حب الجامعات .........دعوه للنقاش

(احنا مش هينفع نكمل مع بعض)..

الجمله دي حنسمعها أو حتسمعها في آخر سنه في الجامعه,او بعدها بشويه مش هتفرق..المهم النتيجه واحده..
ان الاحلام اللي عاش فيها حبيبة الجامعه طارت في الهوا
ويا خســـــــارة..الدباديب..و..الأرانيب.. والقلوب ..
اللي جابوها لبعض في أعياد الميلاد..والفلانتين!
ده غير تصوير المحاضرات..والتزويغ منها..
عشان كل واحد يقابل حبيبه..
أو يرحلــوا كليته..لو مش معاه في الكليه نفسها..
المقنع في الموضوع..
ان كل طرف عنده أسبابه لانهاء العلاقه!

هو في الغالب هيقول:
أنا لسه معرفش حشتغل ايه.. ولا ايه موقفي من التجنيد..وعشان بحبك مش عايز أظلمك معايا..

ولما هي تنهي العلاقه بتقول:
أنا جالي عريس..وبابا بيضغط عليا..وماما بتقولي انتي كبرتي..وكل اللي في سنك اتجوزوا..

يا عيني ع التضحيه..
فعلا أسباب مقنعه,وتحس منها ان اللي بيقولها قلبه على حبيبه وخايف عليه..
وانه كان بيحبه بجد..
يعني ماكنش بيقضي وقت وخلاص..
وهي دي الحقيقه.. في اغلب قصص الحب التي تنشأ..وتنتهي داخل الجامعات!
ويرجع ذلك لأن أغلب هذه العلاقات لا تنشأ عن حب صادق بما فيه من معاني التضحيه
وفهم كل طرف لظروف الطرف الأخر والوضوح من البدايه..

كماانه بعد انتهاء الجامعه تتغير طريقه
التفكير لكل من الولد و البنت بعد الاصطدام بواقع الحياه..

الدكتور فكري عبد العزيز
أستاذ علم النفس يفسر..

قائلا:

ان ذلك يرجع الى الغرابه التي يلاقيها الطلاب عند دخولهم الجامعه نتيجه الاختلاط بين الأولاد والبنات وهو الأمر الذي حرموا منه في الثانويه العامه,مما يجعل كل طرف يهتم بالآخرويحاول جذب انتباهه بشتى الطرق..
وبعد التقرب تبدأ مرحله من الأحلام مبنيه على أساس غير سليم. مما يؤدي الى عدم اكتمال قصص الحب في أغلب الأحيان..

في النهــــــــــــــايه..
تحذيــــــــر بسيط!!
الى كل روميو و جولييت من طلاب الجامعات الباحثين عن الحب..

ياريت تقاوموا مشاعر الميل الى الطرف الآخر وتحكموا عقولكم قبل الاندفاع الى الحب..
الحب..
الذي يؤدي الى جرح قد لا تمحـــــوه الأيــام
لازم تفكر شويه بالعقل وبلاش نندفع ورا العواطف والمشاعر
انا بفضل ان يكون اول واحد فى حياه البنت هو زوجها يااااارب كل البنات تكون كده وبلاش الحب اللى من النوع ده

المشاعر حاجه غاليه اوووووى مفيش واحد يستحقه الا الزوح وبس عشان يكون هو اول واخر واحد فى حياتك

بعد طرح الموضوع احب اعرف ايه رايكم

ويااريت يبقى الراى مبنى ع العقل والعاطفه مع بعض مش ع واحد بس

الله يا لولو بجد موضوع مهم جدا بس ياريت الكل ياخد باله من الكلام ده
وانا معاكى انه نادر جدااااااا لما يحصل حب بجد وبعديه جواز بين شباب الجامعة وخاصة لما يكونوا فى نفس المرحلة
تسلم ايدك يا لولو

من راى انه غلط ......لا ن الشاب فى المرحله دى لسه مش بيكون اعتمد على نفسه ويقدر يا خد قرار لالارتباط بواحده حتى لو كان بيحبها زى مابيقول .....لانه لسه بياخد مصروفه من والده وحتى الى بيعتمد على نفسه ومكفى نفسه مبيقدرش يخطو الخطوه دى لانه لسه بيكون هيبدا يكون نفسه بعد الجامعه فهو اذاكان معتمد على نفسه او حتى على اهله فهو بيقضى وقت وخلاص ولو جيت تسال اى حد مثلا هتقبل البنت الى انت حبيتها دى تكون شريكت حياتك هيتردد ويقول .لا طبعا يا عم ان اهبل .......ادينا بنتسلى ..........وارجو انى مكونش طولت عليكوا ..........دى وجه نظر والاختلاف فى الراى لا يفسد للود قضيه وانا بحترم كل الناس

