حد ياخد همى ويديلى همه؟!!

بسم الله الرحمن الرحيم

بداية الموضوع باين من عنوانه
يمكن كتير منا لما يقع فى مشكلة طبعا فى ناس الحمد لله بيكونوا راضين بقضاء الله وابتلاءه
لكن ممكن ناس تمر بلحظات ضعف تخليه يقول ليه انا
او مش يقول كده بس لو لقى حد مهموم بمشكلة لنفسه
يقول هو زعلان على ايه!! طيب ياريت مشكلتى زيه
ياخد همى ويدينى همه..
وهو همه ده هم يستحق كل اللى عامله ده؟!
هنا بقىافتكرت حكايه كنت سمعتها زمان حكاها اجدادنا ححكيها لكم واحكموا على صحتها وقولوا رأيكم فيها

يحكى انه فى يوم من الايام جاء رجل مهموم بهم شديدوذهب الى جدته ويبدو عليه ملامح الحزن
فقالت له : جدته مابك؟
قال لها عندى هم شديد وحكى لها همه
فقالت له ان فلان مهموم ايضا ويعانى من مشكلة........
وحكت له المشكلة
قالها وهى دى مشكلة حد ينعى لها هم
طيب ياريت دى مشكلتى ولا عمرى كنت زعلت وشلت للدنيا هم
قالت له بسيطه..
فى سوق قريب يباع فيه الهموم كل انسان قاعد يعرض همه
روح اتفرج على هموم الناس وطالما شايف الهم ده بسيط هات هم زيه واعطى همك
لحد تانى يشيله

عجبته الفكرة وراح السوق ونظر على الهموم
يجد فلان يجلس فيقول هذا همه بسيط استطيع حمله ويذهب اليه ولكن عندما يدخل فى تفاصيله
ويعرف الظروف المحيطة به التى يمكن ان يتحملها مع الهم يجد هذا الهم صعب حمله
فيتركه ويذهب الى اخر
الى ان وجد فى النهاية ان الهم الذى يحمله ابسط من اللى ممكن كان شايفه اسهل من همه
فحمل همه كما هو وذهب

فى النهاية

كل واحد مشغول بهمه محدش حيعرف همه الا الذى عاشه بكل ظروفه
يعنى الحمد لله ربنا عارف كل واحد وقدرته ويقدر المقادير له
ارجو ان تكون الرساله وصلت

زائر

شكرا يا دودى

بجد موضوع رائع

يسلمووو إيديكى

بس عارفه طريقتك حلوة أوى فى الحواديت زى شهرزاد بالظبط

تقبلى مرورى

ههههههههههههههههه
شكرا ليك يا محمد
ميرسيى دا من ذوقك
نورت التوبيك ويارب تكون استفدت

» ربنا ياخد مدير المنتدى " آمين "