ملكة المنتدى على كرسى الاعتراف " آيوووووووووووش " وهل يخفى القمر هههههههه

السلام عليكم ورحمة الله وبركاته
احبتي ها نحن نعود من جديد الى كرسي الاعتراف ..
وهذا الاسبوع سوف نستضيف :

شخصيه مرحة و محبوبه ورائعه ..

تُميزها ردودها المرحة اللذيذة الخاليه تماماً من المجاملة شخصية رائعة في حضورها ..

تحمل في قلبها روح البراءة والمرح ..

تعددت الاسماء والجوهر واحد

وهى ملكة المنتدى ايووووووووووووووشة

ملكة المنتدى على كرسى الاعتراف " آيوووووووووووش " وهل يخفى القمر هههههههه 674

ملكة المنتدى على كرسى الاعتراف " آيوووووووووووش " وهل يخفى القمر هههههههه 674

هى ضيفة حبوبة اوى وعسولة وانا شخصيا بحبها اوى
عشان دمها خفيف وفريش كدة زيى ههههههههههههههههه

اتفضلى يا

Queen

يلا يا يويو تعرفينا ببطاقتك الشخصية فى البداية

زائر

بعد البطاقه الشخصيه يا يويو

طلعى كارنيه الكليه

وكلمينا عن كليتك بتحبيها ولا لأ وعامله إيه فيها ودخلتى برجليكى ولا حد زأئك هههههههههه وصعبه ولا سهله

وعملتى بلاوى إيه فيها من ساعة ما دخلتى

تسلميلي يا ايمي ع الكلام الجامد دا
وربنا يستر بقي
مش عارفه ليه عيني الشمال بترف
ربنا معانا هههههههههههههه

الاسم يويو او ايه او ايوش اللي تختاروه هههههههههههههه

المهنه طالبه ف كليه التمريض وعضوه ف هذا المنتدي الموقر دا بعد اذنكوا طبعا

محل الاقامه ..المنتدي هنا

السن 19 سنه الا شهرين

ميرسي ليك يا عنكبوت المنتدي

بص يا محمد كله الا الكارنيه اصلي شكلي متشرد فيه خالص ههههههههههههههههه
قولي عايز تعرف منه ايه وانا اقولك

كليتي ...كليه تمريض المنصوره هو انا مش كنت بحبها بس حاليا بحبها جدا ونفسي احقق فيها حاجه ادعولي بس
عامله ايه فيها...ماشي الحال يعني بحاول اكون كويسه ربنا يسهل بقي
هههههههههههههههههههههههههههههه
بس انا مش دخلت برجلي اتزئيت عليها بس حبيتها بعد كدا
كان نفسي ادخل هندسه بس هم اللي خلوني ادخل علمي علوم بس مش مهم الحمد لله
قدر الله وماشاء فعل
هي كليه سهله جدا جايز العملي تقيل شويه بس لذيذ جدا بس هي ترجع للشخص نمفسه لو كان بيحبها اكيد هتبقي سهله

بلاوي؟؟؟؟؟ هههههههههههههههههههه ههههههههههه اها عملت بلاوي كتير ولسه بعمله
بس والله بعملها بسلامه نيه مش بيكون قصدي خالث وربنا
انا بتصرف بسلامه نيه وبعد كده اكتشف اني عملت مصيبه
عموما اسالوا لؤلؤتي وهي تعرفكوا بقي ههههههههههههههههههههههههههه

ميرسي ليك يا محمد ومستنيه باقي الاسئله

زائر

إسشتعنا ع الشقا بالله

بصى يا يويو

هسألك الأول شويه أسئله شخصيه

أولا أنتى ذكيه ولا غبيه

ثانيا لو حد عاكسك فى الشارع هتعملى إيه

ثالثا حبيتى قبل كده ولا لأ

رابعا لو أنا شتمتك لوقتى هتعملى فيا إيه

خامسا نومك خفيف ولا تقيل وأظن إنتى فاهمه قصدى
ههههههههههههه

سادسا بتتعاملى إزاى من الحزن

بصى بأه يا يويو أنا أول مرة أسئل حد على كرسى الإعتراف
وجوايا كلام كتييييييييييييييييييير أوى

إستحملينى بأه

هههههههههههههههههههههههههههه
أولا أنتى ذكيه ولا غبيه

ههههههههههههههه والله ماعرفش بس اظن اني ذكيه هههههههههههه ايه يا عم السؤال دا؟هههوانا اعرف من فين بقي
اسال باقي الاعضاء وهم يقولولكههههههههههههههههه
ثانيا لو حد عاكسك فى الشارع هتعملى إيه

مش هرد طبعا واحد مهزق ارد عليه ليه؟؟؟؟؟؟؟؟؟

ثالثا حبيتى قبل كده ولا لأ
...........................

رابعا لو أنا شتمتك لوقتى هتعملى فيا إيه

هههههههه اشتم وسيبها لله وانت تبقي اللي اختارت انا مليش دعوه هههههههههههه

خامسا نومك خفيف ولا تقيل وأظن إنتى فاهمه قصدى
ههههههههههههه
ههههههههههههههههههههههههههه تقيل جدا يا محمد وانا فاهمه قصدك بس هقول ايه منها لله لؤلؤه جرستني
هههههههههههههههههههههه

سادسا بتتعاملى إزاى من الحزن

بدخل اوضتي واقفل النور واقعد اسرح كدا واحتمال اعيط ع حسب بقي
بس يارب ما يجيب حزن

بصى بأه يا يويو أنا أول مرة أسئل حد على كرسى الإعتراف
وجوايا كلام كتييييييييييييييييييير أوى

إستحملينى بأه
ههههههههه لا مهو باين يا محمد من بدايتها اهو
عموما انا هستحمل اهو اما نشوف اخرتها انا قولت م الاول مش بحب الكراسي محدش صدقني
هههههههههههههههههه

بلاوى ايه قول قاذورااااااااااتها ههههههههههههههههههههه

وبعدين نسيت تكمل سؤالك يامحمد وهل بتطلعى اصوات وانتى نايمة ولا لا ؟ههههههههههههههههههههه

بصى يا يويا انا اسئلتى صغنطوطة وخارج المقرر

* ايه شعورك لو لقدر الله عنستى ومجوزتيش خالص بعد الشر يعنى هههههههههههههههههههههههه

متفتكريش حاجة دة لو حصل سورى يعنى يبقى الشباب اتعمت ومبتشوفش والله ههههههههههههههه بس جاوبى

