المعاكسات.!!!!!!! موضوع هام للنقاش

السلام عليكم
انهارده جيبلكم موضوع نار بجد
وعاوزة كل واحده او واحد يقولو
رايهم بصراحه
اووووكى

طبعا مافيش بنت فيكي يا مصر إلا وتعاني من
المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة
ومعاكسة سخيفة المعاكسة معاكسة
وهي بكل أنواعها وصورها اعتداء على
استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس
الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر
اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني
ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب
يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش
ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون
بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان
بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على
ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه
فعلا عارف البنت ... لا تعليق

أو يقول رقم موبايله بصوت عال أو يحاول
يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد
وطبعا مرسلة من على النت علشان ما
نعرفش مين اللي باعت . . أو تصور البنات
وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان .

* رأي البنات
تقول شريهان محمود بكالوريوس رياض أطفال أكره المعاكسات موت وبكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
أما سامية فؤاد محاسبة فتقول : والله معظم مرتبي بصرفه في تاكسيات المخصوص
علشان أرحم نفسي من شباب النواصي وبعدين أنا مش عارفة البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .
وتقول شذا متولي : بصراحة أنا ما بحبش
المعاكسة لكني فاكرة ان شاب عاكسني
فضحكت وكان طبعا غصب عني لاقيته خارج
من زجاج عربيته وبيقولي . . أكيد ماما كانت
نحلة علشان تخلف العسل ده . . ومرة تانية كنت
لابسة طقم احمر ولاقيت مجموعة شباب
زفوني أهلي . . أهلي .
وتقول إيناس بدري معدة إذاعية
الفراغ يعمل أكتر من كده وبعدين المعاكسات
دي نوع من أنواع قله التربية والتعدي على
حرية الآخرين والتطاول عليهم فعلا عايزين قانون
يغلظ من عقوبة المعاكسات التي
انتشرت مفزع داخل شوارعنا .
أما كامليا رائد 25 سنة فتقول : كنت مرة مع ماما خارجين وبعدين لفت نظر ماما واحد قد
والدي في السن بيراقبنا في الرايحة والجاية وبدأ في معاكستي واستفزازي فما كان من
ماما إلا أنها خافت جدا وأخدت رقم العربية
إلى أقرب قسم شرطة وحررت له محضر
* رأي الشباب
طبعا الشباب لازم يبرر المعاكسة ويرمي بالغلط
على البنات وملبسهم يعني معنى كده إن
المحجبات معصومات من المعاكسة نشوف .
أحمد سالم - مرشد سياحي - يقول ك
طبعا ملبس البنت يستفزنا ( واخدين بالكم المعاكسة اضطرار ) قلت الملبس ده حرية
شخصية قال : لا البنات اللي بتلبس ملبس خارج
عايزة تتعاكس فخلاص خليها تتعاكس .
فهمي فؤاد .. دكتور صيدلي - يقول : أنا شخصيا ضد المعاكسات . . يعني ايه أعاكس بنت
بسبب مظهرها . .أعتقد إن إشارة تعد على حرية الآخرين أنا بقول ان الشاب اللي اخد
على المعاكسة بيعاكس حتى المحجبات أنا عندي
صديق غاوي يعاكس المنقبات . .ده
سلوك فردي لا يحركه تصرف الغير . .
دي مبررات خايبة للشباب المستهتر .
محمود رحيم .. معهد تكنولوجيا يقول : احناما
بنفرقش في المعاكسه بين محجبة وغير
محجبة المعاكسة روشنةبنعملها أثناء تجمعاتنا الشبابية . .يعني بنساعد بيها بعض . . لكن
لما اكون بمفردي مش ممكن أعاكس !!

المعاكسات ديه ظاهرة وحشه اوووووووووووووووى
انحراف عن ديننا الحنيف
وقال تعالى
(من يتق الله يجعله له مخرجا)
يارب كل الشباب تهدى وتبطل معاكسات وكل البنات تهدى وتبطل لبس ضيق وما شبه ويارب يكون موضوعى عجبكم ومستنى الرووووووووووووود

ملحوظة : هذه الشخصيات انما هى من وحى خيالى وبنات افكارى وليس لها اى صله بالواقع

مما قرات واعجبنى

ياريت تشركونى برايكم
الجميل مين مننا
مش بتتعاكس
عجبكم

هستناكواااااااااتنورنى
ويارب الموضوع

زائر

طبعا أنا عمرى ما كنت بأحب أقول رأيى فى الأول أبدا فى قضايا النقاش لكن من عدتى أن أنتظر وأسمع الأراء ثم أقول رأيى

ولكن فى مثل هذة القضيه وجدت نفسى أتمنى أن أكون أول الشباب اللذين ينقدون المعاكسات بكل أشكالها ومن كلا الطرفين وأنا أصنف المعاكسات تحت عيب من عيوب الشخصيه وهو الضعف لدرجة التفاهة عندى الشاب أو البنت وذلك لان تمسك الإنسان بالمبادئ والأخلاق والأدب من قوة شخصيته والتخلى عن الأخلاق والأدب من واقع ضعف الشخصيه

وأنا أرفض المعاكسات ليس فقط مجرد الرفض على نفسى وإنما أرفض بكل شده أن أراها وأظن أن من واجبى التخلص منها لانها منكر وذلك حتى لو لزم الأمر بيدى فإن لم أستطع فبلسانى وإن لم أستطع فبقابى كما تعلمنا فى مدرسه الحبيب محمد صلى الله عليه وسلم

