.....هجرتك.....

هجرتك يمكن انسى هواك وودع قلبك الاسى

وقولت اقدر فى يوم اسلاك وفضى من الهوا كاسى

لقيت روحى فى عز جفاك بفكر فيك وانا ناسى

غصبت روحى على الهجران وانت هواك يجرى فى دمى

وفضلت افكر فى النسيان لما بقى النسيان همى

لو خطر حبك فى بالى ولا زار طيفك خيالى

حاولت اهرب من الافكار اللى تشعلل نار حبى

وفضلت وانا بالى محتار بين عقلى وقلبى

وكان هجرى عشان انساك وودع قلبك الاسى

وقولت اقدر فى يوم اسلاك وفضى من الهوا كاسى

لقيت روحى فى عز جفاك بفكر فيك وانا ناسى

صعبان عليا جفاك بعد اللى شفتو فى حبك

مش قادر انسى رضاك ايام ودادك وقربك

لكن اعمل ايه؟ وانا قلبى لسه صعبان عليه

صعبان عليه انه اتمنى جنة قربك

ونال مراده واتهنى بنعيم حبك

ورجعت تسقى من صدك كاس الهجران

وتفوت عليه ايام بعدك زهد وحرمان

وقولت اراضيه وانسى هواك وودع قلبك الاسى

وكان املى فى يوم اسلاك وفضى من الهوا كاسى

لقيت روحى فى عز جفاك بفكر فيك وانا ناسى

ياما حاولت انساك وانسى ليالى هواك

وانسى الجمال اللى شفتو فى الوجود وياك

حرمت روحى من كل نسمة كانت بتسرى بينك وبينى

حرمت روحى من كل نعمة كانت بتحلى وياك فى عينى

وقولت اعيش من ذكرى تخلى قلبى يحن اليك

مفضلش عندى ولا فكره غير انى انسى افكر فيك

وصبحت بين عقلى وقلبى تايه حيران

اقول لروحى من غلبى انسى النسيان

مدام بهجر عشان انساك وفضى من الهوا كاسى

لقيت روحى فى عز جفاك بفكر فيك وانا ناسى

قشطة يا ميشو يا حبيبى كبير من يوم يا خال هههههههههه

جميل يا ميشو
تسلم ايديك