* ايه شعورك لو ولد وقفك وقالك انتى وحشة ومش امورة هههههههههههههههههههههههههه

* ايه شعورك لو كل اللى بتحبيهم بعد الشر بعدوا عنك

بسال انا اسئلة أجريسيف " عدوانية " انا عارفة بس استحملى ههههههههههههههههه

* ممكن تكلمى زميل ليكى وتقفى معاه فى الكوليدج ايزى حتى ولو لفترة واى حد يشوفك ايزى

* هل تعتقدى ان حب البنت حتى لو فى المرحلة دى ممكن يكون لسة مراهقة بردو ولا دى مرحلة وعدت والمرحلة دى واقع وحقيقة وبتكون قادرة انها تعقل الامور كويس ومش تتغش فى حاجة ؟

* تفتكرى لو بقيت ولد لمدة يوم واحد ههههههههههههههههه بعد الشر على انوثتك طبعا ههههههههههههههههه هتعملى ايه ياخلبوصة عشان تنتقميلنا منهم الولاد الوحشين ههههههههههههههههه

كفاية بقى اصلى تعبت ارجعلك تانى ياعسل اوك ؟

سى يو بقى

بلاوى ايه قول قاذورااااااااااتها ههههههههههههههههههههه
لا ياستي مش للدرجادي هتودينا في داهيه هههههههههههههههههه
وبعدين نسيت تكمل سؤالك يامحمد وهل بتطلعى اصوات وانتى نايمة ولا لا ؟ههههههههههههههههههههه
هههههههههههههههههه لا خالص والله
طب ابقي اسالي ميرو ولؤلؤه وسوسو كلهم بيكونوا جمبي وانا نايمه في المحاضرات ولا حد بيحس بيا خالص ههههههههههههه
ايه شعورك لو لقدر الله عنستى ومجوزتيش خالص بعد الشر يعنى هههههههههههههههههههههههه

متفتكريش حاجة دة لو حصل سورى يعنى يبقى الشباب اتعمت ومبتشوفش والله ههههههههههههههه بس جاوبى

يا شيخه حرام عليكي ههههههههههههه يالهوي
شعور ايه بقي ههههههههه هو هيبقي فيها شعور
هههههههههههههههه
لا بس والله عادي اه الجواز حاجه مهمه بس لو محصلتش موش هموت يعني
بس ربنا يستر ههههههههه

ايه شعورك لو ولد وقفك وقالك انتى وحشة ومش امورة هههههههههههههههههههههههههه
ليه يعني وحياه امه بالشوز ههههههههه احنا هنهزر واحد مش شايفني حلوه يحتفظ برايه لنفسه الله؟اما حاجه غريبه والله
ال وحشه ال
ههههههههههه منا قمر اهو ولا ايه رايك انتي؟؟؟؟؟؟؟؟؟؟؟؟؟؟؟؟؟؟
ايه شعورك لو كل اللى بتحبيهم بعد الشر بعدوا عنك
لو فضلت عايشه اكيد هتبقي ايام سوده ههههههههههههه دا لو فضلت عايشه يعني لاني م النوع اللي ماحبش اخسر حد بموت لو خسرت حد ربنا ما يجيب فرقه ابدا
وبعدين بطلي الاسئله دي ارحميني ارجوكي ههههههههههه
بسال انا اسئلة بسال انا اسئلة أجريسيف " عدوانية " انا عارفة بس استحملى ههههههههههههههههه
ا
ههههههههههههههههههههههه اجريسيف بس ماشي يا بنوته انا بس اشوفك ف الكليه هههههههه
أجريسيف " عدوانية " هههههههههههه وبعدين مترجمالي الكلمه؟؟؟؟؟هههههههههههه دا ع اساس اني جاهله عموما مردودالك يا ايمي بس خليكي فاكراها ههههههههههههههه
* ممكن تكلمى زميل ليكى وتقفى معاه فى الكوليدج ايزى حتى ولو لفترة واى حد يشوفك ايزى

لا طبعا انا لو حد طلب مني دا بقف اكلمه واشوفه عايز ايه ؟ غير كدا لا بمنع الوقوف خالص لانه بياذي سمعتي
يعني تكون علاقه زماله مش اكتر هات وخد بس
هل تعتقدى ان حب البنت حتى لو فى المرحلة دى ممكن يكون لسة مراهقة بردو ولا دى مرحلة وعدت والمرحلة دى واقع وحقيقة وبتكون قادرة انها تعقل الامور كويس ومش تتغش فى حاجة ؟
لا ...لسه مرحله مراهقه طبعا واي مشاعر فيها خياليه ودي معلومات علميه كمان وواقعيه مش كلام وخلاص
تفتكرى لو بقيت ولد لمدة يوم واحد ههههههههههههههههه بعد الشر على انوثتك طبعا ههههههههههههههههه هتعملى ايه ياخلبوصة عشان تنتقميلنا منهم الولاد الوحشين ههههههههههههههههه
هوقعهم كلهم ف بعض ولو طلت ادبحهم هحرقهم ههههههههههههههههههه بس انا خايفه يصعبوا عليا ههههههههههه
عموما هبقي افكر ساعتها محدش عالم ممكن اخلصكوا منهم خالص مالص هههههههههههههههه
كفاية بقى اصلى تعبت ارجعلك تانى ياعسل اوك ؟

سى يو بقى

ماشي يا قمرايه واهو استريح انا كمان
سي يو بيبي

بس انا زعلانه منك يا بنوته
اشمعني بقي ميرو مكتوب ليها برنسيسه المنتدي؟؟؟؟؟؟؟؟؟؟؟؟؟
انا عايزه يتكتبلي ملكه المنتدي مش ليا دعوه بقي
اشمعنه هي بقي

ميرو اتحطلها اللقب بعد ماخلصت الكرسى خلصى انتى الكرسى بسلام وعلى ضمانتى هحطلك اللقب ياقمر بس كدة حطيلى انا بقى لقب يلا هههههههههههههههههههههههههههههههههههههههه

ههههههههههه منا قمر اهو ولا ايه رايك انتي؟؟؟؟؟؟؟؟؟؟؟؟؟؟؟؟؟؟

قمر وبدر منور كمان واللى يقول غير كدة يبقى معندوش دم ويضرب بالباشا يابغاشا ههههههههههههههههههه

بس مش قمر اوى بردو هههههههههههههههه لا والله بس بردو لولو تزعل هى قمر المنتدى هتنافسيها كمان

هههههههههههههههههههههه
ماشي يا باشا انا مستنيه ماي لقب
وانتي لقبك معروف بسكوته المنتدي علشان بجد انتي بسكوته ورقيقه جدا
ورومانسيه اووووووووووي
زيي كدا ههههههههههههههههههه

عدد المساهمات : 273 تاريخ التسجيل : 09/11/2010

مســــاء معـــطر بروح الصـــــفاء ..