شكرا ونتمنى المشاركه من باقى الأعضاء

شكرا جزيلا اخي الفاضل لطرحك هذه القضيه
فعلا المعاكسات دي حاجةمستفزة جداااااااااااااااااااااا وبتدل علي تفاهه الشخص اللي بيعملها وبتدل علي تدني اخلاق هذا الشخص وبعدنا عن مبادئ دينا وتعاليمه
والشخص اللي بيعملها معتقد ان دي رجوله
الصراحة انا مش لاقيه كلام اقوله اظهر بيه مدي ااستيا ئي لهذة الظاهزة السخيفة

طبعا شكرا لكل ال ردو
وميرسيى ليك يا محمد فاروق على رايك الجميل والمقنع
وشكرا ليكى يا بشمهندسة ميرو
وع فكرة انا بنت

شكرا ليكى يا عود ريحان وربنا يهدى الشباب والبنات

زائر

أنا أسف يا دودى واضح طبعا إن إنتى من أحسن البنات بس معلشى أنا إندمجت فى الموضوع لانه شدنى

وعلى فكره أنا محمد عبد الرؤف

ميرسيى ليك يا الامير
ومفيش داعى للاسف يا محمد بس سؤال بقى انت عرفت منين ان دلعى دودى من الواضح انك عرفت انا اسمى اية
وعموما تشرفنا يا محمد يا عبد الرؤوف

زائر

الشرف ليا أنا يا دودى

وهو الدلع بتاعى أيه دودى بردو

ايه يا دودو بالراحه علينا شويه
مالك داخله في الجد اوي كده من اول يوم
علي العموم خلينا في الموضوع
طبعا انتي عارفه رايي مسبقا في الموضوع ده وكمان عارفه انا بعمل ايه لما حد يستفزني باسلوبه الزباله "سوري"
انا بجد مش عارفه الولاد دول اللي بيعاكسو مش بيحسو ولا ايه؟؟
ليه مش بيتخيلو ان البنت اللي ماشيه قدامهم دي اختهم او حتي مامتهم
لا واللي بيغيظني لما تيجي تسال الولد ده وتقوله ترضي كه علي اختك
تلاقي الرجوله اخدته اوي ويقولك مين ده اللي يقدر يقول لاختي كده ده انا كنت قتلته
طيب يابني ادم انت مترضاش لاختك كده مالبنت اللي انت بتعاكسها دي اكيد ليها اخ ولد وميرضاش برده ان اخته يتقالها كده
ولا احنا المصريين كده نرضي الحاجه علي غيرنا لكن اول ما تحصلنا بتاخدنا الشهامه ونقعد نزعق ونشخط وخلاص
يلا هنقول ايه بقي ربنا يهدي الجميع يارب ان شاء الله

علي العموم منورانا يا دودو بس اهدي علينا شويه بلاش جنانك يشتغل
المنتدي لسه بيسمي ومش عاوزين نولعها حريقه
بس برده والله منورانا ياحبي

يا حبيبة قلبى انا بهزر مش اقصد قفش انا بتكلم عادى
ولا لازم كنت اعمل الضحكة عشان يبين انى بضحك ماشى اما اشوف وشك بس اهى هانت
المهم رايك طبعا عارفها يا قمر وميرسيى ع ردك
ودا طبيعة الشعب المصرى بيرضى ع غيرة ومش بيرضى ع نفسة
والله لو اتغير الاسلوب دا مصر هتلاقيها حاجة تانية خالص وهتتغير من كلة بس المشكلة فى انانية فى الشعب المصرى
عموما ربنا يهدى ويوفقك يا حبيبتى

مانا عارفه انك بتهزري يارخمه
ده انا برخم عليكي شويه بس
ربنا يهدي الحميع يارب
قولو آمين

امين ياااااااااااااااااااااااااااااااااااااااااااااااااارب
ماشى يا رزلة

اولا ميرسي ليكي يا قمر ع التوبيك الرائع ده .بجد مواضيعك كلها متميزه
يارب دايما للاحسن في كل حاجه
انا امبارح شوفت موقف والله خلاني كنت هتهبل ..بنت كانت راكبه تاكسي ومخرجه دماغها من التاكسي وبتصفر للولاد في الشارع واللي نرفزني بقي في الموضوع كله ان البنت دي سنها بالكتير اوي 11 سنه او حاجه يعني اخرها اولي اعدادي
مش عارفه العيب في ايه بجد كنت مذهوله بس المعاكسه دي بالنسبه للولاد هي بتكون فراغ مع شويه عدم احترام لذاته وللبنات في الشارع ع شويه لمه اصحاب عملت المعاكسه دي واكبر دليل ع كده انه فعلا لو واحد ماشي لوحده بيكون محترم جد ا
اما بالنسبه للبنات فانا لسه مش عارفالها تصنيف لاني بجد مش عارفه ممكن يكن ايه السبب ل العمر والولاد هم اللي بيعاكسوا البنات انما العكس ده بجد نوكومنت مش عارفه ممكن يكون ايه
ميرسي ليكي يا قمرايه ع لموضوع ده لانه بجد موضوع مهم
سوري لو كنت طولت عليكي

ميرسي يا ايووش على مرورك الجميل وعلى رايك الاجمل وزوقك
وبالنسبة للبنت ال بتعاكس الولد انا شايفة من وجهة نظرى انة قلة احترام وقلة ادب وقلة وعى وتثقيف دينى ومفيش وعى وتربية من الاسرة انا اكتشفت وزهلت بجد ان فى ناس لابسة اللبس ال بيتقال علية الكاجول دا والمحجبة ال ماشية مع لبسها انه معتقدين ال عملينة حلال ومش عارفين انة غلط وحرام فاكيد العيب من الاول على التربية والبيئة
تسلمى يا قمر ع المرور