ويتلم موكوس على متعوس هههههه

لقيت الفانوس مرة
ودعكته طلعلى عفريت… شبيك لبيك :: قلت أنا للذل باى وودعته وللعفريت هاهريك
هاهريك
قالى هأوأو يا إبن الإنسان دانا عفريت مارد بن جان :: ما يهمني مكان ولا
زمان واطلب وأنا عندى البرهان
*****************
أناعاوز قمح زُرع فى مصر
ومرتب يكفى لآخر الشهر :: وحكومة متعصرنيش عصر ومسؤولين يبطلوا فشر
وعاوز عيش من
غير طوابير وإنفاق حكومى بدون تبذير :: وانتخابات من غير تزوير ورئيس سابق أشوفه
كتير
*****************
عاوز فى بيتى شيكارة دقيق وتبرير مقنع لأى حريق ::
ومجلس شعب بدون تصفيق وفى كأس العالم لينا فريق
وأكلة كباب مشوى على السيخ مع
عيالى فى شرم الشيخ::وأشرب فى القسم عصير بطيخ وأخرج سليم بدون
تلطيخ
*****************
ونفسى الضحكة ترجع تانى ورصيف للمشى أنا وخلاّنى ::
وجنيه مصرى زى البرانى يشترى حتة لحمة ضانى
*****************
رد العفريت
عليا بغشم وقال يا مصرى ماكنش العشم :: بص.. أنا ممكن أشيل الهرم واسدلك الأوزون
اللى اتخرم
وأرجعلك الأكل اللى اتهضم وتمأمأ البقرة كأنها غنم :: أبنيلك قصر من
العدم وأقولك معنى شرم برم
بس طلباتك طلبات ملموس عقله خلاص أكله السوس :: ده
تخطيط يا بنى ومدروس إنك تعيش على طول موكوس
وأحنا بناخد منكوا دروس إزاى يبقى
الجن متعوس ::
ويا ريت ترجعنى تانى الفانوس وأنا راضى أعيش محبوس
بدل ما أخرج واتبهدل زيك ويتلم موكوس على
متعوس

هههههه
يخربيت عقلك يالولو
فطستيني من الضحك ههههه
+++++++++
بقولك ايه انا مشغوله بالامتحانات ومش هعرف اجبلك عيش وحلاوه
شوفي حد غيري بقي يقوم بالمهمه دي
هههههه
ع العموم انا عيناهملك جنبي ع طووول عشان لو اعتقلوكي ابقي جاهزه هههه

هههههههههههههههههههههههههههههههههههههههههههه لاء يا جماعه قولوا حتى العفريت مش سلم منهم البعده ههههههههههههههههههههههههههههههههههه
تسلموا ع مروركم يا بنات