تتــــــلألأ فــــيه نجـــــــوم السمـــــــاء ..

وتتهافت نســــــماتـــه بالإخاء ..

مساء الجمال على ملكة المنتدى الجميلة ايوش

بجد بجد الكرسى منور بيكى

ونبدأ بقا الاسئلة لوممكن

أول سؤال سهل جدا

- ازيك ياايوش ,عاملة ايه ياجميل؟

-مارايك بكرسي الاعتراف ؟؟

-وماهو شعورك وانتي على الكرسي ؟؟

- يا هل ترى تتابعين التلفزيون أكثر ولا النت ؟؟

-من هو مثلك الأعلى؟

-هل تجدين في دراستك من أجل نفسك أم من أجل الآخرين ؟؟

-ما هي أحلامك في فارس الأحلام ؟؟ والله يخليه ليكي طبعا !!

-هل ترين نفسك سعيدة في حياتك ؟؟

-صفه يصفك الناس بها دوووما ؟؟

- قرار اتخذتيه في حياتك وندمتِي عليه؟

-متى تبكي ايوش

ومتى تضحك

ومتى تتعصب

-رب اخاً لكِ لم تلده امك

-رب اخاً لكِ لم تلده امك

هل تعتقدي ان هذه الحكمه ممكن ان تكون في زمننا هذا ؟

-اذا اعطيتك علبة ألوان وورقة ماذا سترسمين لنا؟

وكفاية كدا النهاردة

وانتظرينى مرة تانية

ويارب تكون الاسئلة خفيفة عليكى

دمتى على خير

تسلميلى ياقمر ربنا يخليكى يارب ليا وللمنتدى ولاهلك ول.................... Wink

كفاية بقى احسن يفهموا غلط ههههههههههههههههههههههههههههه

عضاء اذكري اسمائهم وتكلمي عنهم في سطرين..((اجباري))؟؟

كيف كان شعورك لما عرفتي انك وقعتي في الكرسي ؟؟

-صفه تتمني انك تتحلي بيها وصفه تتركيها؟؟

-افضل قسم في المنتدى؟؟

-حكمتك في الحياه؟؟

توقيعك هل يوحي بحقيقة ..!؟

ضع لكل صفة عضو/ة من المنتدى..

الشخصيه المرحة..المتميز/ة....ترتاح اذا شفت/ه متصل او متواجد..عضو/ة جذبك بأسلوب..

عضو رهيـــب وخفيف دم ...........

2/عضو مش عاوزه ودك يغيب ابد .............

3/عضو تحس لو غآب ينام المنتدى..........

4/ عضو تحسه مميز في بموآضيعه ...............

5/ عضو يثير اهتمامك .................

6/ عضو تعرفه خارج المنتدى ................

7/عضو كآن نشيط وقل نشاطه ...................

8/ عضو ودكـ تقعد وتشرب شاي وتاكل معاه.............

9/عضو تعرفت عليه عن طريق المنتدى ..................

10/عضو ودك تضربه ...............
/عضو تحسه خآرج عن النص دآيم................ ...

/12 عضو تحسه حبوب.........................

من هو مثلك الاعلى؟

مـين تتمنى أول واحد يقولك كل سنه و إنتي طيب في عيد ميلادكـ؟؟

صف نفسك بثلاث كلمات فقط؟؟

عضو عايز تغير اسمه ... ( )

عضو عايز تعرف معنى اسمه ... ( )

عضو تحس انه شيبه لك ... ( )

عضو اول ما شوفته ارتحت له

تسلمي يا شموسه يا قمر انتي
والله التوبيك نور بمرورك يا باشا
ازيك ياايوش ,عاملة ايه ياجميل؟
تمام زي الفل يا قمرايه طول ما انتي بتسالي عليا
مارايك بكرسي الاعتراف ؟؟
موضوع تحفه من بنوته زي العسل بنوته بسكوته بسكوته المنتدي كله
-وماهو شعورك وانتي على الكرسي ؟؟
مرعوبه بصراحه هههههههههه بس ربنا يعينا بقي
بس كمان احساس جميل اوي علشان كل اعضاء المنتدي منوريني
يا هل ترى تتابعين التلفزيون أكثر ولا النت ؟؟
تلفزيون ايه بس هو عليه حاجه هههههههه كله بقي زي بعضه انما النت اكتر طبعا
من هو مثلك الأعلى؟
الرسول عليه افضل الصلاه وازكي السلام
-هل تجدين في دراستك من أجل نفسك أم من أجل الآخرين ؟؟
من اجل نفسي طبعا
علشان مستقبلي وبيتي وولادي كدا ان شاء الله لما يكون في بيت وولاد
كل دا جزء من نفسي
ما هي أحلامك في فارس الأحلام ؟؟ والله يخليه ليكي طبعا !!
انه يكون عارف ربنا وطيب وحنين وقبل كل دا ودا يكون بيغفر بسرعه ومش بيشيل ف قلبه لان انا غلطاتي كتير محتاجه حد يكون بيغفر بسهوله
وطبعا يكون راجل ويحبني ويعمل المستحيل علشان راحتي
-هل ترين نفسك سعيدة في حياتك ؟؟
لا خالص ...حياه كئيبه جدا
ربنا يعديها ع خير بقي
صفه يصفك الناس بها دوووما ؟؟
عبيطه زياده شويه هههههههههههههه
انا اقصدك عبط ف اختيار الناس واني بصدق كله
ممكن تقولي خياليه شويه عايشه عالم مثالي
قرار اتخذتيه في حياتك وندمتِي عليه؟
انا دايما بندم ف قراراتي لاني متسرعه جدا
هو مفيش حاجه معينه بس اكتر حاجه ممكن اكون بندم عليها اني بختار عاده ناس خطأ ف اوقات خطأ
-متى تبكي ايوش

ومتى تضحك

ومتى تتعصب
ابكي لما اتصدم ف حد كنت متخيلاه اقرب حد ليا
اضحك لما اكون عايزه اداري حزن جوايا مافتكرش اني مره ضحكت من قلبي بس بداري بيه احزاني قدام الناس
اتعصب لما حد يجرحني حتي لو بمجرد كلمه ببقي شرسه هههههههههههههههه
-رب اخاً لكِ لم تلده امك

