اسأل اللى بعدك سؤال

انا هبدأ اللعبة
وأقول للى بعدى
بصراحة انت أو انتى
دخلت الكلية برضاك
وبتحب الكلية ولا لا

ماشى يا ندا انا فى الاول مش بمزاجى بس لما بقيت امر واقع دخلتها ورضيت وقلت الحمد لله احسن من غيرها كتيير
سؤالى بقى للعضو او العضوة عاوز اعرف رايه فى كل عضو فى المنتدى بصراحة ومن غير مجاملة

اوكي يا اسبيدر من غير مجامله
الصراحه وبوجه عام كل الي علي المنتدي اخوة واخوات
واحلي حاجه فيهم ان كل واحد له شخصيته الي بتميزه عن غيره
يارب تكون الاجابه وافيه

وسؤالي لل عضو او العضوة ا

ايه كبر ذنب ارتكبته في حياتك

ماشى يا ميرو اجابتك بجد كويسة جداااااااااااااا
الذب هو مش ذنب هى غلطة وندمت عليها انى حبيت انسانة وكنتبخاف عليها اكتر من نفسها بس هى طلعت مش تستاهل ده وخلاص ربنا بين لى الحقيقة الحمد لله على كل شىء
سؤالى..ماهو وصفك لنفسك بصراحة من كل الجوانب فى الحياة؟

ليه بجد المنتدى ده بالذات مش بيتفاعل ف المواضيع العلميه والحجات دي

مع اني شايفاها مشوقه

يا سوسو انتي مش جاوبتي علي سؤال اسبيدر

وردا علي سؤال والله قعلا انا مش لاقيه اجابه علي سؤالك بس ممكن لو عملنا فيه مسابقات بشتغل زي الاول

وسؤالي للي بعدي

كيف تعرفت علي المنتدي؟

ههههههههههههه انا اللى اقترحت فكرة المنتدى يا ميرو على هيرو ونفذ يعنى الاصل بتاعنا
مش هسال لان الؤال مش حد جاوب عليه؟؟؟؟؟؟؟؟؟!!!!!!!!!!!!!!!!!!

معلش نسيت
واديني هجاوب
مش فاهمه السؤال بس هوصف نفسي عامة
ف الحياه الاجتماعيه يمكن شخصيه منطويه ومش بثق ف أي حد
عشان كده أصحابي مش كتير
بالنسبه لدراستي ف دي أكتر حاجه بحبها كلكوا أكيد عارفين ده
انسانه ماشيه بعواطفها علطول وده بيخليني أقع ف أخطاء أنا مش قدها
بس ساعات بتكون ميزه اني بجد مش بحب أي حد مهما كان انه يزعل مني
بالنسبه في البيت مع اخواتي ف أنا معاهم علطول متعصبه عشان أنا مش بحب الدوشه
مش بعرف أعيش ف الدوشه لكن بعشق حاجه اسمها الهدوء
ساعات طريقة كلامي بتكون هجوميه شويه بس أنا مش بيكون قصدي
بس ده ممكن يعصب اللي قدامي مني فياريت متزعلوش مني لو شوفتوا مني ده
ساعات بحس اني عايشه ف خيال واني بتمنى ان خجات تحصل مع اني عارفه انه مستحيل
بس مجرد التخيل ده بيريح كتير وبيهديني
ياريت اكون قدرت أجاوب ع السؤال
اللي بعدي مش جاوب ع السؤال

أجاوب انا على السؤال
انا كنت مشتركة فى المنتدى الاول وبعدين ماعتش عارفة ادخله
فدورت فى المنتديات ولما لقيت المنتدى اشتركت
اسال اللى بعدى
ايه بيكون شعورك لما بتحصلك حاجة وحشة

مى السؤال مش واضح اوى بس انا هجاوب يارب الاجابة تكون اللى انتى تقصدى بها السؤال
اى حاجة بتحصل للانسان سواء حلوة او وحشة لازم يحمد ربنا عليها اولا لان كلشىء مقدر من عند الله وانا شخصيا مش بزعل من اى حد عملى معايا شىء وحش لانى بعرف انى ربنا بيحبنى لانه بين لى الانسان ده على حقيقته من الاول انى ربنا عاوز لينا اكيد الخير فبشكر ربنا وبسامح كتير مش بحب ازعل من حد او حد يزعل منى يارب تكون الاجابة هى اللى تقصديها
سؤالى ..لوشخص قال ليك/ى بانه بيحبك بجد ايه هيكون الموقف من ده وردك هيكون من وجهة نظر ايه

ههههههههههههههههههههههههههههههههههههههههههه
ايه السؤال ده
انا طيب انا هستنى حد يجاوب
وابقى اجاوب حاجه تانيه
ماااشى

