ملعوووون ابو السياسه

ملعون أبو السياسة

وبقول فاز الرئيس

شيلاه يا انتخباتْ

وخلاص هوَّ العريس

هاتوا يلا الصجاتْ

يا ناس عملتو أزمهْ

ما كنشي ليها لزمهْ

هوَّ هوَّ المِـعـَـلمْ

واحنا والله التلامذهْ

مين قال منْ غير ضميرْ

كلام عن التزويرْ

يعني ما شفتش نزاههْ ؟

وبإشراف الوزير !!!

يا شيخ بلاش عتاب

ياللي وجودك ارهاب

مالكاش مكان ما بينا

خليها للأغرابْ

ملعون أبو السياسهْ

مالها يا ناس التياسهْ

دي تودي نار جهنم

ودي تاخدك للوناسهْ

دول قالوا من زمان

في حكاية كان وكان

نار الجحيم يا سيدي

أرحم من السلطان

قال إيهْ ديموقراطيه

والشومه هيّه هيّه

إنتَ بتضحك عَ نفسكْ

ولا بتضحك عليّهْ

يا ناري آآآه يا ناري

يا سيدي غُلبْ حماري

في بلادي الليل يخوّفْ

إيمتى حيطلع نهاري

مصر يا أرض الكنانه

مالِ ولادك جيعانه

خيرك في تمّ غيرك

وصيفنا بقى شتانا

يا ربّ احنا حاولنا

والديب خدنا وأكلنا

مين غيرك يا ربّ يقدر

يغييّر لينا حالنا

يَ أمي لما تلاقيني

مجنون لا ما تلوميني

عندي النيل ف بلدنا

ومش قادر أسدّ ديني

عندي النيل ف بلدنا

ومش قادر أسدّ ديني

وبس خلاااااص

اه
طااااااااااااااايب
انتى مش هتعديها البر
وشكلكم قريب هتقولوا
زغرطى يا انشراح على هيرو اللى راح

هههههههههههههههههههههههههههههههههههههههههههههههه
والله انت صعبان عليا

ههههههههههههههههههههههههه
ده الواحد مش هيعرف يخلص منك بقى ولا ايه

اها مش هتعرف
بس زى بعضه هسكت بقا