هل تعتقدي ان هذه الحكمه ممكن ان تكون في زمننا هذا ؟
اها طبعا

-اذا اعطيتك علبة ألوان وورقة ماذا سترسمين لنا؟
هرسم قلب ابيض الحاجه اللي بحلم تكون موجوده في زمنا دا
بس يا خساره بقي
وكفاية كدا النهاردة

وانتظرينى مرة تانية

ويارب تكون الاسئلة خفيفة عليكى

دمتى على خير
اوكي يا قمرايه
انا مستنياكي
بجد اسالتك كانت تحفه دمتي ع الف خير

تسلميلى ياقمر ربنا يخليكى يارب ليا وللمنتدى ولاهلك ول.................... كفاية بقى احسن يفهموا غلط ههههههههههههههههههههههههههههه
هههههههههههههههههه ماشي يا باشا بس بلاش ول....دي مفيش ول..اصلا
هههههههههههه

ايه يايويو هو انتي جاوبتي علي كل اسئله الاعضاءوجيتي علي اسئلتي واتعميتي
اهئ اهئ اهئ

كده برووووووووو

عضاء اذكري اسمائهم وتكلمي عنهم في سطرين..((اجباري))؟؟
بارديس..حد طيوب بشكل وزي العسل وبجد اخت كبيره كنت بتمني وجودها من زمان( حبيبه قلبي)
هيرو..كبير المنتدي دا ومن غيره بصراحه المنتدي يبوظ وحد طيوب جدا
محمد عبد الرؤف..صاحب القلم المميز طبعا واخويا الكبير وحقيقي حد عاقل جدا ومثقف جدا وليه ف كل مكان علامه
ميرو..بنوته حساسه جدا لا مش جدا بس دي حساسه زياده ورقيقه موت وزي العسل
بنوته ..دي بقي بسكوته المنتدي وروح قلبي وبجد بنوته عثوله خالث وزي العسل ودمها حفيف مش يتشبع من وجودها خالص
انجي..بنوته رقيقه جدا وحبوبه جدا ودمها عثل وانا بحبها جدا ع المستوي الشخصي
فراشه..بنوته زي العسل ودايما كدا تهزر ودمها عثل
سمارت نيرس ..صحبتي وحبيبه قلبي واللي دايما بتواجهني بحقيقتي يعني ممكن نقول مرايتي اللي بشوف فيها نفسي
لولو..صحبتي وحبيبه قلبي واقرب حد واتمني ربنا مش يحرمنا من بعض يارب
شمس..دي شموسه المنتدي كله وبنوته محترمه جدا ونفسي اتعرف عليها شخصيا بس مش عارفه ازاي بس بس قريب ان شاء الله
ميدو ماكس..حاساه حد طيوب جدا ومحترم جدا ودمه خفيف بس هو غايب بقاله فتره مش عارفه ليه يارب يكون خير
اوت اوف لف..حد محترم جدا ومميز في ردوده
يارب مش اكون نسيت اي حد
كيف كان شعورك لما عرفتي انك وقعتي في الكرسي ؟؟
كنت هتهبل بصراحه ههههههههههههههه ربنا يستر بقي مش اتقلب من علي الكرسي دا
صفه تتمني انك تتحلي بيها وصفه تتركيها؟؟
اتحلي بيها ..اني اقوي قلبي عاللي بيبعني
اتركها..العصبيه وطيبه القلب الزياده
افضل قسم في المنتدى؟؟
المكتبه التمريضيه
حكمتك في الحياه؟؟
اذا اردت شيئا بشده فاطلق سراحه فان عاد اليك فهو ملكا لك الي الابد وان لم يعد فهو لم يكن لك من البدايه
توقيعك هل يوحي بحقيقة ..!؟
اهاا
ضع لكل صفة عضو/ة من المنتدى..
الشخصيه المرحة..المتميز/ة....ترتاح اذا شفت/ه متصل او متواجد..عضو/ة جذبك بأسلوب بنوته بسكوته
عضو رهيـــب وخفيف دم ...........سمارت نيرس
عضو مش عاوزه ودك يغيب ابد .............ههههههههههه هبقي اقولك بعدين

عضو تحس لو غآب ينام المنتدى..........انتي يا ميرو

عضو تحسه مميز في بموآضيعه ..............لؤلؤه.

عضو يثير اهتمامك .................محمد عبد الرؤف

عضو تعرفه خارج المنتدى ...............بنوته ولف دريم وبارديس وميرو ولف تو لايف وماي لف وسبايدر وهيرو كله كله ماعدا محمد عبد الرؤوف وشمس.

عضو كآن نشيط وقل نشاطه ...................انا هههههههههه

عضو ودكـ تقعد وتشرب شاي وتاكل معاه...........كل الاعضاء..

عضو تعرفت عليه عن طريق المنتدى ..................كل الاعضاء
./عضو ودك تضربه ..............هههههههههههههههههه برده هقولك بعدين.
/عضو تحسه خآرج عن النص دآيم................ ...هو نفس اللي عايزه اضربه هههههههههههههه
عضو تحسه حبوب.......................لف تو لايف
من هو مثلك الاعلى؟
.الرسول عليه الصلاه والسلام
مـين تتمنى أول واحد يقولك كل سنه و إنتي طيب في عيد ميلادكـ؟؟
حد كدا وخلاص هههههههههههههه

صف نفسك بثلاث كلمات فقط؟؟
انا اللي اوصفني؟؟؟؟هه طيب
غلباويه ورزله وسوسه في بعض الاحيان
بس طيبه والله هههههههههههه

عضو عايز تغير اسمه ... ( )
مفيش

عضو عايز تعرف معنى اسمه ... ( )
ميدو ماكس
عضو تحس انه شيبه لك ... ( )
بنوته بسكوته
عضو اول ما شوفته ارتحت له
بارديس وبنوته وميرو وانجي
.ميرسي ليكي يا قمرايه

ههههههههههههههههه ايه يا بنتي كنت بجاوب اهو الله؟
هو انا خلاص يعني جهازي طلقه ؟؟؟؟؟؟؟؟ دا سحلفاه
الله مش تبقي سيئه الظن كدا
ههههههه

مبروك عليكي الكرسي يا يويا
والله وجه اليوم اللي هشمت فيكي
ملحقتش لولو وهي علي الكرسي
هطلعه عليكي بقي
اشربي يا حلوة

