الصبيان فى كلية التمريض

اخوانى الطلبة والطالبات السلام عليكم ولرحمة الله وبركاته فيه موضوع هااااااااااااااام جدا وهو دخول البنين كلية التمريض لان الكلية كلها كانت بنات والان اصبحت مشتركة ليه بعض البنات مش متقبلين الوضع الحالى وهو وجود البنين بالعكس من وجهت نظرى المتواضعة ان البنين ليهم اهمية كبيرة فى الكلية فيه بجانب البنات انا عاوز طلب من الجميع وخصوصا البنات انهم يكتبو رايه م ووجهة نظرهم فى وجود البنين فى الكلية بصراحة

اوووكى يا اسبيدر انا مش بعارض ده فيه ناس داخله الكليه تدرس وف نفس الوقت تلعب وتضحك عادى بس فيه اسلوب بجد مقزز من بعض الشباب واسلوب احنا كبنات مش متعودين عليه لان والله والله وانا بقولها بصدق فيه بعض الشباب بتتجاوز حدها كتير ف الجامعه وكل واحد فاكر نفسه روميو الجامعه والهيرو بتاعها وبيحاول انه يعنى يتجاوز ببعض الكلمات وهقولك حاجه اللى حصل ع المنتدى لوحده من بعض الشباب كفايه اووى ودليل ع اسلوب بعض الشباب سواء هنا ف المنتدى ده او هناك
احنا طبعااااااااااااااا لازم غصب عننا يكون فيه شباب واحنا متقبيلين ده جدا جدا لان دى جامعه اسلوب الاختلاط لازم يبقى عنصر اساسى فيها بس بشروط وهى ان بعض الشباب تتحكم ولو شويه صغيرين ف اسلوبها لان دى جامعه مش شاااارع
اتنى ان وجهه نظرى اكو عبرت عنها ومحدش يزعل منها تقبلوا مرورى

علي فكرة احنا كمان والله عندنا نفس المشكله وان الصبيان بتوع الكليه مش متقبلينا في قسم مدني بجحه ان الرجال قوامون علي النساء وان دخول البنات القسم ده هيقلل فرصه عمل الولاد
وان اللي تدخل مدني تبقي مراة مترجله
وكاننا كل يوم بنرتكب ذنب الموضوع ده بيضايقني ويكرهني في القسم
مع ان شايفه انه موضوع بسيط جدااااااااا ومش محتاج العقد دي

يا اختى الفاضلة انا افهم وجه نظرك بس مش كل الصبيان كده فيه ناس محترمة ولاايه رايك وفيه غير كده بس بصراحة البنات لازم يعرفوا ان ده صبح امر واقع لازم نكون معاه واتمنى ان يكون جميع الشباب على قدر من الاحترام والمسئولية تجاه مايفعلون

كلامكو كله جميل بس انا عايز اقول حاجه ليكى يا ضى القمر انتى واسبايدر وميرو
كلامك كله احنا ممكن نتقبل احنا اه لازم نتقبل
يا جماعه الموضوع مش كدا الموضوع اصلا ان لازم يكون دا موجود اقصد الولد والبنت يعنى احنا ف حل من ان الولد يوافق او البنت تقبل دا امر واقع
ولكن مشروط رقم واحد فيه اكيد الاحترام
لكن انا نفسى اغمض وافتح عينى الاقى ثقافة البلد دى اتغيرت من حيث التفريق الى بين الولد والبنت ولكن فى حدود الدين قبل كل حاجه انا هنا لا ادعى للاختلاك ولكن ادعو لتغير الفكره
انا عارف انى انحرفت عن الموضوع شويه ولكن لان الكلام الى حد ما يضايق مابين ان حد يقولك ممكن نتقبل البنين وشخص يقولك البنين مش متقبلين الموضوع
يا اسبايدر مع انى كتبت كل الكلام دا وهو كل معناه واحد ولكن ان عندى ثقه كبيره جدا ان مفيش حاجه هتتغير لانى زى ما قولتلك دى عقلية وثقافه بلد صعب تغيرها
وانا اااااااااااااااااااااااااااااااااااااااااااااااااااسف للاطاله
تقبلو مرورى

انا راييى ان وجود البنين فى الكليه مفيد
وده بقى امر واقع لازم البنات تقبله وتحاول تتكيف معاه
وع فكره يا لولو ذى ما سبيدر قال فى صبيان محترمه وعارفه حدودها كويس
وتقبلوا مرورى

انا عمري ما ادايقت بجد ان في اولاد معانا
بس ادايقت لما عرفت ان في ناس داخله ب 70% ده ليه
ليه تدخلوا باقل مننا متقوليش عشان يدخلوا اولاد وكده ده مش سبب
اكيد مستوى تفكيرهم غير مستوى تفكير بنت جايبه 95%
واكيد برده الاولاد اللي جايبين مجاميع عاليه مديقين من الحكايه دي
وفعلا ال جايبين 70% هم ديما اللي عاملين مشاكل ف الكليه والمحاضرات ديما
وشتايم زباله وحركات بجد انا معرفش دول ايه بجد
عايزين تربيه من الاول
انما وجود الاولاد مش مشكله ومش هننكر انكوا بجد
ليكو دور كبير اذا كان ف الكليه الوقتي او ف الشغل بعد كده