[quote="THE SPIDER"]مى السؤال مش واضح اوى بس انا هجاوب يارب الاجابة تكون اللى انتى تقصدى بها السؤال
اى حاجة بتحصل للانسان سواء حلوة او وحشة لازم يحمد ربنا عليها اولا لان كلشىء مقدر من عند الله وانا شخصيا مش بزعل من اى حد عملى معايا شىء وحش لانى بعرف انى ربنا بيحبنى لانه بين لى الانسان ده على حقيقته من الاول انى ربنا عاوز لينا اكيد الخير فبشكر ربنا وبسامح كتير مش بحب ازعل من حد او حد يزعل منى يارب تكون الاجابة هى اللى تقصديها
سؤالى ..لوشخص قال ليك/ى بانه بيحبك بجد ايه هيكون الموقف من ده وردك هيكون من وجهة نظر ايه [/qu

انت كده فاهم سؤالى صح ياسبيدر

السؤال لم يتغير بعد يا لولو انتى اللى دخلتى وده قدرك يعنى انتى المفروض تجاوبى ههههههه وبعدين تسالى يلا مكلنا مستنين الاجابة انا عارف ان السؤال صعب ربنا معاكى على فكره ده سؤال اوبن بوك
سؤالى ..لوشخص قال ليك/ى بانه بيحبك بجد ايه هيكون الموقف من ده وردك هيكون من وجهة نظر ايه

اجاوب انا لو الموقف معايا اعتقد انى هرتبك واخاف واسيبه وامشى بدون تعليق

ماشى يا مى ده موقفك بس ازاى هو هيعرف ردك عليه؟؟؟؟؟؟؟ممكن تجاوبى!!!!

عارف لو انا بحبه مش هسيبه وامشى
ممكن ابتسم

هههههههههه الاجابة مش واضحة برضوه نفرض ان فهمه صعب شوية هيعمل ايه وبعدين فين سؤالك للى بعدك؟؟!!

ياسلام للدرجة دى هيبقى غبى لا لو كده يبقى احسن له ما يفهمش
ده فى ناس بتفهم الموضوع كله من نظرة واحدة وبترد برده بنظرة
سؤالى للى بعدى
ايه مواصفات فتاة\فتى احلامك

بصى يا مى اهم حا جة ف فتى احلامى ..انة هو يكون بيحبنى وانا احبة انا كمان اكيد يعنى ..وطبعاا محترم وبيعرف ربنا كويس اولا ..وكماان انة يحافظ علية طول عمرة ..ويخاف علية وعلى زعلى وحاجااااااااات كتير ودى بتختلف من حد للتانى

وسؤالى للعضو اللى بعدى ... حسيت ف يوم انك حبيت حد اوى بجد ومش قادر تستغنى عنة ولو لقيت دة عملت اية علشان تكون جنب اللى حبيتة.. ..

اعتقد يالولو انك عارفه الرد ولا ايه؟؟؟؟

اجاوب انما بقى لان الموقف ده حصل لى انا من اول مرة شوفتها دخلت قلبى وبقيت دايما احب اشوفها كل يوم بحس لما بشوفها انى اسعد انسان فى الدنيا وكمان لما اسمع صوتها ودايما بحب انها تكون مبسوطة وسعيدة وعمرى ما اعمل حاجة تزعلها وكمان اشوف ايه اللى يرضيها ويفرحها واعمله لانها حياتى قلبى
سؤالى هتعمل ايه لو الانسان اللى حبيته قالك انه كان بيعرف حد قبلك موقفك هيكون ايه ومن وجهة نظر ايه

عاااااااادي مش تفرق طالما قبلي ومش اعتقد ان اي ولد حب قبل كده من المستحيل انك تكون اول حد في حياته مش واعتقد ان مش من حقي احسبه علي اي حاجه عملها لو كده هحسبه من يوم ماتولد لحد معرفني
ههههههههههههه
يارب تكون وصلت
مع اني مش كنت احب اقع في سؤال زي ده
بس اسال الي بعدي واقوله ليه اخترت اسمك المستعار ده بالذات مش غيرة

برده انا اللى هجاوب
انا اخترت الاسم لانى بموت فى فيلم اسبيدر مان وكمان شخصيته عجيتنى

سؤالى هو نفس السؤال للى بعدى
بس اسال الي بعدي واقوله ليه اخترت اسمك المستعار ده بالذات مش غيرة

انا بحب اسم مى

اسأل اللى بعدى
ازاى تتاكد ان حبيبك بيحبك

السلام عليكم انا اخترت الاسم لانى كل ما احب ميكونليش نصيب مع حد ومش شرط الظروف يكون مشاكل بينى وبينها ساعات تكون عندى فى البيت شخصيا او عندها علشان كده انا اخترت i m out of love لانى عاده اتعودت على كده

اما سؤالى للى بعدى هوه لو ايه اللى انته شايفه وحش فى شخصيتى وايه الحلو؟؟؟

مافيش حاجة بس مين فينا هيجاوب على سؤال التانى

ممكن اجاوب انا
اتاكد ازاى؟ فدوة بيظهر من التصرفات يعنى من الاخر بتتحس
دة ردى ع سؤال مى