هههههههههههههههههههههههه اخص عليكي يا ايمي
كدا تشمتي فيا انا
انا بجد سو ساد
اهئ اهئ
وانا اللي كل يوم اسال عليكي وعايزه اطمن عليكي تعملي فيا كدا
ماشي بس برده مش اقدر ازعل منك دا انتي قمرايه

خلاص يا نونو متزعليش
ايم سوري
بعد الشر عنك من السو ساد يا حبيبتي
انشالله يارب الناس الوحشه وانتي لا
مقدرش علي زعلك يا يويا ده انتي حبيبتي

بنوته ..دي بقي بسكوته المنتدي وروح قلبي وبجد بنوته عثوله خالث وزي العسل ودمها حفيف مش يتشبع من وجودها خالص

ارايك بكرسي الاعتراف ؟؟
موضوع تحفه من بنوته زي العسل بنوته بسكوته بسكوته المنتدي كله

ميرسى تسلميلى ياقلبى يارب ويخليكى ليا ياملكة المنتدى كله

اتفضلي يايويو اسئلتك
وممنوع استخدام حل اخرويسمح بالقلم الازرق فقط
هههههههههههههههههه

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

النســيان نعمــة .. ما الشـيء الذي تتمني ان تنساه للابــد ؟؟

لو معاكى مليون جنيه هتعملى بيهم ايه؟
من وجهة نظرك ايه اصعب خيانة الصديق ام خيانة الحبيب؟
لو اتاحت ليكى الفرصة علشان تختارى انك تشتغلى في منصب كبير في الدولة ايه هو المنصب ده وليه؟
لو معاكى وردة بيضاء ووردة حمراء وقلب هتهديهم ل3 اشخاص مين هم؟
ايه الحاجة ايلي مش ممكن تسامحى فيها ابدا مهما كان؟
ايه الحاجة ايلى نفسك تغيريها فيكى؟
مين اقرب انسان ليكى؟
ماذا تعنى لكى الخيانة .الام .الصديق.الحب؟
ماهى احلامك؟
ايه الكلمات التى بتعبر عن حياتك ايلي عشتيها لحد دلوقتى؟
ايه اكتر قرار اخدتيه وندمتى عليه؟
اكتر مغنى . مغنية . فنان . فنانة بتحبيهم المفضلين ليكى يعنى؟
ايه اكتر موقف صعب حصلك ف حياتك؟

من يستحق لقب ((شعلة المنتدى)) من وجهة نظرك؟؟

من يستحق لقب ((العضو المتميز)) في المنتدى؟؟

من يستحق لقب ((العضو صاحب الاخلاق العاليه)) بالمنتدى؟

من يستحق لقب ((العضو صاحب افضل ردود)) بالمنتدى؟؟؟

من يستحق لقب ((العضو صاحب الطله البهيه)) ؟؟؟

من يستحق لقب ((العضو صاحب المساعده للكل)) ؟؟

من يستحق لقب ((العضو صاحب افضل صورة رمزية)) بالمنتدى؟؟

من يستحق لقب ((العضو البسيط..قليل التواجد والتفاعل )) بالمنتدى؟؟

من يستحق لقب ((العضو صاحب القلم الجريء)) بالمنتدى؟؟

من يستحق لقب ((العضو الوفي للمنتدى)) ؟؟

من يستحق لقب ((العضو صاحب التشجيع بالمنتدى)) ؟؟

من يستحق لقب ((العضو صاحب افضل المواضيع )) بالمنتدى؟؟

من يستحق لقب ((العضو المثقف )) بالمنتدى؟؟

من يستحق لقب ((العضو صاحب العطاء)) ؟؟

من يستحق لقب ((العضو صاحب التواجد النادر)) ؟؟

من يستحق لقب (( شمعة المنتدى )) ؟؟

من يستحق لقب (( نجم المنتدى )) ؟؟

ده وبس يا يويو وربنا معاكى

اتفضلي يايويو اسئلتك
وممنوع استخدام حل اخرويسمح بالقلم الازرق فقط
هههههههههههههههههه

هههههههه ماشي يا ابلتي طب ينفع اخد استيكه من اللي جمبي ههههههههههه
هل تعتقد ان حظك سيئ؟
انا مش بعتقد ف الحظ والكلام دا اصلا كل الموضوع مساله نصيب بتاع ربنا وربنا مش بيجيب حاجه وحشه
كل حاجه لازم فيها خير مهما كانت
.هل هزمك حزنك في يوما من الايام؟
لا الحمد لله لسه عموما لما يحصل هبقي اقولك هههههه ربنا ما يجيب حزن يا اخه مش تبشري عليا
.((مستحيل انساك)) لمن تقولها ؟
لاول اعجاب ف حياتي
.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
ان اللي يبيعني موش اندم عليه بالعكس دا انا اكسر وراه اوله
عارفه الاوله يا ميرو ههههههههههههه
.(( انت كل شيء بحياتي )) لمن تقولها ؟
جوزي هههههههههههه اما ابقي اتجوز بقي
جوزي وانا حره فيه جوزي اغسله واكويه
هههههههههههه
النســيان نعمــة .. ما الشـيء الذي تتمني ان تنساه للابــد ؟؟
الناس اللي بعوني بالرخيص ومن غير ذنب
لو معاكى مليون جنيه هتعملى بيهم ايه؟
هبني مستشفي وامسك اشراف التمريض فيها واتدرب ع المرضي بقي واقعد اديهم حقن لما انفخهم
هههههههههههههه
هطلع عليهم كل اللي بيطلع عليا
من وجهة نظرك ايه اصعب خيانة الصديق ام خيانة الحبيب؟
الصديق
لو اتاحت ليكى الفرصة علشان تختارى انك تشتغلى في منصب كبير في الدولة ايه هو المنصب ده وليه؟
وزير التعليم العالي واعاقب كل دكاتره الجامعه
لو معاكى وردة بيضاء ووردة حمراء وقلب هتهديهم ل3 اشخاص مين هم؟
الورده البيضه لماما
والحمرا لصحباتي الاتنين لؤلؤه وسموره
والقلب.........مش هقول بقي انتوا اكيد عارفين هههههههه
ايه الحاجة ايلي مش ممكن تسامحى فيها ابدا مهما كان؟
ان حد يلعب بمشاعري او يجرحني ولو بكلامه
ممكن اه ارجع معاه طبيعي وعادي بس عمري ما بنسي لحد جرحه ليا
ايه الحاجة ايلى نفسك تغيريها فيكى؟
الطيبه الزياده
مين اقرب انسان ليكى؟
صحباتي لؤلؤه وسموره
ماذا تعنى لكى الخيانة .الام .الصديق.الحب؟
مستحيل تكون الام
بس ممكن تكون الصديق او الحبيب من اي حد مفيش حد ملاك يعني بس امي ابدا ما تخوني تخون مين ؟.؟نفسها؟ ابدا
ماهى احلامك؟
اني اخلص كليتي ع خير وارتبط بالانسان اللي بتمناه
واجيب ولاد كتيييييييييييييير واخليهم احسن ولاد ف الدنيا
ايه الكلمات التى بتعبر عن حياتك ايلي عشتيها لحد دلوقتى؟
جرح .خيانه ..فراق ..غدر
ونادرا ما يكون حب وامان
ايه اكتر قرار اخدتيه وندمتى عليه؟
اني امنت لحد مايستاهلش
اكتر مغنى . مغنية . فنان . فنانة بتحبيهم المفضلين ليكى يعنى؟
مغني..عمرو دياب طبعا
مغنيه..شرين
فنان..احمد حلمي
فنانه..حنان ترك
ايه اكتر موقف صعب حصلك ف حياتك؟
اني جت فتره كدا حسيت فيها اني فقدتك ثقه اقرب الناس ليا
بس الحمد لله كله بقي تمام

