قصه انتحار عضوة في منتدي futurestars

دى حكاية عضوة منحوسة جدا
واحدة كانت بتبحث عن برنامج
فظهرلها فى البحث منتدى future stars
لكن طلب منها التسجيل فيه
سجلت فيه
وهى بتحمل البرنامج
لقت المنتدى شكله غير كل المنتديات التانية
ولقت الاعضاء نشاط وبيعملوا مواضيع حلوة ومشاركات كتير
قررت انها تعمل هى كمان مواضيع ومشاركات فيه
اول حاجة دخلت قسم التعارف والترحيب وعملت موضوع للترحيب عشان حد يعبرها بكلمة
ما حدش عبرها
قالت يمكن مش شايفين الموضوع او مفيش اقبال من الاعضاء عالقسم ده
قررت تبدأ بقسم البرامج
دخلت على قسم البرا مج عملت فيه كام موضوع
وتستنه حد يعبرها ويشكرها
ما لقت حد يرد على مواضيعها
قالت خلاص هأرد على كام واحد كده من الاعضاء فى القسم ده
يمكن يعرفونى ويدخلولى مواضيعى
اصحاب المواضيع ردوا على كل اللى دخلولهم مواضيعهم ما عدا هى
جالها احباط
سابت القسم ودخلت على قسم الالعاب
وجابت العاب نادرة جدا
ونفس النتيجة
ما حدش معبرها
دخلت قسم الموبايل
ولا حد سأل عنها
سابت البرامج وقالت انا هاقتحم قسم الصور
ودخلته وجابت صور روعة
ولا حد عبرها بالمرة
عملت مشاركات فيه
ولا حد رد عليها كأنها ما دخلت الموضوع اصلا
تركته ودخلت قسم اخبار وسياسة
ولا كأنها اتكلمت فيه
لا موضوع ولا مشاركة
تركت القسم وما يقربه
وقالت يمكن اغلب الاعضاء شباب
وقررت تدخل القسم الرياضى (الكورة)
ولو انها عمرها ما تعرف عنها حاجة
بس كانت بتجمع من هنا كلمة ومن هنا كلمة
وتعمل مواضيع
وللاسف محدش عبرها
دخلت قسم ادم وحواء وقالت يمكن انا ما بشوفش كويس واغلب الاعضاء بنات
وجابت وصفات واكلات ونصائح
وكأنها بتدن فى مالطة
ولا حد معبرها خالص
حتى لما تدخل لحد موضوع ما يردش عليها
وهى فى المنتدى راحت تشوف قسم التعارف يمكن حد القى نظرة حتى عالموضوع
ولا لقت حد خالص
احتارت تعمل ايه
فوجدت لسه فى المنتدى اقسام تانية
قالت اما اجرب تانى يمكن حد يعبرنى
دخلت قسم الطرائف
قالت بس
انا كده عرفت ليه بقيت الاقسام ما حدش معبرنى فيها
القسم ده دسم شوية وشامل حاجات كتير
النكت والطرائف
اكيد اكيد هلاقى نفسى هنا
ودخلت فعلا
تجيب نكت وما حدش معبرها
تكتب مواقف مضحكة
ولا حد بيقراه
تكتب موضوع للمناقشة
الموضوع كانه مش موجود
سابته وهى الاحباط جواها عمال يزيد
لقت قسم للالعاب وفيه العاب حلوة
قالت بس
انا هألعب والاعضاء هيكلمونى
وبعد كده هيعرفونى ويدخلولى مواضيعى
لسه بتقول يا هادى وهتدخل
لقت القسم مكتوب عليه تم غلق القسم للصيانة
ضغطها ارتفع وما بقتش عارفة تعمل ايه
دخلت على قسم ما وراء الطبيعة
لقت القسم فيه مواضيع روعة بس لاحظت ان الاعضاء مش بيشاركوا فيه كتير
اخدتها من قاصرها وتركته قالت هو انا ناقصة
لقت قسم الجامعات
قالت هو ده القسم المناسب صحيح
دخلت كدبت كدبة وقالت جوه احد الجامعات انا طالبة بالكلية جامعة كذا ونفسى استفسر عن حاجة ممكن
ولا حد سال عنها
قالت طالما محدش شايفنى كده فى المنتدى
انا بئه هانتقم منهم كلهم
وهاخد موضوع لحد عامله
واكرره باسمى
ومتأكده ان محدش هيشوفه
وبعد ما عملت الموضوع بدقيقة واحدة
تم حذفه لانه مكرر
قررت تنتحر
طلعت على سطح المنتدى
ورمت نفسها
نزلت ستين حتة
شافها مشرف الصور لقطلها صورة وحطها فى قسمه
وكل الاعضاء دخلوا ردوا عليه
شافها مشرف قسم البرامج
قال يا خسارة كانت نشيطة فى قسمى مش عارف ايه سبب انتحارها
شافها كل مشرفى الاقسام وقعدوا مستغربين هى ليه انتحرت
شافتها واحدة من اعضاء المنتدى
كتبت عنها موضوع وعملته فى قسم الطرائف
والاعضاء دخلوا يقروا
وما شاء الله قاعدين يضحكوا على الموضوع
ههههههههههههههههههههههه