لا بجد مش يحس بالكلام ده الا اللى جرب بجد الحب الصادق شىء جميل بشرط انه يكون مبنى على حب وليس خداع وتسلية وكمان ان الحب الحقيقى بيبان من خلال ال تصرفات بين الا شخاص ولا ايه يا لولو

انا مقولتش ع فكره انه مش ببقا حب ممكن يكون حب واصدق فتره كمان موجوده
بس كمان مش كله بيعتبره حب فيه ناس بتبقى وخداه تسليه
وع فكره عمرك ما هتقدر تميز ان كان صادق ولا لاء ان كان كده مكنشى حد اتخان ف يوم من حبيبه
احنا ف الحب مش بنميز بين الصح والغلط ولا بناحول اننا نسىء لحبيبنا ابداااا
طرحى للموضوع كان بس اعرف ارائكم لو حصل لكم ف يوم هتقبلوا ولا لاء
ورايك ف ايه مش اكتر
نورتوااااااا

كلامك الى حد كبير معقول يا لولو ان لم يكن اكيد صح
بس انا عايز اعترض معاكى فى نقطة ان بيكون مبنى على التسليه لا الحب زى المؤسسات الى فى مصر فيه الحلو وفيه الوحش هههههههه
المشكله ان الى بيحب فى المرحله دى بيحب شكلا فقط وبيغمى عينه عن اى حاه غلط او مش هتنفعه فى الشخصيه الى قدامه لمجرد انه فرحان باللحظه الى عايشها بس انا بقول علشان مفيضشى فى الموضوع
انا مش بعتب على حد بس بقول ياريت يكون مستقبلك رقم واحد ليك
ولو فى منك اصرار على الحب الى انا مش معاه بنسبه مش قليله فتاكد من كل حاجه واقلع النظاره السودا
علشان متغلطشى غلطه تندم عليها
اااااااااااااااااااااااااااااااسف للاطاله
موضوع جميل يا لولو
تسلم ايدك لطرحك الموضوع

صحيح او ع الاقل يعرف ازاى هيربط بين المستقبل وبين الحب ده ويبقى ده هدفه مش مجرد وقت وهيروح

نوررررررررررت

بصوا يا جماعه من الأخر بجد
كتير اوي بيكون الحب ف الجامعه بجد وحقيقي
بس في الاخر بينفصلوا عن بعض لأتفه الأسباب
يا أما الأهل مش يوافقوا وده الغالب يا اما
عشان الحب ده اصلا بيكون في معصية ربنا
وكل الشيوخ قالوا كده
بجد لو الولد بيحب البنت دي مش هيرضى يقف معاها عشان محدش يقول
عليها كلمه مش كويسه ولو البنت بتحب الولد هتسيبه عشان ميكنش
بيكدب ع أهله عشانها عشان مش يقولها بحبك وهيه حرام لو مش كانوا
مرتبطيب ببعض ارتباط شرعي لأن احنا عارفي ان العين تزن والأذن تزني
فكلام الحب وبحبك ووحشتيني والكلام ده مينفعش
ممكن الاتنين يحبوا بعض بس مينفعش يروح يقولها
ولا هيه تقله ممكن يحسسها بده وهيه كمان
لحد ما ربنا يأذن ويروح ويتقدملها ده بجد اللي بيحب

مش مستاهله الحياه انك تحب وتنجرح وتحب تاني وتنجرح
بجد احنا بنظلم نفسنا كتير وبنجرحها اوي

نحب اه بس مش لدرجة العشق لان ده هيكون ضعف اللي
نحبه كده هوه ربنا والرسول وبس لان دول هم
اللي هينفعونا ف الاخر
معلش اني طولت عليكو
بس ياريت تفهموا قصدي
وميرسي ع التوبيك كتيييييييييييييييييييييير

يا سوسو يا جاااااااااااااامده
ايوه كده لو خايف عليها فعلا مش هيسمح ان حد يقول كلمه عليها
كلامك صح
نورتى

أي خدمات يا لولو
انا قلت اللي شايفه انه صح

بس اظن هو بيرجع للنصيب لانهم لو ليهم نصيب اكيد هيكونو لبعض ...... و كما ن اغلب الولاد دلوقتى مش فهمين ان الحب تضحية وانة لازم يدو مش ياخدو وبس وانة اللى يحب لازم يتعب على ميوصل للى بيحبها ويعمل عشانها اى حاجة ....وطبعا اللى محبش بجد عند اول مشكلة بيهرب منها وخلاااااص مش هينفع نكمل والبنت تكون خسرت كتيييير ولاااااااحد حاسس بيها وهو يعيش حياتة عاااااااااادى جدا وبكدة هو فاكر انة Smile

كدة مبيظلمهاش .....وفى طبعا اللى يعمل العكس فرق كبييييييير اكيييييد ..وف رايى دى حاجة بتاثر كتير وتخلى اذا كان حب الجححامعة يستمر ولا لاة.....

ثاااااااانكس ع رايك