من يستحق لقب ((شعلة المنتدى)) من وجهة نظرك؟؟
لؤلؤه وميرو

من يستحق لقب ((العضو المتميز)) في المنتدى؟؟
سبايدر ومحمد عبد الرؤف

من يستحق لقب ((العضو صاحب الاخلاق العاليه)) بالمنتدى؟
كله الاعضاء

من يستحق لقب ((العضو صاحب افضل ردود)) بالمنتدى؟؟؟
شموسه قلبي

من يستحق لقب ((العضو صاحب الطله البهيه)) ؟؟؟
بارديس

من يستحق لقب ((العضو صاحب المساعده للكل)) ؟؟
كله بصراحه بس اكترهم بارديس وهيرو ومحمد عبد الرؤف

من يستحق لقب ((العضو صاحب افضل صورة رمزية)) بالمنتدى؟؟
سموره

من يستحق لقب ((العضو البسيط..قليل التواجد والتفاعل )) بالمنتدى؟؟
ميدو ماكس

من يستحق لقب ((العضو صاحب القلم الجريء)) بالمنتدى؟؟
محمد عبد الرؤف

من يستحق لقب ((العضو الوفي للمنتدى)) ؟؟
انا طبعا ههههههههههههههههههههههه
بس بحقيقي كل الاعضاء اوفياء

من يستحق لقب ((العضو صاحب التشجيع بالمنتدى)) ؟؟
بارديس وبنوته

يستحق لقب ((العضو صاحب افضل المواضيع )) بالمنتدى؟؟
انت

من يستحق لقب ((العضو المثقف )) بالمنتدى؟؟
محمد عبد الرؤف طبعا
من يستحق لقب ((العضو صاحب العطاء)) ؟؟
كل الاعضاء
من يستحق لقب ((العضو صاحب التواجد النادر)) ؟؟
ميدو ماكس قولنا الله؟ههههههههههههههههه
من يستحق لقب (( شمعة المنتدى )) ؟؟
ميرو
من يستحق لقب (( نجم المنتدى )) ؟؟
هيرو

ده وبس يا يويو وربنا معاكى
نورتني يا باشا
يارب يخليك

2-باقة ورد لمن تهديها ...؟؟
3-- شخص لاترفض له طلبا ..؟؟
4- من هو توأم روحك ...؟؟
5-مالذي يشعرك بأكثر قدر من الحرج...
6-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
7-- من هو العضو اللي يستحق انه تقول عنه محبوب بين الاعضاء ؟
8
11.العضو الذي اثار اعجابك بمواضيعه ؟

12.أصعب المواقف اللي مريتي بيها ؟

13.شو موقفك من الحب ؟؟ وهل جربتيه ؟؟ هل تأمنين بوجوده ؟؟

مين العضواو الصديقة الذى تهدى له هذه الكلمات
اشتقتلك وليكي وحشة جامدة

المنتدى بدونك ما يسوى
14.مالفـرق بين الحب والصداقة ؟ -

كان يا يويو ايه الكلام اللى بتوجيهيه للاعضاء الاتي ذكرهم -هيرو-باراديس-محمد عبد الرؤف-اسبيدر-ماى لف-بنوته- لف دريم-لولو-فراشة-شمس-ميرو-مرمر وفى لنهاية اتمنى ان الاسئلة تكون عجبتك ومش تكون صعبة اتمنى لكى التوفيق

حاجة مش سؤال ميدو ماكس غايب عن المنتدى فترة وهيرجع تانى قريب جداااااااواسمه ميدو علشان دلع محمد وماكس علشان الشلة المحيطة بيه يعنى اصحابه الانتيم يضاف لها ماكس بجانب الاسم

ايه يا يويو شكلك هنا من زمان ااصل النت كان فاصل بقاله يومين
ع العموم منورة يا قمر الكرسى
والاعضاء مظبطينك وكل حاجة تمام
شدى حيلك بقى انا مش لاقيه اسأله تانيه جيت امسى عليكى بس

+
----
-

2-باقة ورد لمن تهديها ...؟؟
3-- شخص لاترفض له طلبا ..؟؟
4- من هو توأم روحك ...؟؟
5-مالذي يشعرك بأكثر قدر من الحرج...
6-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
7-- من هو العضو اللي يستحق انه تقول عنه محبوب بين الاعضاء ؟
8
11.العضو الذي اثار اعجابك بمواضيعه ؟

12.أصعب المواقف اللي مريتي بيها ؟

13.شو موقفك من الحب ؟؟ وهل جربتيه ؟؟ هل تأمنين بوجوده ؟؟

مين العضواو الصديقة الذى تهدى له هذه الكلمات
اشتقتلك وليكي وحشة جامدة

+
----
-

2-باقة ورد لمن تهديها ...؟؟
3-- شخص لاترفض له طلبا ..؟؟
4- من هو توأم روحك ...؟؟
5-مالذي يشعرك بأكثر قدر من الحرج...
6-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
7-- من هو العضو اللي يستحق انه تقول عنه محبوب بين الاعضاء ؟
8
11.العضو الذي اثار اعجابك بمواضيعه ؟

