ارجو الاهتمام: مهم جدا لجميع فرق تمريض جامعه المنصوره

مطالب التغيير



كنا أعلنا ان فيه اجتماع النهارده عشان نتناقش في المطالب اللي احنا عاوزينها وطبعا حضر ناس كتير وخرجنا من النقاش ده بحجات كتير كويسه وطبعا اللي عنده حاجه زياده يقول واللي عنده اقتراح تاني كمان ، والمطالب هي:
1-تغير أسم الكليه الى الطب العام أو العملي أوالمساعد وع فكره كل الكليات ع مستوى الجمهوريه طالبت بده
2-كل فرقه هتشكل لجنه خاصه بيها مكو...نه من 3 طلاب ودي الطلاب هما اللي هيختاروها وهتكون غير الاتحاد ودي اللي هتكون أقرب للطلاب ومنها ممكن نشوف مواعيد الامتحانات ونعترض وهم هيتناقشوا مع العميده ويقدروا يحققوا للطلبه اللي همه عاوزينه وكمان هيشاركوا مع الاتحاد بس اللجنه هتكون أقرب لمشاكلنا
3-اليونيفورم اتفقنا انه يكون بالطوا ابيض ع شعار الكليه وهتختلف ألوان الشعار بحسب الفرقه وهيكون البنطلون الغامق للبنين مش شرط الاسود وبالنسبه للبنا هنلتزم بالطرحه البيضه والشوز يكون أسود وده يا جماعه مش عشان احنا بنهرب من زي كليتنا ده للتسهيل فقط
4-الوعي السياسي لدى الطلاب هنطالب العميده انها تدينا الحريه ف المناقشات دي ما بين الطلاب وان جروبات الكليه اللي هيه شعاع والنور تقوم بالحجات دي
5-بالنسبه للعملي هنطالب انه يكون يومين بس واليوم متقسم ع فترتين عشان العدد يكون صغير ف المعمل ونقدر نستفيد وكل يجرب كل حاجه بنفسه وانه التدريب ف المستشفيات يكون مفعل عن كده ان اليوم اللي هيتشال فيه العملي ده هنوزع فيه المحاضرات
6-بالنسبه للباب الرئيسي للكليه هنطالب ان احنا ندخل منه عادي نظرا لضيق الباب الاخر وان عدد الطلبه كتير ومينفعش انه يكون هوه ده اللي ندخل ونخرج منه وبالنسبه للمصعد هنحاول انه يكون متاح لينا ان شاء الله ومش يقتصر ع المعيدين والعاملين
7-ان اتحاد الطلاب يكون بالانتخاب
8-هنأكد ع مطلب وجود كانتين

دي المطالب اللي احنا اتفقنا عليها
وان شاء الله هنكون موجودين يوم الاتنين الساعه 10 امام مبنى الكليه
اللي حابب ينضم لينا عشان يبان ان في كتير عاوزين المطالب دي
وبالتوفيق ان شاء الله

بالتوفيق ان شاء الله
واهم حاجه اكتر عدد منا يعرف بس بالكلام ده

ماشى يالولو ربنا معاكو وانا بشجع ومتفق معاكم تماما

شوز اسمر ازاى وانتى ف مستشفى وكمان اليونى فورم ان كنتوا بتتكلموا ع المنظر اليونى فورم هيبقى احسن هو اه مش مظبوط بس لو ظبطوه الموضوع خلص ومصعد ايه اللى عوزينه لما 600 طالب يس ف الفرقه التانيه يطلعوا فيه مش هينفع طبعا هو مش ميكروباص وهو معمول للدكاتره والناس الكبيره ف السن واسم الكليه اسمها التمريض لاننا مسات مش اى حاجه تانيه بتهيقلى دى الحاجات اللى انا معارضه عليها انتوا لازم تستنوا لاول يوم لما نتجمع ف المدرج ابقوا اعرضوا الطلبات وشوفوا كام واحد هيوافق وكام هيعارض والمفروض مش تاخدوا اى خطوه من غير ما معظم الناس توافق


يااريت تشوفوا اايه رايكم

ع العموم احنا اتفقنا خلالالالالاص

ياريت الكلام ده يتحقق ونغير نظرة الناس لكلية تمريض اللي أي واحد بيسمع بيها بيرجع ورا زي مايكون عفريت لسعه وبيبصوا للصبيان بصات غريبه ازاي انهم في تمريض وهم في دماغهم ان الكليه دي للبنات بس ياريت حد يرد علي