلت استاذن الاول
وبعدين حط انت سؤال تانى

احرجتينى بزوقك يادودو
ايه اللى حواء شايفه انه لازم يكون فى ادم ضرورى وبينقصه ؟

مرسى اووى
احترامه لغيره ده غير طبعا معرفته بربنا دى حاجه لابد منها يعنى
وكلنا متفقين عليها

امتى حواء تقل من نظرك؟؟؟

امال ادم فين
؟؟؟؟؟

موجود تقل فى نظرى لما تعمل حاجة خارجة عن النص المحدد وطبعا انتى عارفة قصدى
نفس السؤال تانى

يقل ف نظرى
لو اكتشفت مرة انه كداب

سؤالى لادم
نظرتك بتبقى ازاى لحواء اللى بتتعامل مع ناس كتييير ولها علاقات مع كل الناس؟؟؟؟

بتختلف حسب الطريقة اللى بتتعامل بيها مع الناس وحسب اسلوبها هى شخصيا وبيختلف الحكم وان كنت بفضل ان العلاقة تكون......ليست دائمة او منفتحة بين الشباب والبنات
السؤال ايه راى حواء فى الولد لما بيكون بيغرف بنات كتير؟

هقولك حاجه
لما الولد يكون بيعرف بنات كتير وعلاقتهم مع بعض كزماله
وبيحترم حدود العلاقه دى يبقى مفيش كلام

لكن اللى بيعرف بنات كده يعنى وانت فاهم بقى
دة بقى يبقى نقول عليه كلااااااااااااام كتيييييييييييير اوووى
بلاش اقوله احسن

سؤالى
ده ليه علاقه باللى حصل انهارده ف الجامعه وهى المسيره اللى كانت موجوده

نظرة ادم كانت ازاى للبنات اللى كانت موجودة معاهم وبتهتف زيها زيهم واكتر كمان؟؟؟؟؟؟

بصراحه يا جماعه احنا النهارده عملنا مجهود ضخم وبقا لينا قيمه في الجامعه
دلوقتي اي حد في تمريض يمشي رافع رأسه فوق ويفتخر انه من تمريض
كفايه ان كل الجامعه بقت بتحترمنا وده كلام سمعته حقيقي من صحابي
أصحابي اللي في هندسه زراعيه وتجاره بيقولوا الدكاتره بيقولوا للطلبه
انتم مش بتتحركوا ليه زي الناس دي بقا تمريض شويه البنات دول أحسن منكم جتكم خيبه
وفعلا البنات بتوع كليتنا النهارده يا ندا كانوا يشرفوا وأحسن من ميت ولد فاكر نفسه راجل
وده رأي بعد المسيره اللي مشيناها والكلام اللي قولناه
تسلموا يابنات تمريض وليكم مليون تحيه

ادم جاوب بس مش حط السؤال
انا اللى هسال ايه رايى بنات الكلية فى وجود البنين فى الكلية وخصوصاا انا النهارده حصل موقف من انسانة وزميلة لا توصف الا بالغباء مع احترامى للجميع انها قالت على وجود البنين انه ملوش لزمة وكمان انهم خلو شكل الكلية وحش؟؟؟؟!!!!!!

بالعكس والله يا جماعه لولا الولاد معانا
طيب ما الكليه كانت بنات معملوش كده ليه
ودى اقل حاجه ممكن اقولها مع احترامى طبعا لكل اللى ف الكليه
بس والله الولاد دوله بجد اثبتوا ان ليهم اهميه كبيره جداااااااا
وظهرت شخصيه الناس كلها ف الوقت دوة
وانا عن نفسى اتعاملت مع ناس عمرى مااتعاملت معاها بس طلعوا قمه ف الاحترام
وتحييه لولاد تمريض كلهمممممممممممممممم

سؤالى لادم
لو خيروك تعين عميد ولا عميدة؟؟؟

ربنا يخليكى يا قمر هو ده راى الناس المحترمة العاقلة اللى بتشغل عقلها واجمل تحية لبنات تمريض كلنا ايد واحدة واخوات
بالنسبة للعميد من راى انها مش هتفرق سواء عميد او عميدة المهم الشخصية اللى هتتعامل معانا تكون كويسة ومحترمة وتقدر الناس اللى بتتعامل معاهم وكمان يكون بيحترم المكان اللى هو فيه علشان الناس تحترمه ممكن تكون العميدة افضل او العكس حسب الشخصية والمعاملة
سؤالى
أذكر خمسة أشيــــآء تحب حواء ان تكون موجوده فى ادم؟؟ظ

دة من زوقك والله

اولا لازم يكون عارف ربنا كويس اوووووووى
ثانيا يكون اجتماعى بمعنى انه يتعامل مع الناس كلها ولكن ف حدود طبعا
ثالثا انه ميكدبش ابداااااااااا مهما كان السبب
رابعا بلااااااااااااااااااااش خيانه
خامسا بقى ودة الاهم انه يكون بيحب حواء جداااااااااااااااااااا

نفس السؤال

انا بقى بالنسبة لى الخمس حاجات هيتلخصوا فى حاجة واحدة لو كانت موجوده يبقى هى فيها كل اللى اتمناه هى انها تكون متدينة وتعرف ربنا فى كل تصرفتها ودى اكيد هيكون فيها كل حاجة حلوة
سؤالى حواء تعمل ايه لو ادم غلط فى حقها ورجع اعتذر بعد فترة؟؟؟وده على اى اساس