12.أصعب المواقف اللي مريتي بيها ؟

13.شو موقفك من الحب ؟؟ وهل جربتيه ؟؟ هل تأمنين بوجوده ؟؟

مين العضواو الصديقة الذى تهدى له هذه الكلمات
[size=25]اشتقتلك وليكي وحشة جامدة

باقة ورد لمن تهديها ...؟؟
لماما وبابا
شخص لاترفض له طلبا ..؟؟
my love
من هو توأم روحك ...؟؟
هما توام ثنائي ههههههه
لؤلؤه وسموره
مالذي يشعرك بأكثر قدر من الحرج
كلمه غير متوقعه من شخص غير متوقع منه الكلمه دي...
حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
my love
من هو العضو اللي يستحق انه تقول عنه محبوب بين الاعضاء ؟
كل الاعضاء بس اذا خصصت هقول
بارديس وبنوته
العضو الذي اثار اعجابك بمواضيعه ؟
ميرو وسبايدر
.أصعب المواقف اللي مريتي بيها ؟
مهو انا قولت
لما حسيت ان اقرب الناس ليا فقدوا ثقتهم فيا
شو موقفك من الحب ؟؟ وهل جربتيه ؟؟ هل تأمنين بوجوده ؟؟
موقفي...اهو شغاااال
جربته.............؟
هل اامن به....طبعا

مين العضواو الصديقة الذى تهدى له هذه الكلمات
اشتقتلك وليكي وحشة جامدة
صديقه كانت غاليه عليا جدا بس هي بعدت بقي
ربنا يوفقها
المشتاقه وحشتني اوي
المنتدى بدونك ما يسوى
بارديس وميرو وسبايدر وهيرو ومحمد عبد الرؤف
كله تقريبا
بس بارديس اكتر
[size=21]المنتدى بدونك ما يسوى
كل الاعضاء
14.مالفـرق بين الحب والصداقة ؟

الحب..اجمل احساس ف الوجود لما تحس كدا انك وانت معاه ناسي الدنيا وممكن تضحي بكل حاجه في سبيل حبيك
وانك تعمل اي حاجه تسعده وكمان ترضيه بعيد عن اي كرامه او كبرياء
وكمان تضحيه واخلاص ووفاء بالوعد
انما الصداقه..اسمي المعاني ف الوجود والانسان من غير صديق مستحيل يعيش
وكمان الامان وانك تلاقي صديقك دا في اي وقت واي ظرف
وكمان الصداقه من وجهت نظري ابقي من الحب بس لو كانت بجد

وكماالصداقه ممكت تقلب حب بس لا يمكن يحصل العكس

ميرسي ليك يا سبايدر ع الاسئله الرائعه

كان يا يويو ايه الكلام اللى بتوجيهيه للاعضاء الاتي ذكرهم

هيروووو..هقوله انت انسان محترم جدا وطيوب خالث بس لو تحاول تركز شويه ههههههههه قصدي يعني حاول تركز ف الكلام اللي بيتقالك وتحاول تفهم المطلوب منك وكمان تبطل عصبيه حاساك عصبي شويه

بارديس..خليكي ريلاكس يا ايمي يعني ممكن تهدي اعصابك شويه علشان بحسك شويه نرفوزه هههههههههه بس والله طيبه خالص وصديقه واختك بعني الكلمه

محمد عبد الرؤف..مع اني مش اعرفه اوي لكن باين انه شويه بيزعل بسرعه ممكن تحاول تتحكم ف اعصابك وتكظم غيظك
ههههه كلام كبير صح؟؟يعني بس حاول تقلل زعلك شويه

سبايدر..هو حد محترم جدا وطيب خالث وبصراحه مش لاقيه فيه حاجه انقضها ههههههههههههههه والله مش علشان انت اللي بتسال بس هي دي الحقيقه

ماي لف..هههههههههه دي بقي حكايه بس هي لو تبطل سرحان شوي هههههههه ابقي بكلم البت واخلص وهي ولا سمعت حاجه بس هقول ايه ربنا يهديها

بنوته..بالله عليكي تبطلي كلمه(هقولك حاجه بس دا سر متقوليش لحد)انتي فهماني طبعا ههههههههه
وكمان بطلي اكل هتتعبي بعدين وتتختخي وصدقيني هيسيبك ههههههههه

لف دريم..بطلي اكل انتي كمان ههههههه وبالذات الكشري ولما تيجي تاكليه ابقي قوليلي بطلي طفاسه ههههههههههه

لؤلؤه..هقولها بطلي شويه عصبيه وبطلي تحكمي ع الامور من برا
وكمان بطلي تجري شكلي وتنكوشيني ههههههههههههه لازم تناكفي فيا كدا؟؟؟

فراشه..انتي زي العسل والله بس لو تبطلي تشاكلي لؤلؤه هحبك خالث ههههههههههه
(دا هزار يا جماعه مش بجد)انا بس بغلس عليها ههههههههه

ميرو..بطلي الحساسيه الزايده دي ومش تخلي اي حد يضايقك بسهوله لان ممكن اي حد يستغلها نقطه ضعف وكمان ع متوصلي ع سن التلاتين هتكوني جالك الضغط والسكر ههههههههههههه بعد الشر عليكي طبعا
بس بطلي الحساسيه دي

شمس..نفسي اتعرف عليكي بجد من قريب لان باين عليكي شخصيه محترمه جدا من ردودك
بلاش انطوائيه وحاولي تتعرفي ع الناس وتقربي منهم بسهوله
زي ما بيقولوا معرفه الناس كنوز

مرمر..انتي حد طيوب ورقيق خالث
بس وحياه اغلي حاجه عندك مش كل ما تشوفيني تحسسيني اني هوا وخيال مش باينه
تسلمي ع كل خلق الله وانا ولا هنا اصلا
هو انا مينص تو اوي كدا ..مش باينه؟؟هههههههههههههههههه
وفى لنهاية اتمنى ان الاسئلة تكون عجبتك ومش تكون صعبة اتمنى لكى التوفيق
اسئله جميله جدا يا سبايدر
ميرسي ليك بس ربنا يستر بقي والسؤال دا ميزعلش حد مني
ياااااااااااااااارب

حاجة مش سؤال ميدو ماكس غايب عن المنتدى فترة وهيرجع تانى قريب جداااااااواسمه ميدو علشان دلع محمد وماكس علشان الشلة المحيطة بيه يعنى اصحابه الانتيم يضاف لها ماكس بجانب الاسم

ماشي يا سبايدر باشا
يرجع بالسلامه ان شاء الله
وميرسي كتير ليك

ايه يا يويو شكلك هنا من زمان ااصل النت كان فاصل بقاله يومين
ع العموم منورة يا قمر الكرسى
والاعضاء مظبطينك وكل حاجة تمام
شدى حيلك بقى انا مش لاقيه اسأله تانيه جيت امسى عليكى بس

