ازاى تعرف انك فى فرح مصرى

من البدايه كدا هتلاقى الدعوه بتاعت الفرح جايالك وعليها عباره ..
[جنه الاطفال منازلهم]

يعنى من الاخر ابنك دا يقعد فى البيت ومايورناش وشه
احنا مش عارفين نأكل المعازيم لما هانأكل سعادته

لما تلاقى الزفه الدمياطى الازليه اياها
وبسم الله الرحمن الرحيم وهانبتدي الليله اااااه اااااه

وتلاقى البنات بيجروا ورا العروسه عشان ينولوا شرف صحبتها كدا وهى داخله القاعه ويتقاسموا شرف انهم يشيلوا ديلها اقصد ديل الفستان

لما تلاقى العريس بيبخر العروس عشان الحسد احسن تتكسر ولا حاجه
وتلاقى العروسه بتبخر العريس احسن دا واخد عليها كمبيالات وشيكات
عشان قطع الغيار الغير متوفره وممكن يواديها فى داهيه

لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
والتانيه تقولها :
والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات

وتلاقى البنات بقا واقفه اللى تقول:
ايه دا فستانها بيئه اوى اوى
والتانيه تقولها:
اكيد مأجراه من عند الكوافير اللى عملها التسريح اللى شبه تسريحه المجانين دى

لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز

لما اول حجه تسمعها اول ما تدخل القاعه وقبل ما تشوف العروسه والعريس
اغنيه هشام عباس (اسماء الله الحسنى)

لما تلاقى بتاع الكاميرا بيزوووم على الشبكه كانها مثلا قلاده الملكه اليزابيث الخامسه والعشرين
وتلاقى كل المعازيم هايماوتوا بعض وينطوا فوق بعض عشان يتفرجوا عليها

لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)

لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب (بعرورر)

لما تلاقى ام العريس كل نص ساعه وتمسح عرق ابنها وتقوله
(يا بنى كفايه مش كده ...ماتهدش نفسك)

لما تسمع السؤال الابدي
(هو البوفيه هايفتح امتى...الواحد جاع)

لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك

لما تسمع الناس وهيه بتقول
لالالا بس الاكل مكانش قد كده
بعد تناول الطعام مباشره وعلى راى المثل
(بعد ماكل واتكى قال رحته مستكه)

لما تلاقى ام العروسه بتقول للعريس
خد بالك منها يا حبيبي
والعريس يقولها
دى فى عينى يا طنط

لما تلاقى الزفه انطلقت فى الشوارع مسببه الازعاج لخلق الله
بيب بيب بيب بيب بيب بيب بيب بيب بيب بيب
---------------

هههههههههههههههههههههههههه
يبقا انت اكيد اكيد في مصر
ميرسي ع التوبيك يا قمرايه
ومعلش غيرت الالوان
اصل الوان الفرح دي جبتلي زغلله

ناحيه الجمال فهى شبه الليفه المحروقه

ههههههههههههههه
جامدة يا مى
إنتى مش سبتى حاجة فى الفرح خالص
نورتى المنتدى يا قمراية
ازاى تعرف انك فى فرح مصرى Images?q=tbn:ANd9GcTpQi7xpjsHD7krXUf220AMDEzKVgefyLhNONqmE0IXuE7yX4Ty

ازاى تعرف انك فى فرح مصرى Images?q=tbn:ANd9GcTpQi7xpjsHD7krXUf220AMDEzKVgefyLhNONqmE0IXuE7yX4Ty

لما تسمع السؤال الابدي
(هو البوفيه هايفتح امتى...الواحد جاع)

هههههه
دي بقي اكتر حاجه معروفه عند المصريين

هههههه
شعب طفس

الا من رحم ربي
بلاش ضرب
هههههههههه

شكرا ليكو يا جماعة
بجد نورتو الموضوع

هههههههههههههههههههههههههههههه

ربنا يستر علينا شور فيما بعد دورنا هييجى وبعدين فرح شعبى وهيتقال فيه بردو البوفيه هههههههههههههههههههههه دة انتى كمان والله مزوقة شوية فى الكلام بس تسلم ايدك ياجميل بس مجبتيش سيرة شعبولا واييييييييييييييييييييه هههههههههههه

» ازاى تعرف انك فى مصر؟؟!!!
» ازاى كل بنت تعرف ان اخوها بيحب
» يجب أن تقول كل ما تعرف ولكن يجب أن تعرف كل ما تقول
» ازاى تعمل فرحك ههههههههههه
» انساك ازاى