اما ردى ع سؤال ميدو
محدش بيعرف عيوبه ولا مميزاته
اللى حوليك هم اللى بيكونوا عارفينها واعتقد ان مفيش حد بيعرف عيوبه يعنى مفيش حد بيقول انا عيبى كذا كل واحد شايف انه كده كويس مع ان الكمال لله
اسفه ع الاطاله

مفيش اطالة يا قمر بس النتى ما سالتيش اللى بعدك

سورى
ايه هو هدفك ف الحياه؟؟؟

هدفى فى الحياة انى اكون انسان محترم محبوب بين كل الناس ومن ربنا قبل البشر وانى اكون حاجة كويسة فى المجتمع والحمد لله انا راضى عن نفسى بنسبة كبيرة جداااااااااا
سؤالى ايه رقمك المفضل وليه الرقم ده بالتحديد وهل هو رقم حظك؟

رقمى المفضل هو رقم 8
لانى بحب شهر 8 جداا يمكن عشان بتحصلى ف حاجات كتير بتفرحنى
مبفكرش ف ارقام الحظ
دة مجرد رقم بحبه وبس

سؤالى مين اكتر حد بترتاح ف الكلام معاه لما بتكون مخنوق ياترى حد من اصحابك ولا ايه؟؟؟؟

اكتر حد برتاح ليه هو شخص قريب منى خالص اكتر من نفسى..........مش ينفع ذكر الاسم
سؤالى نفس السؤال السابق

اكتر حد برتاح معاه فى الكلام هو حد قريى
وبحكيله على كل اسرارى
واسال نفس السؤال برده

ما انا لسه مجاوب هههههههههههه فرصة سؤال تانى

خلاص انا هسال
ايه معنى نظرة الولد للبنت مع ابتسامة

مش محتاجة اجاااابة بس هجاوب بالصورة بس مش اى نظرة تبقى كده اكيد كل انسان بيقى فاهم قصده من النظرة
اسأل اللى بعدك سؤال 0dfc5abef5

سؤالى
ماهي هوايتك ؟ وماهو فريقك المفضل؟

هوياتي الرسم وافضل فريق نادي القرن الاهلييييييييييييييييييييييييييييييييييييييييييييييييييييي

امتي بتزعل من نفسك؟؟

بزعل من نفسى لما بحس انى عملت حاجه من وجهه نظرى ممكن تكون اثرت على كرامتى

سؤالى
اكتر حاجه بتفرحك ايه هى ؟؟؟؟

انى احس ان ربنا راضى عنى و..... انى اكون جنب انسان بحبة بقيت عمرى

سؤالى ..امتة حسيت انك اتخنقت اوى وضاقت كل حاجة حواليك......ا

الوقتي اكتر وقت مخنوقه ومش عارفه أعمل ايه
شييييييييييييييييييييييييت بجد

ايه أكتر وقت كنت مبسوط/ه فيه؟؟؟؟؟؟؟

لما احس ان ربنا راضى عنى
سؤالى
ايه اكتر شىء تكره فى حياتك؟

الخيانه والانانيه والكدب

سؤالى
ياترى فكرتك كانت ازاى عن الكليه وهل اتغيرت ولا لا ولو اتغيرت بقت ايه؟؟؟؟؟؟

فكرتى كانت عادية جداا بس ان مش كنت حابب انى ادخلها فى الاول بس بعد كده حبيتها جداااااااا
ايه الشىء اللى لما تشوفه تحس انك سعيد ومرتاح نفسيا؟

النيل برتاح جدااااا لما اقف اشوفه واسرح مع نفسى كده

ماهو برنامجك المفضل؟؟؟؟؟

واحد من الناس وفى الرياضة مساء الانوار
من هو مثلك الاعلى فى الحياة

رسولنا الكريم طبعا
ومن الحياه العلميه بحترم جداااااا تفكير دكتور احمد زويل

لوحد غلط فى حقك هتعمل ايه؟؟؟؟
هتواجهه؟؟ولا هتفوتها؟؟؟؟؟

لو حدقريب منى مثلا صحبى اوى هعتبه لانى لازم اعرف السبب واكيدانا بطبعى بسامح مش بحب ازعل من حد واو حد تانى اكيد هبعد عنه لانه ميهمنيش اصلا
ايه اكتر حاجة بتحبها فى الدنيا وبتشجع نادى ايه؟

اكتر حاجه بحبها ف الدنيا
انى الاقى اللى حوليافرحانين
وبشجع نادى الزمالك

فترة ثانوى بتمثل لك ايه؟؟

زمالك ماشى ده اول نقطة!!!!!!!
فترة الثانوى كانت من اجمل فترات حياتىلانى كنت عايش فيها مع اصحابى تمام وكنا مجموعة دايما مع بعض فى كل مكان بس كانت المذاكرة هى اللى بتزعلنى شوية ههههههههه
سؤالى هو نفس السؤال

» ممكن اسأل...ليه احبك؟؟؟
» عد لى فقد حطمنى بعدك ّ
» بعدك حبيبتى
» سؤال هااام جدا
» سؤال وجواب