ميرسي ليكي يا لولو
شوفتي بقي سايبني ع الكرسي من يوم الجمعه لما قربت ألزق ف الكرسي موش هعرف اقوم ههههههه
ميرسي يا قمرايه ع مرورك

كده يا يويو تنسى تكلمى عنى مكانش العشم..............واء واء واااااااااااااااااااااااااااااااااااااااااااء Sad

بصراحة يا يويو اجاباتك رائعة ومتميزة بس عندى سؤال محيرنى انتى فى سؤالين كان جوابك الاتىmy love مما يعنى ان فيه قصة حب فى حياتك ممكن تحكى لينا شوية منها يا قمر وعلى فكرة مش لازم تفسير الاجابة بوضوح شديد هههههههههههههه ربنا معاكى

بصراحة يا يويو اجاباتك رائعة ومتميزة بس عندى سؤال محيرنى انتى فى سؤالين كان جوابك الاتىmy love مما يعنى ان فيه قصة حب فى حياتك ممكن تحكى لينا شوية منها يا قمر وعلى فكرة مش لازم تفسير الاجابة بوضوح شديد هههههههههههههه ربنا معاكى

هههههههههههههههههه كدا يا سبايدر؟؟؟وانا اللي عماله اقول مفيش حاجه عندك اعلق عليها
تيجي تطلع ليا غلطات ههههههههه
عموما الله يسامحك ايام سو ساد منك انت كمان
بس موضوع ماي لف دا انا موش عارفه جت ازاي بصراحه ماخدتش بالي من الكارثه
عموما هو اه بس موش هحكي حاجه ههههههههههههه

بس علي فكره احب الفت نظرك لحاجه ان موش معني اني اتمني ان الرساله المجهوله تكون من الحبيب او اني لا يمكن ارفض ليه طلب انه موجود ممكن موش يكون موجود بس بتمني يعني
بس انا بس قولت علشان اريحك يلا اكسب فيك ثواب مع انك واقفلي ع الغلطه
بس موش هعديهالك يا عنكبوت

وعلى فكرة مش لازم تفسير الاجابة بوضوح شديد هههههههههههههه ربنا معاكى
انت بتتريق عليا يا فوزي ههههههههههههههههههه مااااااااااااااااااااااااشي
بس خليك فاكرها
بس دي اسئلتي واجاوب عليها بالطريقه بتاعتي انا
موش انت
وبعدين بطل كدا قوه الملاحظه دي انت اتعديت من واحده كدا شكلك ههههههههههه
بس انا برده زعلانه
مش تركز معايا كدا ههههههههههههه هتتعب كتير ع فكره

لا يا قمر انا مش اقدر على زعلك وعلى العموم انتى هربتى من الاجابة بطريقة ممتازة وانا هعتبر انى مشوفتش حاجة المهم مش تزعلى يا يويووبعدين انا فوزى ماشى يا..........ملكة المنتدى

كده يا يويو تنسى تكلمى عنى مكانش العشم..............واء واء واااااااااااااااااااااااااااااااااااااااااااء
هههههههههههههههههههههههههههههههههه
والله يا سموره انا مش ليا دعوه
سبايدر هو اللي حط السؤال وهو اللي نسيكي يعني انا موش ليا ذنب
شوفت يا سبايدر
يمهل ولا يهمل
قولتش حاجه انا
هههههههههههههههههههههه
شوفت يا سبايدر اهي دي بقي اللي بقولك اتعديت منها
يلا يا عم قابل بقي هههههههههههههههه علشان تعملي فيها بتاع اوي
بقي منظرك وحش
والله يا سموره لو سبتيه انا هزعل
عايزاكي تجيبي حقي ماشي
هههههههههههههههههههههههههههههههههههههههههه

لا يا يويو انا مقدرشى ازعل حد منى يا سمورة انا عمل ليكى سؤال مخصوص ومش تزعلى يلا يا يويو ايه وصفك لسمورة ورينى شطارتك ههههههههههههههههه وكمان فيما لايقل عن خمسة اسطرههههههههههههه

لا متزعليش يا يويو ..................بس انا هسامح المسامح كريم

هههههههههههههههههههههه ايه رايك يا يويو خلاص سمحتنى مش فاضل غير انك تجاوبى على السؤال

ردى يا يويو وشرفينى Laughing

هو انت علشان تطلع من السؤال تدبسني هههههههههههههههههههههه
تاني غلطه تعملها
خليك فاكر يا سبايدر
انا زعلي وحش
وبعدين ايه موضوع خمس سطور دا هو انا هكتب موضوع تعبير
ههههههههههههههههههههههه
بص بقي يا معلم......سموره دي روح قلبي والحته اللي ف الشمال دي بس انا بس عايزه اقولها خليكي فري كدا مش تخافي من كل حاجه وبلاش تبقي رقيقه زياده والنبي ياختي هيستهفوكي
خليكي قويه كدا وادخلي ف الدنيا بقلب جامد
وسايق عليكي النبي خليكي ع دماغي ها؟انتي فاهماني طبعا
ههههههههههههههههههههههه

يلا يا سبايدر خمس سطور اهو
علشان بس مش تقول حرمتكم من حاجه بس خد بالك غلطاتك معايا بتكتر
هههههههههههههههههههههههه
تاني مره تدبسني بس هعديها بمزاجي بس
يلا اي خودعه
هههههه

فاهمه فاهمه .............مهى هى دى المشكله بس مااااااااااااااااااااااااااشى انا فى حد ممكن يستهيفنى ................لما اشوفك اينعم انا مش هعملك حاجه بس اهو يبقى كويس لو شوفتك يا يويو يا حبيبتى ................وشكراااااااااااااااااااههههههههههههههههههههههههههههههههههههههه

لا السطر لخامس مش محسوب كده هقول لسمورة تزعل منك انتى مستخسرة فيها خمس اسطر ماشى ووحياة خالى ابوسريع لاقولها هههههههههههههههههههههههههههههههههههههههههه

» شمس المنتدى على كرسى الاعتراف " اشرقت الانوار "
» برنسيسة المنتدى على كرسى الاعتراف " مـــيـــــــرو " يامرحبا
» فراشة المنتدى تحلق معنا فى سماء كرسى الاعتراف كله يسال اللى فى نفسه
» كرسى الاعتراف.......
» بنوتة بسكوتة على كرسى الاعتراف !!!!!!!!!!!!!!