استــــــــــــــهبـــــــــال

بسم الله الرحمن الرحيم

يارب يا هادي ... جيب الزباين الناحية دي

عزيزي الشخص المبتلى ...
بقراءة هذه المشكلة

لا تمنّي نفسك بشيءكويس ...
لأني بأمانة داخلة أهيس

فالفرق بين موضوعي وبين الموضوعات المميزة تقريبا
نفس الفرق

بين ريحة علبة بلو جويل وريحة فار ميت من شهرين

وطبعا موضوعي مش البلو جويل!

باختصار؛

احنا عايشين حياتنا بنستهبل . كل يوم الصبح
تقوم من النوم تستهبل

تقابل اخوك اللي بيستهبل عليك وتنـزل لزمايلك
في الكلية تستهبلوا على بعض

وتخرج بالليل لأصحابك تستهبلوا سوا . عادي يعني
. ماحنا عايشين في بلد الاستهبال .

شعب بيستهبل . معارضة بتستهبل. حكومة بتستهبل

ولا أقولكوا بلاش الأخيرة دي . اعتبروها مخرجتش!

المهم أنا قلت التفاهات اللي بتتناثر ذات اليمين
وذات اليسار دي نشغل الكيبورد

العطلانة دي فيها واهو بدل ما كل واحد فينا
بيستهبل لوحده .

اهو نبقى بنستهبل سوا. واللي بيستهبل لوحده
يزعل!

ومن هذا المنطلق الاستهبالي البحت هنتكلم في كذا
موضوع

وأرجوكم يا جماعة لو سمحتم لأني إنسان جد بطبعي

ومبحبش جد في الهزار .

يعني اقرا واقلب على طول ولا كأنك شفت حاجة

الزمالك

من كام سنة كده كان الواحد بيمشي في الشارع وهو

رافع رقبته كده ويستطخن اول واحد يقابله

ويقوله على فكرة يا كابتن انا زملكاوي!

كان الكلمة كده ليها فخر كبير والواحد مبسوط

ومتفشخر وهو بيقولها .

دلوقتي سبحان مغير الاحوال وعلى رأي المثل الدنيا
دي غدّارة زي الخيارة ؛يوم تلاقيها في ايدك ؛
ويوم تلاقيها فـ... في السلطة
.

أهو الزمالك بقا كده. سلطة
!

كل حاجة اتعملت فيه طماطم وجاله طماطم ؛
خيار وجاله خيار؛ بصل لما خلّى الزملكاوية

كلهم يدمعوا؛ ملح لما مرّر عيشيتنا ؛

وحتى الكوسة ماتحرمش منها ياجدعان ومفيش فايدة برضه!

غيروا اللعيبة ميت مرة والمدرب ميت مرة والجهاز

الفني ميت مرة ومجلس الادارة بيتغير كل اسبوعين

لما محدش عاد عارف مين اللي ماسك النادي

وكل ده ومفيش فايدة برضه
!

اهو على رأي المثل كده الزمالك ده مكتوبله

في كل خرابة عفريت .

و يظهر ولله العلم يعني ان في اخر بطولة افريقيا

لعبها الزمالك اتعملوا عمل في افريقيا من

سحرة الفودو اللي هناك والسحر ده مستخبي

في مكان اسود ( وما أكتر السواد في افريقيا!)

أعتقد هو ده التفسير الوحيد اللي بقى

اعضاء نادي الزمالك ومجلس الادارة مقتنعين بيه .

هو أكيد السحر .

أو دعوة واحد أهلاوي بعد صلاة الفجر لبست

في مرتضى وجت على دماغنا احنا !

قال يعني كنا ناقصين مشاكل احنا عشان

كل يوم يبقى حد من مجلس الادارة في المحكمة
بقضية!

الناس هتقضي وقتها في النادي بقى

ولا في المحكمة؟! وبصراحة على الرغم من ان
الواحد مخنوق من الموضوع ده .

بس مش ده سبب انهيار النادي

السبب هو الحاجة الوحيدة اللي مش بتتغير كل
مرة يغيرو فيها النادي .
والحاجة دي هي التسيب .

الصفة دي بقت ملازمة كل واحد في النادي من
رئيس مجلس الادارة لغاية اصغر عامل في النادي .
ده حتى المشجعـ .. يا جدعان ده انا من كتر ما بتفرج ع الزمالك جتلي حالة مزمنة من التسيب!

ويظهر ان الموضوع معدي .

اي حد بيقرا بقى يخلي باله .كان نفسي اكتب
الحل للمشكلة دي بس كفاية كده عشان فيه
ناس بدأت تتسيب على نفسها من دلوقت!
( وكمان عشان مش عارفه طبعا

بس ربنا مع حسام بقى

وكويس انهم طلعوا نضيف مع الاهلى اخر ماتش

مالنا احنا ومال الزمالك اهو انت برده كده التوبيك ده استهبال بالنسبه لناس كتير
خلاص يعنى المشاكل خلصت والاستهبال كله خلص من البلد عشان تقول الزمالك ولا حتى الاهلى خليك ف الاستهبال بتاع طابور العيش بتاع اللحمه بتاع المدارس بتاع الارهاب مش تقولى زمالك وكوره

هههههههههههههههههه
مش كل واحد يستهبل براحته
دة توبيك مصرح فيه بالحريه
يا غلباويه

بقاااااااااااااااااا كده احنا بس نخلص الامتحانات دى والله لاقلبك المنتدى كله مااااااااشى

ههههههههههههههههههههههه
طااااااااااااااااااااااااايب
لما نشوف

ههههههههههههههههههههههه
انا بقي شايفه انكوا تبطلوا استهبال وترحوا تزاكوا
لان في الاخر كله هيطلع عليكوا
والدكاترة بردو هتستهبل وهي بتحط الاسئله
هههههههههههههههههه