ملحوظة
مفيش عضو جديد ولا عضوة جديدة بتسجل هنا غير وبيرحب بيها أغلب الاعضاء
وكل الناس بتدخلها مواضيعها
وكل الناس ترحب بيها فى اى موضوع تدخله

هااااااااااااااااايل والله انا صدقت
بجد روعه يا ميرو ...ميدو

ههههههههههههههههههههههههههههه

انا اللى هنتحر اووووووووووووك يلا ياميرو خديلى لقطة وانا متألقة ههههههههههههههههههههه

تسلم ايدك ياعسل المنتدى دة اصلا عمره مايحصل فيه اللى انتى بتقولى عليه ده عشان هما مابيصدقوا اساسا اى عضو جديد بييجى بيجروا عليه ويرحبوا بيه هههههههههههههههههه زى مايكونوا مش شافوا اعضاء قبل كدة ياعينى يلا بقى على ما يكونوا نفسهم ههههههههههههههههه

تسلمى مرة تانية ياعسل

ههههههههههههههههههههههههه
اوكي يا ايمي اخد لقطه
بس حسبي تقعي
نورتي التوبيك والله انتي و ميدو

شكرا للمرور الكريم

يا مقالبك يا ميرو!!!!
أنا بحسبك هتقولى دخلت منتدى غلط او منتدى فاضى
بس جميييييييييييييييييييييييل يا ميرو
تسلم الأيادى

ههههههههههههههههه
تعيشي وتاخدي غيرها يا فراشتي
هههههههههه نورتي التوبيك

ههههههههههههههههههههههههههههههه
أنا قلت العضوة دة هتبقى ايمى
بس جامده يا ميروووو
فعلا برنسيسه
وتسلم ايدك يا جميل

ههههههههههههههههههههههههههههههه طيب اشمعنى بقا يعنى ومشرفه الفرقه التانيه مش عملت حاجه مليش دعوه لازم تعمل حاكه

تسلمى يا ميرو

ههههههههههههههههههههههههه
انتى بتجرى ف مشاكل الناس وخلاص
بتقولى شكل للبيع
شكل العضوة دة انتى يا لولو

ههههههههههههههههههه هو انا عملت حاكه ماانا ف حالى ع طول

ههههههههههههههههههههه
ماااااااااااااااشى يا لولو
م أنا عارف
ن هنخلص من كلامك
كل حاجه ليها رد

ههههههههههههههههههههههههه
انتو جايينتتشكلوا في التوبيك بتاعي
يلا من غير مطرود اتشكلوا برا
هههههههههههههههه
سلام
نورتو التوبيك

بجد تحفة ياميرو
بس انا والله اتخضيت

نورتي التوبيك والله يا بارديس

تعيشي وتاخدي غيرها

الله الله
ميرو بتطردنا من التوبيك
طب نتشاكل فين يعنى
شكل ميرو هى العضوة اللى هتنتحر

هههههههههههههههههههههه
كده بردو
ماشي هعديها

مين دى يا بت اللى بره وقدرتى تقوليها كمان وبعدين اتشاكل ليه ده انا حتى مش بحب المشاكل خالص والله

ههههههههههههههههه
اوكي يالي مش بتحبي المشاكل يا بريئه
ههههههههههههههههههه
حقك علي راسي
وادي راسك ابوسها

جاتلكم لولو اللى مبترحمش حد
ههههههههههههههههههههههههههه

ههههههههههههههههههههههههه يا عم روح انت دور ع المحاضره وسيبهالى بقا ايه يعنى محدش مالى عينك ولا ايه اوعى تكونى فاكرانى هسكت عشان امتحانت وكده لالالاء ابداااااا اللى يخاف يطلع بره هههههههههههه يالا زى بعضه يا ميرو عشان الاعضاء مش يفرحوا فينا ع راسى يا حبى

مرسي يا لؤلؤه
ربنا يخليكي ليا

» يا زائر منتدي future stars هل تعرف من نحن ؟؟؟؟؟؟؟
» منتدي النار او قسم النار