انا عايش ليه ؟؟

الحياةهى الحياة النهاردة نسخة من امبارح واكيد بكرة برضو هيكون شبههم . الحياةمملة مافيش حاجة ليها طعم . الناس زهقانة من كل حاجة و كل واحد مش طايقالتانى . كل واحد عايش ليه مش عارفه بيعمل ايه مش مهم ايه اللى ممكن يحصل بكرة مش فارق . كله بيعدى ومافيش حاجة هتغير المكتوب .
بس انا عايش ليه اكيد فى حاجة مش عارفها هى دى اللى انا لازم اعملها بس مين ابن الحلال اللى يقولى عليها .

نائر : انا اتخنأت .
نئير :من ايه ؟
نائر :من كل حاجة . مافيش حاجة عدلة . كل حاجة بقى مالهاش طعم . مش عارفانا بقيت عايش ليه . صحيح باكل و اشرب وانام و اتعلم و اذاكر بس كل حاجةبقيت مملة .
نئير :والاحساس ده جالك من امتى ؟
نائر : انت هتعمل عليا دكتور . يعنى انا غلطان انى بتكلم معاك.
نئير : ياعم انا مش قصدى بس ممكن تكون ازمة وتعدى . و كل واحد فينا ممكن يحس بكده .
نائر : و الحل يا عم العبقرى .
نئير: انا شخصيا مش عارف بس ممكن نفكر مع بعض . انا هقولك مجموعة من الجملالمحروقة اللى سمعناها قبل كدة ستين مرة . وانت شوفلك حل فيهم يارب بسالتشكيلة اللى هقولهالك تعجبك .
نائر : قول . ولو انى مش مطمنلك .
نئير : البداية زى مانت عارف انك مش عارف انت ليه عايش . بس لو قولتلك انكعايش فى الارض عشان تعمرها وتصلح فيها وتشتغل بجد و فى نفس الوقت تحسبسعادة الموضوع ده وانت بتعمله ساعتها تكون لاقيت علاج لمشكلتك .المهم انالكلام ده هلامى ومش هتعرف تبدأ تتطبقه منين . و عشان كده انا عايزك تقولىانت بتحب تعمل اية اكتر حاجة فى حياتك ؟

نائر : حاجات كتيرة جدا .

نئير : لا انا قصدى الحاجات المهمة والمفيدة سيبك من البلاوى التانية اللى بتضيع الو قت ع الفاضى .

نائر : اه انت كده زنقتنى
.
نئير : شوفت ازاى ان المشكلة عندك انت مش من الناس اللى حواليك لان انت بس اللى تقدر تحدد انت بتحب ايه و عايز تعمل ايه .
نائر : انت كدة عقدتهالى .

نئير : اعتمد على نفسك وخد وقتك فى التفكير لغاية ما تعرف انت بتحب ايه .ولما تلاقى الحاجة دى ساعتها اقولك مبروك انت كدة حطيت نفسك على اول طريقالنجاح و اللى هيحققلك السعادة بقية حياتك . بس ابقى افتكرنى ساعتها عشانيمكن ساعتها اكون انا لسة بدور على الحاجة اللى بحبها ؟؟؟؟!!!

يا ترى انت وانا لقانا الحاجة اللى بنحبها
ويا ترى بنحبها بجد ..!!؟؟

أولا تسلم ايدك يا عود ريحان
التوبيك رااااااااااااائع
ولحد دلوقتى انا مش لاقى الحاجة اللى بحبها\
مش عارف ليه
بس أكيد كل الناس كده
وألف شكر

شكرا ليك يا هيرو نورت التوبيك
ويارب نلاقى الحاجة ال بنحبها

موضوع راااااائع بجد

تسلم ايدك

يا رب يا عود ريحان
أنا قربت
بس لو اتحققت يااااااااااااااااااااااااااه
والله يبقى أسعد يوم ف حياتى

اكيد ف حاجت كتير بنحبها كتير اوووىتسلم الايادى

هههههههههههههه
انتي عارفه يادودو والله الحوار ده وانا بقرأه حسيت ان انا وانتي اللي بنتكلم مش عارفه ليه
بس تحسي ان الحوار فيه شكل كبير من حوارتنا ولا ايه؟؟
انا اقولك بقي علي الحاجه اللي بجد بتفرحني وبتسعدني وبحمد ربنا اني لقيتها
اكتر حاجه بتسعدني بجد هي التمريض المجال اللي احنا فيه يعني
رغم اننا بنمر ب اوقات صعبه جدااا الا اني بجد بحب المجال ده جداااا
وربنا يقدرني وابذل فيه كل طاقتي عشان ان شاء الله احقق اللي بتمناه

تسلمي علي الموضوع ياحبي

توبيك رائع تسلم ايدك يا قمر

» شاب روش على الشات عايش حياته تعالوا نشوف بيقول ايه؟