مصطلحات 25 يناير (الفيس بوك)

السلام عليكم ورحمه الله وبركاته
ــــــــــــ
لا يترك
الفيس بوك أى حدث إلا وأرخه وأرشفه بالشكل المناسب لروح العصر ..ولان
الثورة ثورة شبابية فى الأصل لم يكن غريباً أن تخرج منها مصطلحات خاصة جداً
تعبر عن خفة دم جيل يبحث فى قاموسه الخاص عن كل ما هو جديد.. تحب تعرف أشهر مصطلحات الثورة على الفيس بوك ؟؟
طيب خد عندك بقى
ــــــ

1) لو قابلت واحد صاحبك ماشفتهوش من زمان أرجوك خده بالحضن وقوله ..إنت واحشنى مظاهرات..

2) لو شفت بنت حلوة فى الشارع أوعى تعاكسها لان البنت دى زى أختك بس ممكن تعبر عن اعجابك بيها بعبارة بسيطة جداً..البنت دى جامده دبابة..

3) صاحبك أبو دم تقيل كتير القلش والفشر أنصحك ترد عليه بكلمتين وبس ..أنت فاكس كنتاكى ..على اعتبار أن شائعة تدعيم كنتاكى لبطون الثائرين كانت أكبر كدبة فى ثورة يناير..

4)
مصطلح الأجندة هو الأشهر فى أحداث الثورة وبغض النظر عن ان السنه بدأت من
شهر تقريباً وموسم توزيع الاجندات انتهى فمن الافضل ان تستخدم هذا المصطلح
فى توصيف أى شخص صاحب نوايا سيئه ..بإختصار قول له ..أنت عيل أجندة ..

5) صاحبك سريع الغضب سريع الاشتعال صاحب الاعصاب المحترقة دائماً أرجوك هدئ من روعه وقول له..ما تبقاش قنبلة مسيلة للدموع ..

6)
مع كراهيتى الشديدة لتعبير بحبك أخر حاجه الذى كان يعبر عن عجز لدى صاحبه
فى إيجاد التعبير المناسب لحالة الحب إلا أنك يمكنك أن تعبر عن حبك لاى شخص
بعبارة..بحبك أخر 25 حاجة ..

7) ولأن الشاب الجامد جداً لابد وأن تبدى أعجابك به وهنا لن تجد أفضل من عبارة..أنت جامد تحرير..

هههههههههههههههههههههه
جامده جداااا يا سوسو
انتي جامده تحرير..
هههههههههههه
تسلم ايدك

ياشيخه فينك
دانتي وحشاااني مظاهرات
ههههههه
تسلمي ياجميل

ههههههههههههههههههه
ماشي ماشي بقا كده
تسلموا ع المرور

ههههههههههههههههه جميلة يا قمر تسلم الايادى

أي خدمات
وتسلم ع المرور