غلط في حقي زي ايه مثلا

ممكن توضح

اى غلط سواء ظلم خيانة مش مهم النوع المهم النتيجة انتى هيكون موقفك ايه من ده؟؟؟؟

انا عن نفسي مش هقدر اسامح ف الخيانه ابدااا لانه ساعتها لو سامحت فيها اهانه لكرامتي

انا هسال ادم ايه الكلمه الي لو قالتها حوا ممكن تخاف منها؟

انا بجد مش بخاف من اى حاجة لانى الحمد لله واثق من نفسى مليون فى المية
نفس السؤال

اللى ممكن يخوفنى منه
اممممممممممممممممش ف حاجه ممكن تخوفنى منه طبعا

ليه ادم بيرمى الحمل دايما
ع حواء وبيحسسها بالذنب
وان هى مش بتقف جنبه؟؟؟؟؟؟؟؟؟

فعلا ممكن ده بيكون موجود بس مش عند كل الناس لان الرجل بطبعه مش بيحب يعترف بخطاه ودايما بيحب يكون صح
ليه حواء فى اكتر الاوقات بتحب تعمل كل حاجة على مزاجها ومش بتهتم كتير براى ادم؟

هى بتحب يكون لها شخصيتها المستقله
يعنى هى ف دماغها انه لما يقولها ع حاجه لا مثلا
انه عاوز يمشى رايه وخلاص
وده ممكن يتحل بسهوله لو الاتنين متفاهمين مع بعض

سؤالى

هو ليه ادم لما بيشوف حواء بتضحك
وهى جواها مهموم وحزين
ليه بيفهم ان مش فارق معاها حاجه
ومش بيفهم انها موجوعه بس مش عاوزة تبين ضعفها؟؟؟؟؟؟؟

مش كل الناس كده ممكن يكون حاسس بيها بس مش عاوز يعبر عن ده وكمان الانسان لما بيكون حزين وبيضحك برضوه بيكون باين عليه بس الضحك ممكن يخفف شوية
متى تتجاوز حواء الخطوط الحمراء في ملفات آدم ؟؟؟؟

عندما لا يكون هناك حدود للعلاقه بينهما

سؤالى لآدم

مارأيك فى الصداقه بين الولد والبنت ؟؟

وايه هيكون رد فعلك لو شفت أختك واقفه مع ولد ولما تسألها تقولك صديقى؟؟!!

أنا عارفه انى سألت سؤالين بس هما مرتبطين ببعض

وبجد موضوع جميل جداا ياندا

فى انتظار اّدم جرئ للاجابه ع سؤالى بصراحه

مرسى يا قمر

وبجد سؤالك جميييييييييييييييييييييييييل

فييييييييييييييييييييين ادم يا جماعه؟؟؟؟؟؟؟؟؟؟؟؟

انا اجاوب يلا الصداقة شىء جميل بس لما يكون بجد انا راى ان الصداقة بين الولد والبنتلازم تكون فى حدود زى الدراسة مثلا بس متتعداش ده وانا لو شفت اختى بتكلم ولد وتقول هو صديقى مقدرش اقولك انا هعمل فيهم ايه
بالرغم من ان السؤال صعب انا جاوبت
سؤالى لو حواء حبت صديق او انسان جداااا وهو مش عارف انها بتحبه او هو بيحبها ومش قادر انه يقولها خايف من رد فعلها ممكن يكون لو هما اصدقاء خايف ان يخسرها من الاتنين حواء تعمل ايه عشان تخلى ادم يعرف انها بتحبه او معجبة بيه ورايك انك ادم لو كده يقولها ويصرحها بحبه ولا ايه؟

اولا شكراا على صراحتك

اما بالنسبه لسؤالك
فده موقف صعب جداااا
بس من رأيي
بالنسبه لحواء مش المفروض انها تعمل أى حاجه
لأن اى تصرف ممكن يتفهم غلط

بالنسبه لآدم لو هو متأكد من حبه لحواء
وشايف انها الانسانه اللى هيقدر يكمل معاها حياته
يبقى المفروض انه يصارحها ويقولها انه مش منتظر منها اى حاجه
وبعدين لو هو خايف عليها بجد وبيحبها حب حقيقى
أكيد كأى ادم طبيعى لازم ياخد خطوه ايجابيه ويتقدم رسمى
عشان يمنع اى مشكله ممكن تحصل لا قدر الله

يارب اكون قدرت اجاوب ع سؤالك
دى وجهه نظرى الشخصيه
والاختلاف فى الرأى لايفسد للود قضيه

سؤالى لآدم
ايه احساسك وانته قاعد مع واحده(طبعا على أساس ان فيه بينكم حب)؟؟؟
ياترى بتكون حاسس انكوا بتعملوا حاجه غلط ولا شايف الموضوع ازاى؟؟!!!

منتظرة الاجابه

» عيد ميلاد ميدو النهارده ياجماعه I,m out of loveكله يجيب الهدايا
» لماذا خلقت حواء من ادم وهو نائم ؟؟
» لماذا خلقت حواء من آدم وهو نائم؟!!!!!!!