وانا متاكد يا فورايفر ان فيه الاولاد عارفه حدودها كويس ومحترميييييييييييين جداااااااااااااا جدااااااااااااااااااااااا وبجد دول ببقوا ف نظرنا حاجه تانيه خالص

انا رايى ان الكليه بجد مهم يبقا فيها شباب
لان يعنى مثلا بحس ان الشباب بياخدو حق الدفعه شويه ههههههههههه
بحس ساعات اننا فيه حاجات احنا كدفعه بنات كنا بنعملها قهرا
ومش بنعرف نعترض لان البنات جبنا بطبعهم يعنى هههههههههههه
ودفعه تانيه واخده حقها فى حاجات كتير يعنى دا بحسه
بس اللى يزعل بقا ان فيه بعض الشباب موجودين بجد
من غير زعل مينفعش يبقو موجودين فى الكليه لانها مش نقصه فكره وحشه اكتر
والله كنت مره رايحه الكليه شفت شله ماشيه مع بعض الفاظ مينفعش تسمع مش تقال واتصدمت لما لقيتهم داخلين كليتنا
دا ميمنعش ان فيه ناس محترمه بردو
اقصد يعنى من خلاصه كلامى ان حكايه انهم واخدين شباب من مجموع اقل دى
خلت ناس تدخل الكليه مينفعش انها تدخلها
واكيد الحكايه دى هتصلح فى السنين الجيه ان شاء الله

اسفه على الاطاله

والله يا جماعه انا اول مره اعرف موضوع المجاميع دي
بس انا رايي ان وجود الولاد مهم جدا في الكليه وولاد كتير جدا في الكليه احسن من بعض البنات فيها
ووالله زي ما في ولاد مش محترمه برضه في بنات مش محترمه
يا جماعه كل حاجه فيها الحلو والوحش والمطلوب مننا اننا نطور الحلو ونحاول نقلل الوحش
غير كده ميتهياليش انه في كلام تاني
وبجد ميرسي ع طرحك المميز يا سبايدر

صح كلامك يا يويو
احنا مش هنحكم علي كل الاولاد عشان في شله فاسده او مش كويسه في الكليه
بالعكس في ناس محترمه جداااا جدااااا جداااا موجوده
ومش هينفع اننا نقول علي كل الاولاد وحشين
وكمان مش هنتكلم علي نقطة المجموع دي
لان الاخلاق عمرها ابدا ماكانت بمجموع الثانويه العامه
بس بجد انا بزعل جدااا لاني بشوف في الكليه اشكال مقززه جدا
ومش ينفع ابدا ان دول يبقو طلبة تمريض او يحملو لقب ملائكة الرحمه ابدا
داخلين الكليه واخدينا لعبه او تسليه
وده طبعا مش هينفع في كليتنا ابدا
لان الكليه محتاجه واحد واخد العمليه جد وكمان لازم يكون عنده هدف عشان يتحقق
انا عارفه ان كلامي ده مش هيغير حاجه بس اهو بنحاول
وربنا يهدي الجميع ان شاء الله

اسفه علي الاطاله
وشكرا علي طرحك لهذا الموضوع يا سبايدر

حقا يا اخوانى كم اسعدتنى رودودكم الهادئة التى تتسم بالهدوء والعقلانية و التفكير المنطقى قبل الحكم على الناس فعلا انه شىء جميل ان يكون هناك مثل هذا التفكير السليم وهناك شىء لقد قمت بطرح هذا الموضوع لانى سمعت بعض الطالبات يعترضن على وجود البنين وشكرا لكم جميعا

انا هقول راى الشخصى بكل صراحة
انا شايفة ان وجود الشباب معانا ده ريحنا كتتتتتتتتير كتير اظن البنات عارفين احنا كنا بنتعامل ازاى من الدكاترة فى اللابات اما كنا لوحدنا السنة اللى فاتت
بجد كانوا بيعملونا وحش اوى وملناش اى حق ان احنا نعترض على حاجة ولا نعرض وجهه نظرنا فى حاجة
وبعدين يا جماعة دى كلية فى جامعه يعنى بتلم كل الطبقات
فلازم يكون فى ناس كويسة وناس العكس وده طبيعى
بس سورى يعنى احنا عندنا بنات غبيه شوية او شويتين
تلاقيها هيغمى عليها اما تسمع واحد زميلها بيشتم او يقول كلمة خارجة
واما بدور ع الناس دى بعرف ان هم يعنى........
ففى شباب كويسين معانا كتير وفى بنات مش كويسين كتير ده طبيعى
نفسى بنات كليتنا دماغهم تتفتح شوية ويتقبلوا الجنس الاخر بصدر رحب وبلاش الهبل بتاعهم ده
وانا اسفة انى طولت وميرسى يا سبايدر لطرحك الموضوع المهم ده

ههههههههههههههههههههههههههههههههههههههههه عندك حق والله يا مرمر فيه بنات ف الكليه بتترعب بس لمجرد ان واحد معدى من جنبها ههههههههههههههههههههههههه انا مقولتش انهم يتكلموا معاهم ويزودا فيها بث ع الاقل بلاش الرعب ده انتى شكلك فاهمه يا نصه ايه اللى بيحصل