اصحى يا بلد جلادك جلد وباع القضيه

ما تقوليلى يا غاليه أنتى بجد غاليه ولا رمز لى حاله
أصلى بسمع عنك فى تاريخك ومجدك مية ربعمية قواله
بيحكولى يا عروسه انك عروسة وهبة نهر النيل
طب يا عروسة لما انتى عروسة ليه النهر بخيل
ولا هو كمان مش مصدق وعايز مية تلتمية دليل
...
بيقولو إنك وقفتى حاربتى الصهاينه الملاعين برجاله
ضحوا بنفسهم بدمهم عشان انتى تبقى سنين متشاله
كانو هما حماكى نبض ولدك الاصيل لما ضربوكى
كانو هما غطاكى سترتك فى عز الليل لما عروكى
عرفتيهم.. اللى ماتو ومحدش حس بيهم عشان حبوكى
اللى مستحمولهاش وراحو بلاش بس ماجوش طالبوكى
مش اللى سرقوكى ونهبوكى... وضحكو عليكى ومسكوكى


بيقولو عليكى الام الحنينه بيجولك من كل البلاد جميع اجناس البشر
طب ليه بقيتى بس هينه وعشتك يتفاتلها بلاد وعلى ولادك قلبك حجر
يعنى إيه الغريب عنك يعيش جواكى يضربله تعظيم سلام
بلاده عملاله قيمه وتلاقيه شحات مش لاقى اللقمه بس بمقام
ولو مات فى حادثه ولا فى اشاره معاكسه تدفع ديته بالدولار


ويعنى إيه لما يكون إبنك. ضناكى من صلبك وتحصيل حاصل
ويعنى إيه لما يتوجع منك ويشتكى ظلمك .يبقى ذنب لا يغتفر
ويعنى إيه لما يكون حضنك هو سجنك ولو اتكلم يبقى كفر

مه لو كان مرتاح فيكى كان مدح فيكى وغنالك يابلادى ياكل الاوطان
بس منين تيجى الراحه والعيشه المرتاحه مستنيه ايه من واحد جعان
والجعان غلبان والغلابه فيكى مش شويه
يعيشو مهما يعيشو ويموتو ملهمش ديه
لو جيتى مره وبصيتى بنفس عافيه
هتلاقى نفسك من سنين وانتى مفتريه

إصحى يا بلد جلادك جلد وباع القضيه
مخلاش فيها غير الوسطه والمحسوبيه
متقوليش مغصوبه ولا كنتى متغميه
بكره تفوقى من غيبوبتك طالبه الحريه

غلبانه كرها نفسك من دور الضحيه
راجعه تشمى نفسك من العيشه الرضيه
تلاقى ولادك واقفينلك بس مش باقينلك
رامين خلاص طوبتـــــــــــــــــــك
وبيقولولك انسى انك كنتى يوم مصريه


تحياااااااااااااااا مصر

هههههههههههههههههههههههههههههههههههههههههههههههههه يا بت سيحتيلى كده ماشى يا ايمى
وبعدين احنا نيجى ايه جنب جميله دى ياااااريت والله ابقى نصها حتى
ع العموم نورتى المعتقل
قصدى التوبيك

اخرتك المعتقل يا بت يا الاء هههههههههههههههههههه وانا عليا العيش والحلاوه متقلقيش

لا ياسمارت عيب عليكي العيش والحلاوه دول عليا
عيب احنا بنقف وقفة رجاله بردو ههههههه
+++
لايالولو بس والله جميل جدا وعندك حق في كل كلمه
ادينا بندعيلها يالولو مصر الغاليه
وبنقولها ربنا يبعد عنك اللي واكلينك دووول وسايبين ولادك مش لاقيين
حسبنا الله ونعم الوكيل في دي حكومه
والسلام عليكم اشوفك في المعتقل بقي هههههه